القسم الادبي
وثيقه مكتوبه بالدم
دم اولادك يا امى مش بيروح هدر
ولااشلائه بتبات فى قبر من حجر
روحة مع المسيح
و دمة بيزرع الف شجرة
تطرح ماحلاها ثمر
تدوقة وتتروى وماتخاف
وكل جيل بيسلم جيل
وثيقة مكتوبة
مش بروح الذل والهوان خايفين
لكن بالهتاف والثقه ثابتين
ولوسألنا التاريخ هايقول
ومش هايكذب القدر
عشان خاطر اسم يسوع
ملايين سلموا ارواحهم للموت
ولا واحد منهم انكسر
ولا انحنى لمخلوق فى الارض
ولا أرتعب من البشر
عشان كدة دم اولادك يا امى
مش بيروح هدر
لان القاتل جبان
والمقتول انتصر
