القسم الادبي

شفت بعينى محدش قالى

+ شوفت بعينى ما حدش قاللى … ناس جواها الحزن تملى

وصوتها بيبكــى بجد يخلـى … القلب يدوب من الحزن عليها

+ عاشوا حياتهم خوف وجراح … خوف من اللى بييجى كل صباح

وحــــزن قلوبهم على اللى راح … واللى زمان ياما ضاع من ايديها

+ قولت أقرب قولت أشوف … ايه اللى مالى حياتهم حزن وخوف

سألت . سكتت على لسانهم الحروف … الدمعه مرة والجفون مش قادرة تداريها

+ كل ده علشان لحظه عاشوها … جريوا وراها سنين اتمنوها

واللحظة جابت لحظة ادمنوها … الخطية بقت سيد والكلمة ليها

+ تؤمر تنهى تحكم عليهم … يخونوا يبيعوا اغلى ما ليهم

اسرتهم ملكتهم قيدت ايديهم … ومفتاح القيود ماسكاه فى ايديها

+ ما فيش انسان قادر ينقذهم … يحطم القيود يحيى القلوب يحررهم

ندموا صرخوا بأعلى صوت من قلوبهم … تعالى يارب بسرعه جراحنا داويها

+ شوفت بعينى ما حدش قاللى … يسوع بحنانه بينده للى

بعد واتعذب . تاه واتغرب … مرارة سنينه هو يحلى

+ شوفت بعينى ما حدش قاللى +

منقووووووووووووول
بصراحة عجبتنى جدا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

معاني الكلمات في الأصحاح

إغلاق

أنت تستخدم إضافة Adblock

Please consider supporting us by disabling your ad blocker!