تعبت من كتر البعد والترحال

طب يا ناس أنا إنسان تعبان
تعبت من كتر الخطايا وعلي شروري أنا ندمان
عايز أرتاح من احمالي وأرجع زي زمان
إنسان تعبان ولحد أمتي هأفضل حيران ؟

وفجأة ظهر قدامي نور عجيب إنسان بارع الجمال
وقالي تعالي ليّ والقي علي كل الاحمال
مفيش غيري يريحك ويديلك الأمان
تعالي بسرعه افتحلي دا أنا واقف من زمان
تعالي يابني ارجعلي عندي ليك مكان
هتلقي الراحه عندي وافرح قلبك كمان
وقتها هتكون إنسان جديد خالي من الأحزان
وفعلا بسرعه سمعت للصوت وجريت عليه وقولته أنا ندمان
وبكيت بدموعي وسجدت وقولت ارحمني يا حّنان
بسرعه خدني في حضنه وحسيت بالراحه والامان
ورجعت يا ناس إنسان جديد زي ما كنت زمان
هو دا يسوع بحبه ومعاه تلقي نفسك علي بر الامان
إسمعله وإرجعله يا إنسان ندمان
وقتها هتلاقي الراحه والامان