انا فى مشكلة كبيرررررررررة
ارجوكمممممممم تساعدونى
انا طبعا بنتمى للكنيسة القبطية الارثوذوكسية و بحبها جداااااااااا فوق الوصف و بحب العدرا و القديسين جدا بس انا حبيت واحد بروتوستانت هو بيؤمن بالتناول زينا و باهمية المعمودية و انا بصراحة مبعترفش باى كنيسة غير الكنيسة الارثوذوكس و معنديش اى نية انى اتبع كنيسة بروتستانت و مش بعترف باى تعليم ليها ولا اى عقيدة فيها بس فى نفس الوقت انا مرتبطة جدااااااا بالشخص دة و هو اغلى حاجة فى حياتى …
سؤالى هو ايه هو موقف الكنيسة الارثوذوكس لو اتجوزت الشخص دة فى كنيسة بروتستانت ؟؟ هل هتحرم من اتباع الكنيسة الارثوذوكس و هل هتمنع من ممارسة الاسرار الكنسية فى كنيستى الارثوذوكسية ؟؟؟
بجد الموضوع دة مأثر عليا جدا جدا
و لو هتعاقب من الكنيسة بحرمانى من ممارسة الاسرار الكنسية انا مش فاهمة دة ليه !!! ممكن الكنيسة متعترفش بارتباطى بالشخص دة و خلاص لكن متوصلش لدرجة حرمانى من اسرار الكنيسة !! خصوصا انى ميتهيأليش ان الانجيل بيقول اى حاجة ضد جوازى من حد بيتبع كنيسة تانية !!
ارجوكم مستنية ردودكم
