فوق الكلمات قصيدة لأمى الحبيبة..

كل ام وهى طيبة ومن المسيح قريبة…اسمحولى أن أهنىء كل الأمهات بعيدهن الغالى ..أمى العدرة ..أمى الكنيسة ..أمى الحبيبة حسب الجسد…
……..قصيدة بعنوان…..فوق الكلمات….
+لمحنّا فوق صفحة الحياة…ان الحياة منـــك
ولأنك صُنع اللــــــــــــه…فالحب دا طبعـــك
وأنا قلبى يا أمــــــــــــاه…متغذى من دمـــك
نسجت اوتاره سمــــــاه…والحضن بيضمـــك

+ أول صفحات النيل…بتشهد بفضايــــــــــــلك
قلبك رقيق وجميـل…وأنا ف قلبى شايــــــــلك
مهما عدت سنيــــن….مش راح أنسى جمايلك
دا انا ف قلبى حنين…شايل نبضه وجايــــــــلك

+ فوق صفحات التاريخ…اسمك منقوش بالحب
وف كوكب المريــــــــخ…لو رُحتى تديله نبض
لو طلعت الصواريــــــخ…تعزف الحان الصعب
هيحييها التاريـــــــــــخ…بأعظم أكاليل المجد

+ الأرض اللى رجليك …بتدوس يا اما عليها
هنبوسها ونحييكــــى… ونحيى كل ماضيها
ونقدم وردها ليكـــــى …ورأسك هنعليــــها
دا القلب ملك فاديكى …وحياتى ليكى فيـها

اهداء محبة الى كل أم ضحت وقدمت الكثير والكثير من أجل أولادها …ومازال العطاء مستمراً……
ابنك حبيبك / ايمن مكرم …..ايمــــــــــــــــــــــــــــــــــو