سابنى وراح
هتكلم ومش راح أسلم لعدوى دا مهما إن كان
قصده ينسينى حياتى ويشلنى من الحُسبان
أنا افتريت قوى وبقسوة قسيت
على كل اللى معاهم إتربيت
فى كنيسة عظيمة كانت جنب البيت
سبتها وروحت اللى فيها زيد وعبيد
أهم حاجة عندهم إنك تقف تصقف وتهيص وتهلل
مايعرفوش إنه ببيتك ماينفعش يقف غير اللى اتكلل
وداود قال : ببيتك يارب تليق القداسة
وهما قالوا : ببيتك يارب تحلى الدناسة
دا ناسك دول ولا ماهماش ناسك ؟
ولو كانوا ناسك طب ليه مايحافظوش على أقداسك ؟
دول نقدوا المذبح وبنوا مكانه
حتة مسرح يا سلام على جماله
واقفين عليه باستمرار وناسيين
إن النور ماينورش غير عند الأرثوذكسيين …
قولت فى البداية أخاف أكون جرحت حد
وأتمنى إن ماحدش يزعل من الكلام ده
وعلى فكرة أنا معظم أصحابى من الطوائف التانية
بس بحبهم كلهم وكذلك هما برده
لكن أنا كنت كتبت الكلام ده لأحد أصدقائى حينما إنتقل من الأرثوذكسية إلى البروتسطانتية
ونشكر ربنا هو دلوقتى رجع تانى إلى الأرثوذكسية
بس بجد أتمنى إن ماحدش يزعل من الكلام ده
وعلى فكرة أنا إترددت كتير قبل مانزل الكلام ده على الموقع
وبالمناسبة الموضوع ده مكتوب فى يوم
08 / 10 / 2005
مــــع الــــســــــلامــــــة
