أيه الأخبار ،??،، سؤال يوم الصباحية … المستفز

on February 11 | in ArT-FaCe | by | with No Comments

‫أيه الأخبار ،??،، سؤال يوم الصباحية … المستفز‬


Timeline Photos
أيه الأخبار ،،، سؤال يوم الصباحية … المستفز
يتناقش معكم : ميلاد نبيل

في البداية أنا حابب أتكلم معاكم بلغة عامية بدل الفصحي عشان كلامي يوصل بسرعة للجميع
زي ماهو واضح من العنوان انا بتكلم عن حاجة بتستفزني جدا وأعتقد لو حصلت معايا أنا مكن أتخانق خناقة كبيرة حتي لو كانت مع أغلي ما في حياتي .. أمي ..
الصبح بدري العروسة تجيلها مكالمة من الأم أو الأب أو الخال أو أي حد متطفل ويسأل
هه طمنينا إيه الأخبار
وطبعا الحجة المعتادة بنطمن
أنا بصراحة مش هجيب اللوم ع الناس الكبار اللي اتعودوا علي الاسلوب والعادة الخاطئة دي وهكتفي بحاجة قالها سيدنا الأنبا بولا قبل كدة وهي " أول تدخل بين الزوجين وبيسبب مشاكل هو السؤال يوم الصباحية عن "إيه الأخبار" وطبعا النصيحة دي للاهل وللبنت الزوجة أو الزوج
طب يعني أنا كعروسة هقول إيه
قبل مااقول تقولي ايه هقول إن في ازواج مبيكتفوش بإنهم مثلا يقولوا آه الحمد لله لأ ده ممكن تتحكي تفاصيل أو يتقال لأ وطبعا لو إتقال لأ يتقال لأ ليه وده بيبقي سؤال أكثر إستفزاز
ومحدش له أي حق إنه يسال السؤال ده علي فكرة إذا كانت أم أو غيرها الزوجة بس هي اللي ليها حق الشكوي للقنوات الشرعية لو زوجها غير قادر وولزوج نفس الحق في حالات معينة فقط
أتمني إن اللي يقرا الموضوع ده ولد أو بنت أم أو أب ميعملش كدة ولو اتسال السؤال ده يرد
ماما دي حياتي الشخصية ومحبش حد يتدخل بيني وبين جوزي وممكن كمان نقول الكلام ده قبل الجواز يعني نبه ع الاسرة
محدش يسأل السؤال المستفز ده
لإنهم ملهمش دعوي

Fans of "The Cross"

Pin It

Leave a Reply

« »

Scroll to top