شعر حنتلابيشى

قلبى من الهوا جالو زوكام
عايز اتجوز عارفين الشقة بكام
قلبى بيترنح ارجوكو الحقوة
هتجوز على نفسى يا ناس يا اهو
انا غبت كتير كنت شغال
وكنت بجمع القرش واحوط على المال
الجواز بقى صعب اوى بل محال
مش عارف اعمل اية وقلبى بقى عندو زهايمر
نسيت ابويا وامى والزمن والتايمر
رجليا الاتنين بقو شمال
طالع نازل شغال عتال
فى كل شغلانة تروح تلاقينى
نجار غسال شيال وبضيع سنينى
مفيش فى جيبى جوز جنهات
مقضيها السلم والتعبان وتوتو مات
اة يا شباب يا تعبان اة يشباب يا غلبان
ال يعنى هنتجوز حريم جامدين
مصرين بملاية لف وتعبانين
اومال لو هتجوز واحدة من بلاد برة
هتقولو بقى غنى وكان فى جرة
وكما قالت الحكمة القديمة
من السهل على الأنسان ان يقلد صوت الحمار ولكن من الصعب ان يتحمل المصاعب

كتبها واعدها لكم ابو الفداء وهو يبحث عن شغل
لاعانة نفسو حد عندو شغل يا خوانا :d