قصه صغيره ومعاني كثيره

أمر ف يوم الرب ملاكين من ملائكته ان ينزلوا الي العالم وواحد منهم يروح يجمع طلبات شعبه اللي بيطلبوها والتاني ينزل يجمع التشكرات اللي بيقدمها شعبه علي عطايا الرب ونعمه واحساناته

وفضل الملاكين يلفوا يلفوا اليوم كله يعملوا اللي ربنا طلبه منهم
ورجعوا ف اخر اليوم للرب

تتصوروا مين اللي كان جمع اكتر..؟؟؟

اكيد ملاك الطلبات!!!!!!

كان راجع ومش قادر يمشي من كتر الطلبات اللي معاه وقال لربنا: اهي طلبات الشعب الناس كلها بتطلب بتطلب وانا جيبت ع قد ما اقدرر

وجيه الملاك التاني بيبص معاه ملقيش غير تشكرات قليله قووووووي متجيش حاجه جنب الطلبات اللي جبها الملاك التاني

وراح قال لربنا: محدش بيشكر يارب الناس اللي انت بترضيها وبتديها وبتغمرها بنعمتك بياخدوا وينسوا يشكروا كل همهم يوصلوا للي عايزينه وخلاص ميفكروش ف اي حاجه تاني

حزن ربنا جدا من الكلام دا…..!!!!!

شايفين احنا بنعمل ايه ف ربنا!!!!!!!!
بنقابل احساناته بجحود مننا
ليه مش بنشكره علي محبته لينا؟؟؟
ليه مش بنشكره علي استجابته لطلباتنا؟؟؟
ليه كل همنا اننا نطلب وخلاص من غير ما نشكر ربنا علي عطاياه الكتيره دي؟؟؟