ميكي وميني في قطار الصوم المحطة الأولي – محطة الكنور ” الإستعداد

on March 9 | in ArT-FaCe | by | with No Comments

‫ميكي وميني في قطار الصوم
المحطة الأولي – محطة الكنور " الإستعداد‬


Timeline Photos
ميكي وميني في قطار الصوم
المحطة الأولي – محطة الكنور " الإستعداد"
"الفكرة ,, ميكي وميني موجودين داخل الخدمة طوال الصوم ممكن أن يكونا عرائس في مسرح عرائس أو ماسكات علي خشبة مسرح .. حسب إمكانيات الخدمة وسأقوم بكتابة حوار يعتبر تمهيد لكل درس وتقوم الخادمة او الخادم بمناقشة ميكي وميني إلي أن تبدأ هي بشرح القصة ,, يصلح لحضانة وإبتدائي"

ميكي يظهر وهو ينهج كثيرا
ميكي : ياااااه أخيرا أخييييييييييييرا وصلنا
بندقة : وصلنا فين ياميكي احنا يادوب لسه ف اول محطة يادوبك ركبنا القطر من شوية ونزلنا اهو اول محطة ولسه كمان هنركب تاني
ميكي : ياه ده انا تعبت اوي طيب انا هروح اكل سندوتش جبنة من عند الراجل اللي هناك ده واجي علي طول وياسلام بقي لو في جبنة بقوطة عند الراجل هتبقي حلوة اووووي
بندقة : استني استني يا ميكي
ميكي : ايه بس يا ميني مالك عاوزة انتي كمان سندوتش اجيبلك حاضر ومن فلوسي ياستي اي خدمة
بندقة : يا ميكي يا ميكي انت نسيت ان القطر اللي احنا راكبينه ده اسمه قطر الصوم
ميكي : ايوة ايوة انا سمعت ان هو اسمه قطر الصوم
بندقة : طيب احنا لازم بقي نكون صايمين يعني مينفعش ناكل جبنة
ميكي : اه صحيح خلاص نضرب لانشون بقي بالفراخ شوكو دودو
بندقة : ولا لانشون يابندق
ميكي : وبعدين بقي امال هاكل ايه بس
بندقه : ناكل فول وطعمية وبطاطس
ميكي : بس انا جعان ولسه صغير
ميني : خلاص يبقي انت لازم تقول لأبونا وهو يقول لك تصوم إمتي
ميكي : خلاص انا هسأل أبونا ,, هو صحيح بقي احنا هنقعد اد ايه ف القطر ده
ميني : آخر محطة هتنزلها هتكون المحطة السابعة
ميكي : يعني احنا هنقعد سبع محطات ده كتير أوي
ميني : ماهو الصيام ده خمسة وخمسين يوم ياميكي
ميكي "يعد علي صوابعه" : دول كتير خالص ليه كل الصيام ده
ميني : أنا هقولك ياسيدي إحنا عندنا أول إسبوع اللي إحنا فيه ده اسمه اسبوع الكنوز وكمان نزود الأربعين يوم اللي صامهم بابا يسوع ع الجبل يبقوا سبعة وأربعين يوم وزود كمان إسبوع الآلام يبقي 54 يوم
ميكي : عندك في يوم كدة ناقص
ميني : ماانا لسه مكملتش في سبت لعازر
ميكي : كل دي أيام ومحطات طب ياتري بقي ياميني إحنا هنشوف مين في القطر بتاع الصوم ده
ميني : هنشوف ناس كتيرة زي الابن الضال والسامرية والمخلع
ميكي : ياه كل دول هنشوفهم هييييييييييه طب وايه قصصهم دول انا معرفهاش
بندقة : ماهو المس هتعرفنا وكمان كل محطة هننزلها هناخد استيكر من المس "طبعا للي وزعوا القطر فقط" ونحطه ع المحطة بتاعتنا
ميكي : طب انا عاوز افهم يعني ايه اول محطة دي بتاعة الكنوز يعني احنا هنلاقي مجوهرات هنا ولا ايه
ميني : همك ع الاكل والمجوهرات بس يا ميكي بص أنا هقول إللي أعرفه والمس بقي تبقي تكمل الإسبوع الاول ده إسمه الملكوت والكنيسة حطيته بدل يوم السبت الي احنا مش بنصومه انقطاعي
ميكي : ومين إنقطاعي ده كمان أنا مش فاهم حاجة
ميني : بص ياميكي عشان أنا صغيرة أنا كمان فأنا مش هعرف افهمك إحنا نقعد ساكتين والمس هتعرفنا إيه هو الصوم الإنقطاعي وليه مش بنصوم يوم السبت وليه بنصوم الإسبوع ده
ميكي : خلاص أنا هقعد مع الولاد الأمامير دول وأسمع المس ولو أحتاجت أي حاجة هسال المس
ميني : وانا كمان يالله بقي نقعد ساكتين
ميكي : يارب بس المس تعرف تجاوبنا انا هسال كتير
وجيلكم كمان كل اسبوع انا و ميني
"يفضلوا قاعدين معاهم لحد الفقرة متخلص مثلا او حسب رغبة الخدام"

Fans of "The Cross"

Pin It

Leave a Reply

« »

Scroll to top