قام واتصل بعد الصفارة

قام واتصل بعد الصفاره وقال مبروك مع كام عبارة
ومقدرشى يقوم ساعة العيد ياخد خاطر اهل الحارة
اصل الحارة ليها وزارة .. ووزيرها عند البقال
اما الحارس غول متخابس .. عامل انه عال العال
" ماهو مش بعد الخدمة فى حزبى اروح اعمل تلك الاعمال"
كان تعليقة بكل بساطة .. طب والنعمه ده لعب عيال

لما اوباما مسك ارهابى حاول يعمل بس العملة
قام للشعب وقال انا اسف انا غلطان ود اخر مره
واما سيول اجتاحت سينا .. يصرف قال كام الف جنيه
واللعيبه بتاعة الكورة .. كام مليون علشان رجليه

قام واتصل والدنيا دى قامت بس عشان مروه الشربينى
قوِّم ياكبير اغلى محامى ودافع .. دينك ده مش دينى
ايوه صحيح .. ياكبير الليله ..الله وحده وبس راعينى
كان متوقع صوتك يوطى .. ولا حتى جواب بيعزينى
بس النعمة فى يسوع تكفى .. تعزياته تخِّف أنينى