ظهورات تتوالى 2

ورايح لشغلك هتحتاج مواصلة
أدى المترو واقف كهربتة فاصلة
وفى المكروباص خناقة وحاصلة
إتوبيس فراملة عايزة وصلة
وتوك توك دا تاية ومحتاج لبوصلة

بتوصل لشغلك بدم إنحرق
فى زحمة وكتمة وحر وعرق
رئيسك سايبلك كومة ورق
دة غير دمغة ضايعة وملف إنسرق
وفية كام مواطن عملك قلق
ومخك خلاص من الصداع إنفلق

هاترجع لبيتك دة لو فية بيت
هتوصل هاتندم ياريت ماجيت
مراتك هاتصرخ خلاص إستويت
عيالك بتطلب وهات كيت وكيت
تزعق تهاتى ياناس إنهريت
ولا حد سامعك مهما هاتيت

وأوعى تصدق كلام الأغانى
بتاع الكلام وكانى ومانى
دة كلة كلام مايدخل ودانى
—
الى القاء