ربنا لما أعطي يوسف أحلام انه هيكون سيد علي اخواته و ان هم هيسجدوا و هيخضعوا ليه…

on March 22 | in ArT-FaCe | by | with No Comments

‫ربنا لما أعطي يوسف أحلام انه هيكون سيد علي اخواته و ان هم هيسجدوا و هيخضعوا ليه في يوم من الايام .. وقتها ربنا ما نبهوش انه الاول قبل ما يصبح ملك عليهم كان عليه انه يقابل محن كتير, هيقابل خيانة و خديعة منهم, هيتباع و يعيش عبد في بلد غريبة بعيد عن أهله سنين طويلة ..
ربنا ما نبهوش و يوسف مكانش عارف انه قبل ما ينول المجد هيُشهد عليه زور و هيتسجن و هيتنسي جوا السجن و انه هيعيش حياة كلها ذل .. يوسف مكانش يعرف نهائي انه هيمر بكل دا …
لكن يوسف كان صابر جدا و محتمل كل التجارب و الضيقات اللي اتوضع فيها بكل سلام بدون أي تذمر أو شكوي .. يقينه ب الله كان ثابت جدا ما اتهزش و لا ضعف و لا يأس ابدا .. كان عنده ايمان قوي جدا و ثقة ان ربنا أكيد بيرتب بركات ليه و أكيد هينفذ وعوده ليه اللي اداله اشارة عنها في احلامه ..
و بالفعل جه الوقت و اليوم اللي ربنا نفذ وعده ليوسف و دا لأن ربنا استحالة ينسي ولاده أو وعوده ليهم ..
يعقوب الرسول قال " احسبوه كل فرح يا اخوتي حينما تقعون في تجارب متنوعة عالمين ان امتحان ايمانكم ينشئ صبرا و اما الصبر فليكن له عمل تام لكي تكونوا تامين و كاملين غير ناقصين في شيء "
(يع 2-4:1 )
اوعي تهرب من أي تجربة ربنك حطك فيها لانك كدا انت بتهرب من ربنا و من امتحانه لايمانك .. ربنا بيوعدك انه هايكافئك بعد الامتحان و المحنة ببركات و فضائل و أكاليل كتير ..
" طوبى للرجل الذي يحتمل التجربة لانه اذا تزكى ينال اكليل الحياة الذي وعد به الرب للذين يحبونه " ( يع 12:1 )
هتضعف و تهرب من اي ضيقة أو تجربة يبقي بتهرب كمان من الأكاليل اللي ربنا وعدك بيها و محضرهالك ..
خليك دايما وسط التجارب الصعبة و الضيقات عينك علي ربنا , احتملها بكل صبر و فرح و رجاء و بكل ايمان ان ربنا هيحول كل ألم و شر بتتعرض ليه لخير و بركة و أكاليل عظيمة ..
اطلب الله دايما و هو قادر جدا يقويك و يديك صبر و احتمال في كل شدة و افتكر دايما كلماته اللي بيهمس بيها ليك و بيقول :
" تشدد وتشجع لا ترهب ولا ترتعب لان الرب إلهك معك حيثما تذهب " و اياك لحظة تستسلم ابدا ابدا ابدا لأن معونة الرب و فرحه قريبين جدا :)
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top