أصحاب ورق في وقت شدة ميسندوش غير بس وقت المصلحه سايبني وقت الضيق تملي ومعايا وقت…

on March 2 | in OrSoFaCe | by | with No Comments

‫أصحاب ورق
في وقت شدة ميسندوش
غير بس وقت المصلحه
سايبني وقت الضيق تملي
ومعايا وقت ماكون بغني
معايا وقت الرحرحه
فعلا بتوع مصلحة

حد يروح ويقولهم ان الحياة كده وكده
في وقت ضيقهم أكون معاهم
ووقت ضيقي بيختفوا
يستقطعوني واقول فداهم
ولجرحي دايما يهتفوا

دايرين علي اللي يخصهم
اسرع من ريشة المروحه
ووقت مانا محتاج اليهم
مخدش غير المطوحه
فعلا صحاب المصلحة

لو جم في مرة يكلموني
بجري واقول لنفسي خير !!
ولو مش فاضلهم بيلموني
وينهشوني كأني طير

مبيعذروش
ولسوء ظروفي مبيشفوش
علـ شط بكون ماسك ايديهم
ولإيدي هما ميمسكوش
لو موجي واخدني للغرق
ارجع واقول صحاب ورق

ومع كل ده …
قاسم سعادتي بيني وبينهم
وبقول تملي الله يعينهم
وارجع و أداوي من جديد
خاطري وقلبي اللي اتحرق
واقول اكيد ظرف شديد
خلاني اظنهم ورق

مايكل سامي
محبي اعمال وكتابات مايكل سامي

orsozox page

Pin It

Leave a Reply

« »

Scroll to top