رساله الي من احب
بحبك يا حبي وهفضل احبك زي زمان
ومهما بعدنا ومهما اتغربنا هفضل احبك كمان وكمان
بحبك وحبك جوايا بيزيد
ومهما ابعد عنك تقربنا المواعيد
وهفضل احبك مع كل يوم جديد
ورغم اني غايب لكن قلبي دايب وشوقي عنيد
بحبك وحبك بيخليني عايش تملي سعيد
دايمآ علي بالي وشوقي اتخطي خيالي
بحبك وحبك دم بيجري فيه
ماشي في شراييني وبشوفه بعنيه
كل نقطه في دمي بتحرك الشوق فيه
قابلت ناس كتير لكن بدون تآثير
حبك دخل قلبي وعمله تخدير
انا بعترف للدنيا ان انت جراح كبير
سهمك ضرب قلبي كما يضرب السهم الطير
وخلاني في حبك عايش متيم واثير
مقدرش ابعد عنك اتوه في زحمه السير
انا بنده عليكي وانا عايش بعيد عنك
انتي في مصر الان وانا عايش في اوربا
لكن صدقيني عمري ما نسيت المحبه
هتفضل تملي في قلبي رغم الظروف الصعبه
حاسس انا بيكي وبوعدك بجد راجع انا ليكي
راجع وبأيديه همسح دموع عنيكي
وسفري داه كان غزبآ عني ما كله علشان ارضيكي
وعيشك عيشه حلوه زي اللي حواليكي
دانتي لو طلبتي عنيا مش هبخل عليكي
ومهما اقدم من تضحيه مش خساره فيكي
راجع راجع قلت انا راجع
رغم البعد مليني مواجع
راجع اشوف الضحكه الحلوه
ونغني انا وانتي اجمل غنوه
غنوه حب عاش علي طول
ومهمهش البعد يطول
وقف وتحدي اي عزول
بوعدك صدقيني راجع وزايد حنيني
قريب انا راجع وهتنتهي المواجع
راجع انا ليكي ياقمري اللي منور ليلي
بس صدقيني عايزك تستنيني
مع كل طلعه شمس صليلي وادعيلي
