القسم الادبي
نسيت اني انساك
سيبتك قلت عشان انساك
انسي كل ذكرياتك وحكاياتك
انسي اني كنت حتي بهواك
انسي كل احظه عشتها معاك
حاولت مع قلبي الاف المرات
حاولت اخليه ينسي اللي فات
ينسي الاحلام والايام والذكريات
وقسيت علي قلبي وجيت عليه
خليت الاحساس فيه مات
نسيته فرحه جيبتله دمع عنيه
وبعد سنين بينا حروب
انا وقلبي بقينا اعداء
انا اقوله دا وقت الغروب
هو دا وقت افتراق الدروب
يقولي قاتلني الاشتياق
وتستمر بينا الحروب
ومرت كمان شويه سنين
ونسيت كل حاجه كانت
نسيت قلبه نسيت حبه
ونسيت كل الايام اللي فاتت
والاحاسيس كلها ماتت
واتنست كل الذكريات
ونسيت كل حاجه
لكن
نسيت اني انساك
