رســـــــــــــالة

ابنى حبيى … وصنعة ايدى
على فين عندك ده موديك؟؟؟
بسأل عنك يابنى يوماتى
ارجع طمن قلبى عليك
مشتاقلك تتحامى فى حضنى
مشتاق انى اقولك إبنى
قوللى يالذة قلبى يا حبى ايه يرضيك؟؟

ماشى وراك الخطوة بخطوة
نفسى تبص فى مره وراك
وايديا بتحميك م المطرة
وبترفع عنك اشواك
وانت بتعند قلبك قاسى
عامل دايما انك ناسى
ناسى حنانى وايديا الى تمللى معاك

ابنى حبيى بص عليا
وامسح دمعك ده بيكوينى
ياما مسحتو كتير بايديا
ليه بتقول ان انت ناسينى؟؟
ده انا مقدرش اسيبك شاكى
ولا بقدرش اشوفك باكى
ده انا من حبك دقيت اسمك جوه يمينى