كنيستى دفا و حنان

لما اتولدنا عمدتينا..و فى المية غطستينا
بالميرون رشمتينا..و جسدة و دمة ناولتينا
و فى الاعتراف تجددينا..و لما كبرنا جوزتينا
و لما نحبة بزيادة…لخدمتة تكرسينا
يا كنيستنا ع اد ما بنحبك انتى فعلا بتحبينا

يا كنيسة اعماق
او اعماق
بس اللى جوانا
لما بنترفع فيكى لسمانا
و يا سعدنا يا هنانا
لما نشوفة ويانا
بيحمينا و بيرعانا
و فى الضيقة مع الحزانى
بيعزيهم
و انتى يا كنيسة
اللى بتديهم
الرسابل و الوعود
و انتى اللى علمتيهم
ان ربنا موجود

يا كنيسة الاضطهادات
دقتى التعب و الاهات
شوفتى المحن و العذابات
مريتى باشد الالامات
و التجارب و الاعتداءات
شوفتى اصعب الاوقات
و مع ذلك
فضلتى فى ايمانك مثبتانا
زرعتى حبة و حبك جوانا
هتفضلى دايما معانا
و هنفضل دايما فى بالك

يا كنيسة نشاط و مهرجان
حفظ الترانيم و الالحان
و حل مسابقة و امتحان
و تسليم جوايز بابتسام
يا كنيسة كل مادة اتعلم منك
و اثبت اكتر فى الايمان

يا كنيستنا يا سفينة من مدينة لمدينة
مهما كبرت انا هفضل فاكرة اد اية بتحبينا
و مهما عجزت انا هفضل قادرة اقول انك ضمتينا
و فى جروحنا داوتينا
و فى احتياجنا تدينا
الدفا و الامان
بتنسينا بتعزينا و بتدينا اجمل غفران
يا كنيسة هتفضلى تحبينا من زمان لزمان

يا رب تكون عجبتكوا