القسم الادبي
هى انا وانا هى……
صعب تخلينى احكم بينك وبينها
دى اللى ممكن ابيع الدنيا علشانها
هى امبارح والنهاردة وبكرة
اما انت فحياتى كنت فترة
هى اختى يعنى ذكرياتى وطفولتى
اما انت واحد محسش بحبى
اختارتها وسكت متكلمتش
قولت المهم سعادتها وانا ميهمش
مترجعش تشتكى منها وتقولى احكمى
وعايز ترجع ليا ولحضنى ترتمى
لأ اصحى حلمك مستحــــــــــــيل
صعب تحقيقه لانه خطـــــــــــير
مش ممكن انا اللى اجرحها
وانا اللى بتمنى بس فرحها
ارجع ليها حسها وحاول تحبها
انسانى انا وايامى وخليك جنبها
واياك فيوم تجرح قلبـــــــــها
وافتكر كل مرة انك اخترتها
متطلبش منى تانى احكم
علشان فالنهاية انت اللى هتندم
لو سبتها هفضل انا وهى اخوات
اما انت هتبقى ضمن الذكريات
ارجوك حافظ عليها واحميها
وبلاش تكون السبب فدموع عنيها
لان جرحها جرحى
وفرحها فرحى
دى انا هى
وهى انا….
بقلم ميسووووو
