القسم الادبي
حادث مأساوى .. المعلم قرش حل الموضوع
حدث فى البورصة
اليوم رحت بورصة الأوراق المالية
شفت حاجة غريبة…. عجيبة
واحد صراف قاعد على الخزنة
لاقى جنية بيغازل فى بريزة
قلها خلى عندك أحساس
أنتى قاعدة بتحبى.. ومعطلة شغل الناس
وعشان مايقعش فى ملوم
راح أشتكى لأبوها المعلم مليم
وأجتمعت عيلة الملاليم
واحد شايل سيف..والتانى سكين
وحلفوا مية وخمسين يمين
ليقطعوا الجنية مية وأربعين
مستر دولار..مع اليورو..والأسترلينى كانوا حاضرين
لما شافوا الهجمة الشرسة من الملاليم
رق حالهم على المسكين
القرش قال يا أخونا..
المشكلة دى عائلية
وهانحلها بالطرق القانونية
ومش ناقصين..أى تدخلات خارجية
بعد إذنك يا معلم مليم
واحد يجيب مأذون
والتانى يدعوا المعازيم
وأجتمع شمل الحبيبين
وباتوا فى خزنة واحدة هما الأتنين
وها دنيا عجيبة
بعد 9 شهور
بقيت الست أم بريزة
**************
معلش خرجت على المعتاد
وحبة فرفشة يا أحباب
*************
