عارف لما تكون شاري حاجة جديدة و مش عارف دليل استخدامها ازاي و تحتار اوي فيها و ب…

on March 5 | in ArT-FaCe | by | with No Comments

‫عارف لما تكون شاري حاجة جديدة و مش عارف دليل استخدامها ازاي و تحتار اوي فيها و بعدين تقوم تفتح دليل الاستخدام اللي جاي معاها عشان تمشي علي الخطوات الصح و تعرف تشغلها مظبوط ..
و لما تيجي تاخد دوا و تفتح النشرة اللي معاه عشان تعرف الجرعة المظبوطة و تاخد بالك من نواهي الاستعمال و الاعراض الجانبية ليه ..
طب حصلك و انت مرة مسافر في طريق اول مرة تمشي عليه فكنت مركز اوي مع لوح الارشاد اللي عليه عشان تمشي في الطريق الصح و ما تتوهش …
طب كنت بعيد عن ربنا اوي في يوم و عشت احساس انك تايه في حياتك مش عارف انت موجود ليه و لا هدفك ايه !!
كنت بتحتار في كل طريق و مكنتش عارف تاخد اي قرار في حياتك لانك كنت انسان هزيل و مهزوز …
و كتير جربت و عشت حاجات كتير كانت غلط و كانت بتوقعك و تسببلك مشاكل كبيرة ..
محدش فينا ما عاش الاحساس دا ….
سألت ربنا قبل كدا انت موجود ليه و ازاي تعيش و تعمل ايه و تتصرف ازاي في حياتك …
كنا من فترة بدأنا معاكم حلم اننا نوصل ل 100000 واحد بيقرا كلام الله المقدس جدا و نتمني فعلا نشوف العالم كله عارف يسوع و عايش معاه .
عايز أقولك ان كل كلمة في الكتاب المقدس مهمة جدا لينا و احنا في اشد احتياج للكتاب المقدس بكل كلمة فيه ..
ناس كتير مش بتقدر عطية ربنا دي و مش مهتمة ليه ربنا ادانا النعمة دي و خلاها في متناول ايدينا كل وقت و لحد دلوقتي لكن الكتاب المقدس نفسه بيقدم لينا افضل اجابة ..
" كل الكتاب هو موحي به من الله و نافع للتعليم و التوبيخ , للتقويم و التأديب الذي في البر " ( تيموثاوس 2 16:3 )
الكتاب المقدس دا نعمة ربنا قدمها لينا, دليل ارشادنا لطريق الحق و النور و الحياة هو بيعلمنا الحق و بيعلن لينا كل الاشياء الصحيحة بخصوص الاله الحقيقي و بيقدملنا كل اللي بنحتاج ليه في حياتنا الجديدة مع يسوع كله تعاليم بتمحي كل جهل فينا بترشدنا للصح و بتحذرنا و تنبهنا من الوقوع في الخطأ ..
كل اللي علينا نطلب من ربنا فهم لكلامه و نطلب منه ترتيب حياتنا و انه يرجعنا تاني لطريقه و يصحح مسارنا ..
و مش عاوزين بس نكتفي بمعرفتنا بالكتاب المقدس لازم كلنا نترجم معرفتنا دي لأعمال فعلية لان المعرفة هتكون من غير اي فايدة لو مسمحناش ليها انها تغير اعمالنا و مواقفنا عشان تتوافق مع صورة ربنا
كلام الله كافي جدا انه ينور كل طرقنا في حياة الايمان ..
" سراج لرجلي كلامك و نور لسبيلي "
كتاب الله هو طريقك لأحلي حياة حسب مشيئة و ارادة الرب ليك ،، هو طريقك للراحة و الشبع و كل فرح
"بطريق شهاداتك فرحت كما علي كل الغني. بوصاياك ألهج و ألاحظ سبلك "
مش عايزك تكون سلبي في حياتك و تفضل تايه عايزك من اللحظة دي تقوم تصلي و تتكلم مع ربنا و تطلب مشورة ربنا و ارشاده
شاركنا و افتح كتابك المقدس افضل دليل ارشاد لأحسن و أكرم حياة ممكن تعيشها مع ملك الملوك يســـــــوع
◄مكملين معاكم في سفر الامثال اصحاح 27 & 28
شاركونا :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top