القسم الادبي
الموضوع الفائز خلال شهر مايو
فى البدايه بحب اشكر كل الاعضاء اللى كانوا ايجابيين ورشحوا معانا لاختيار موضوع الشهر خلا شهر مايو والمنافسه كانت قويه بين الموضوعات ولكن فى نهايه التصويت فاز الموضوع الخاص بالعضو الرائع بولا والموضوع الفائز اسمه عالم منبوذ و احساس مدروس عالــــــم منبــوذ …و احساس مدروس بشر حافظة كل الدروس …و بشر الحزن في عنيها محسوس بشر مخلوقة للغدر مخصوص … و بشر الكئابة بقت عندها شئ مفصوص و تلاقي في انسان بس بطبعه جبان …و تلاقي انسان كله احسان و ده تبصله تلاقيه غلبان … بس جواه الشر بيجز علي الاسنان و ده تبصله تحسه كله جنان … بس طبعه كله حنان بقينا عيشين كده و خلاص … و ادينا بندور علي الاخلاص مشين في عالم كله مداس … و في ناس عمالة تنداس ناس راكبه علي بعضيها … و ناس شيفة نفسيها ناس جروحها بقت كل ما ليها …و ناس حزنها بقا ماليها هتقولي في سعادة موجودة … هقولك و حياتك بقت محدودة هتقولي في أمال مرفوعة … هقولك خلاص بتموت محروقة ماشين نقول يا محبة يا محبة … و احنا اصلا نيمين علي اكبر مخدة مخدة الذات و اصل الملذات … مخدة الفرح و هي محشية جرح من كتر ما بقيت قريب … بقيت اكتب كلام غريب من كتر ما بقيت اشوف … بقيت اترجم لحروف انا مش كاتب ولا شاعر … بس الي شوفته خلاني حاير استرها يا رب .. علي دنيا اتقفل فيها كل درب وفعلا الموضوع رائع ويستحق التثبيت عن جدارة واستحقاق
ميرسى ليك يا بولا والف الف مبروووووووووووووك
وبتمنى يكون فيه ايجابيه اكثر المرة القادمه لاختيار موضوع شهر يونيو
