طقسيات لاطفال ابتدائي جـ 2
ازايكم ياجماعة زي مااتفقنا كل خميس جزء في الطقس انهاردة هكمل
نرشم الصليب مع بعض ياولاد عاوزين بقي انهاردة نرشمه بالقبطي هه حد ميعرفوش بالقبطي طب يالله مع بعض خين افران ام افيوت نيم ابشري نيم ابينيفما اثؤواب اونوتي ان اؤؤت امين
المرة اللي فاتت خدنا مع بعض اشكال الكنيسة طب بالدور كدة هسالكم شوية اسالة عن المرة اللي فاتت وبعدين نكمل كلامنا
انهاردة بقي بعد ماعرفنا شكل الكنيسة عاوزين نعرف الكنيسة دي ليها كام باب الكنيسة ياولاد المفروض يبقي ليها تلت ببان بس لو مفيش مكان نعمل تلاتة ممكن يبقي باب واحد طب حد يقدر يقوللي ليه تلاتة برافو عليكم عشان الثالوث القدوس الاب والابن والروح القدس طيب برده ياولاد بيبقي في حاجة كدة بنشوفها فوق الكنيسة الحاجة دي هي المنارة ( اي صور للمنارة عشان الاولاد يعيشوا القصة ) ولتكن الصورة دي
يبقي الحاجة دي ياولاد اسمها منارة طب حد عارف ايه لزمتها انا هقولكم بس ركزوا عشان تفهموها لانها صعبة شوية دلوقتي ياولاد احنا قلنا قبل كدة ان الكنيسة من ضمن اشكالها ايه السفينة طيب السفينة دي لو ماشية في البحر وتاهت تفتكروا هترجع تاني ازاي او هتوصل ازاي زمان ياولاد قالوا احنا لازم نعمل عامود كبير ونحط عليه لمبة كبيرة واول لما السفينة تشوفه تمشي ناحيته لحد ماتوصل عنده وبكدة متتوهش وده ياولاد برده نفس التشبيه احنا بنقول ان لو في حد تايه عن طريق ربنا المفروض اول لما يشوف المنارة يعرف الطريق ويرجع لحضن ربنا خلاص كدة فهمنا يعني ايه منارة
طيب نخش بقي الكنيسة الكنيسة ياولاد لما نخشها هنلاقيها متقسمة لتلت اجزاء الجزء اللي جوة اللي هو الهيكل وهنتكلم عليه بعدين وبعد كدة في جزء بيبقي اسمه خورس الشمامسة
وده اللي بيقف في الشمامسة وبعد كدة الجزء اللي الشعب بيقف فيه الرجالة في مكان والسيدات في مكان طيب هنتكلم مع بعض علي شوية حاجات موجودة في الكنيسة واول حاجة هنتكلم عنها هي المنجليه واحنا بنسميها القراية ودي اللي بيتقري عليها القرايات زي الانجيل والكاثيليكون والحاجت دي هقولكم بعدين معناهم بس في وقتهم المهم ياواد ان المنجليه دي بتتعمل من الخشب وبيبقي في في الكنيسة منجليتين منجليه وشها للشعب ودي بيتقوي عليها الانجيل بالعربي والتانية وشها للهيكل وبيتقري عليها الانجيل قبطي
المرة اللي جاية هنتكلم عن منبر الكنيسة
