القسم الادبي
كلنا فكرنا فى المه
كلنا فكرنا فى المه
كلنا فكرنا فى صلبه
كلنا صعب علينا واحنا شايفينه شايل الصليب
ماشى بيه وسط اللهيب
ولا حد فينا فكر يشيله عنه
يمشى طريق الموت بدل منه
شايفينه قاسى وداق المرار
صعبان علينا وهو شايل صليب العار
بس ياه على قسوة قلوبنا
سايبينه يقاسى واحنا بنتفرج
كل يوم نطعن فيه ونرجع نتفرج من بعيد
ونقول ماهو لازم يتحمل
لازم يدوق الام الانسان
مش هو الاله؟
لازم يقاسى زيك يا انسان
علشان يحس بالالام
علشان يدوق مرار الانسان
نقسى عليه وفى نفس الوقت صعبان علينا
بس القسوة كتير مرة
قسوة ظاهرية بنضحك بيها عليه
نحسسه بس اننا حاسين بيه
ومش داريين انه فاحص القلوب والكلى
كاشف كل ضعف وكل قسوة فينا
يبقى بنضحك على مين؟
علينا البشر ولا الاله؟
على قسوة قلوبنا ولا حنية الاله؟
محدش عارف الاجابة
علشان كلنا فكرنا فى المه
كلنا فكرنا فى صلبه
ولا حد فينا فكر يشيل عنه
