زى يهوذا

ايوه انا خاين زى يهوذا ..
لأ … ده يهوذا كان أأمن منى
باعك هو بفضه …. وسابك
وانا …انا لاجل خيال كان محاوطنى
كل الناس لامت فيه وعابت ..
وانا كنت مابينهم مستنى
كنت بشاور بصباع واحد
باقى صوابعى كانت بتدينى…

بطرس نكرك لكن تاب
ودموعه سالت بغزارة
لكن انا انكرتك فرحان
انى هروح لندم ومراره
كنت بعايبه بشرخ فى حبه
وانا جوايا شروخ جبارة
كنت بعايره بقذى فى عنيه
وانا فى عنيا خشب وحجارة

ايوه انا ناكر كل جمايلك
وانا اصلا مخلوق ده جميل
ايوه تمللى بنسى فضايلك
وبشيللّك حمل تقيل
وانت بكل بساطه بتقبل مهما بزود بتشيل اتقل
وانا قدام الناس بتجمل
وانا جوايا خزييى وعارى
عمال بنده عن صلبوتك
ايه اللى عملته مقابل موتك
كنت بجرح .. كنت بخونك
نار المك كانت اعذارى
اعذارر بتكرر موتك