القسم الادبي
فلسفه الجراح
فلسفه الجراح
للدمع اوقات والفرح اوقات
للراحه اوقات والتعب اوقات
للبعد اوقات والقرب اوقات
ولكل شىء فى حياتنا على ميعاد
بنكون قريبين وفاهمين اننا بعاد
للراحه اوقات والتعب اوقات
للبعد اوقات والقرب اوقات
ولكل شىء فى حياتنا على ميعاد
بنكون قريبين وفاهمين اننا بعاد
اللى بنعيشه النهارده بيكون بكره ذكرى
واللى بنتمناه بكره بيعدى علينا فكره
واللى بنتمناه بكره بيعدى علينا فكره
وتعدى علينا ايام كتير .. عايشين مرغومين بناعد مصير
سكتنا معروفه وقدام عينيا .. ماشينها مجبرين ومش بأدينا
سكتنا معروفه وقدام عينيا .. ماشينها مجبرين ومش بأدينا
والقلب اللى واخد دايماً عالجراح .. عمره لا فى يوم ولا ليله بيرتاح
جراح سكناه وعارف مداها .. وجراح جواه ومش عارف معناها
جراح سكناه وعارف مداها .. وجراح جواه ومش عارف معناها
بس مليان بالجراح كتير .. جراح تسكنه دايمه التفكير
وجراح بتوجعه فى كل ليل .. وجراح تانيه مش لاقيلها تفسير
وجراح بتوجعه فى كل ليل .. وجراح تانيه مش لاقيلها تفسير
فلسفه الجراح بقت مهنته .. رعشه إيد ونبضه موجوعه بدمعته
ماهى الجراح ليها تكوين .. ظلم وفراق وتدخل سنين
ماهى الجراح ليها تكوين .. ظلم وفراق وتدخل سنين
مافيش كلام قادر يعبر .. أصل الجراح بتكون أكبر
قلب صُغير يصعب عليك .. تشوفه بيتقطع قدام عنيك
قلب صُغير يصعب عليك .. تشوفه بيتقطع قدام عنيك
يبقى نفسك تطبطب عليه .. وهو بينزف مستنى اللى يدوايه
تقرب تشوف عشان تريحه .. تلاقي كل حاجه فيه بدبحهُ
تقرب تشوف عشان تريحه .. تلاقي كل حاجه فيه بدبحهُ
تلاقيه بيقولك انا حاسس بيك .. وينسى جرحهُ ويفضل يناديك
يقولك انا مجروح وعارف اللى فيك .. وتلاقيه هو اللى يطبطب عليك
يقولك انا مجروح وعارف اللى فيك .. وتلاقيه هو اللى يطبطب عليك
اصلها صعبه فلسفه الجراح
احن قلب اللى تلاقيه مش مرتاح
احن قلب اللى تلاقيه مش مرتاح
هو اللى يحس بجراح التعبانين فى عز تعبه ينسى هو مين
أطفال او مرضى او دموع المحبين .. اصله مجربها وعايشها من سنين
أطفال او مرضى او دموع المحبين .. اصله مجربها وعايشها من سنين
….
عرفت يا حبيبى فيا ايه .. عرفت انا محتاجلك اد ايه
بكل جراح المكسورين بكل جراح المتألمين
بكل تعب الدنيا والسنين
هافضل جمبك وبحبك ومحتاجلك
طول ما احنا عايشين
عرفت يا حبيبى فيا ايه .. عرفت انا محتاجلك اد ايه
بكل جراح المكسورين بكل جراح المتألمين
بكل تعب الدنيا والسنين
هافضل جمبك وبحبك ومحتاجلك
طول ما احنا عايشين
