سلطان الظلمة

لم تذق ما قد روانى *** كيف اطعت يا انسان ؟

سخروووك — اتعبوك *** شيلوك صليب الديان

دة — لانهم وجدوك *** فى الطريق ورا الحنان

والصليب اكيد تقيل ***صليب يسوع غير كل الصلبان

وانت عجوز قليل الحيل *** خلاك من رجال الزمان

اوصف لى يا — بويا سمعان *** اوصفلى قسوة الطغيان

لما يسوع شال الصليب *** فى الطريق الى الميدان

ضربوة — عنفوة *** والهبوة — بالصولجان

كانوا بيتبادولوا علية *** طغاة وفى حالة هذيان

دمة سال على الطريق *** وضهرة من الكرباج الوان

منهك جريح — وقع طريح *** دى قلوب — ليها الطوفان

قساة — ظعاة — مستهزئين *** جبروت مقوية السلطان

عاملوة زى المجرمين *** عرق جبينة صار دميان

نظرة عنية التعبانين *** احمل صليبى يا انسان

جريت حنيت تحت الصليب *** ياما شفت من ايدية احسان

صليب كبير لكن عجيب *** خف عليا — دة شالنى كمان

نيرة هين حملة خفيف *** لية انت من الصليب هربان ؟

لمسة الم من الزمان *** شكواك تجوز حدود حدود المكان

علمنى ازاى اشيل الصليب ؟ *** وديع مطيع طاعة الشجعان

مهما يكون جبروت جليات *** داود عرفنى من زمان

مقلاع وايد رب القوات *** تنهى سطوة الشيطان

يا قدوس القديسين *** لاجلى قبلت الهوان

حتى الى موت الصليب *** كنت مسرور رغم الخزيان

نفسى اشاركك الالام *** ما انا منك من البدن

وخطيتى هى السبب *** انت البرئ بقيت مدان

سامحنى يا من على الصليب *** سامحت الجحود والنكران

وقدسنى كما قدست العود *** فاتوب واشكر على الغفران