التأملات الروحية والخواطر الفكرية
هابى فلانتين يسوعى
كل ما يجيي عيد الحب
دائما بندور على حد
يهدينا صحبة من الورد
ويقول كلمة ولو مش جد
وبننسى في الزحمة الرب
وكمان ما نحسش بالذنب
والسنة دي هل هتتمنى
تعبر له عن شعورك
ولا هتفضل كده تستنى
تاخد وسط الهيصة دورك
همك بس انك تتهني
بكلام فارغ يرضي غرورك
مين في اللي بعتله كروت
ممكن علشانك يموت
متخليش الفرصة تفوت
روح له ونادي بأعلى صوت
طول ما وجودك مالي القلب
أبقى ساعتها صحيح باحب
