بنلف جوة دايرة

بنلف جوة دايرة
دايرة مقفوله علينا
نفوسنا فيها حايرة
وبنقف مكان مابدينا
البدايه بتكون فى ايه فى الانجيل
او قداس او صلاه فى نص الليل
نتأثر شويه بيها ونقول هانتوب يافدينا
ونقولك قلوبنا اهى مللكك اعمل فينا
والدايرة تلف بينا ونقف مكان مابدينا
والايام تفوت علينا والدايرة بتلف بينا
لحد ماتيجى تجربه تفوقنا تصحينا
نجرى عليك ونقولك انقذنا انت راعينا
امين يارب راجعين بس انت نجينا
والدايرة تلف بينا ونقف مكان مابدينا
ولما الظروف تشتد والزمن يقوى علينا
قلوبنا تسبق خطاوينا نجيلك ونقول احمينا
ونقولك نفوسنا مريضه اشفينا وقوينا
ونقول الامل فيك مد ايديك امسك ادينا
والدايرة تلف بينا ونقف مكان مابدينا
لحد امتى الدايرة هاتلف بينا
لحد امتى هانقف مكان مابدينا
ياما وعدنا يارب ومش بنقدر
بس انت يارب حنين وانت الاقدر
قلوبنا يارب ضعيفه دايماً بنقصر
بس انت يارب عطوف وقلبك انت الاكبر
__________________
mamdouh hosny