العيش موجود ..d:

ده حلم ياناس ولا حقيقة ولا اسمه خيال ؟؟
استنو كمان بس دقيقة احكيلكو الحال..
العيشه تمام نشكر فضله .. دى عال العال
واللى هينكر كداب اصله ..ناكر الافضال

العيش موجود وبحجم اكبر فى كل الافران
ولا زحمه ولا خناق ولا حته فيه ريحة دخان
ولحد البيت جايز ييجى .. بقى ده اسمه كلام !!؟؟
واللهى ماعارف احكيلكم .. مش لاقى كلام

انا قلت اشوف فرن بنفسى واتفرج بس
ده انا جبت العيش كده فى ثوانى ومن غير ما احس
واخدت بخمسه جنيه بحالهم ماضمنش النفس
عارف هتقولوعليا انى ببيعه فى الدس

دى اللحمه كمان بقيت بلدى وبسبعه جنيه
وسعات بتكون بدل الصدقة .. وبشرط بانيه
ومهيتى قوام كده فى الطالع مش عارف ليه ؟؟
ومكافآت ميات وحوافز .. ده انا كده بقى "بيه"

وكتب كليتى واوراقى ماهياش بالكومه
تطوير التعليم فى صالحنا ميرسيه يا حكومة
ده انا كان اسم زمان مدرستى "l'ecole أبودومه"
دلوقتى المنهج بقى عنوان تحتيه معلومة

Bishoy Guerges
17-1-2008
7:00am