يسرح خيالي ويروح بعيد

نظره مني ونظره منك **** شوق ياخدني يجيبني عندك
اجي اصارحك ولا استني

تبصي ليا وابص ليكي **** تغرق عينيا في بحور عينيكي
اسالي قلبك عاللي بينا

1
واقفه انتي وواقف انا **** جامعنا مكان واحد سوا
ابص ليكي واقول ياربنا **** ملاك ده ولا نسمه هوا

ابتسمت ليكي بعدتي عني **** دورتي وشك وحكمتي عقلك
رحـت رايح بعـند مـني **** سايب مـكاني ووقـفت جـمـبك

2
يسرح خيالي ويروح بعيد **** يوصل لحد يوم الفرح
فستان ابيض والكل سعيد **** وجو مليان حب ومرح

ولسه هاجي امسك ايديكي **** الاقي عقلي فوقني تاني
واسعه اوي بحور عينيكي**** تهت فيها يادوب في ثواني

3
قلبي يحزن وانتي ماشيه **** ويقول ياريت تاني ترجع
اصلك مشيتي وانتي ناسيه **** ذكري فيقلبي كتير هتوجع

تندم عينيا وعليكي تغير **** وقلبي يدق ومليان غضب
عرفتك في ثواني ومش كتير **** بس حالي فيها انقلب

يارب تعجبكوا ويكون الموقف وصل كويس