إيه دا كله يا أمي ؟؟؟ (2)

الكلام اللي أنا هكتبه دا عامل زي الشخابيط علي الورق وممكن ميكونش منظم أبدا ولا منسق بس دا اللي أنا حسة بيه ودي طريقة تعبيري عن اللي جوايا حبيبتي يا أم النور أنا بحبك أوي مهما تعملي معايا أو مهما تعملي فيا مش هتنازل عن حبي ليكي لحظة واحدة يعني لو إتنازلت هحب مين غيرك دا أنتي أمي اللي عارفا عني كل حاجة حتي اللي متعرفهوش أمي الأرضية تعرفيه أنتي يبقي إزاي أسيبك يا حبيبتي يااااااااااه يا أمي علي جمالك المسيح إختارك من بين مئات بل ملايين العذاري اللي علي الأرض علشان شاف فيكي طهارتك وعفتك وحبك ليه وإنتظارك لوعود الخلاص اللي وعد بيها شاف دا كله رغم أن ممكن يكون محدش واخد باله منك دا أنتي كنتي بنت فقيرة بتخدم في الهيكل فقط لاغير أيوه كنتي فقيرة في حياتك المادية لكن في نظر ربنا كنتي غنبة أوي أوي في حياتك الروحية ومش جمال روحي بس دا كمان جمال شكلي دا أنتي كنتي أحلي البنات مكنش ولا هيكون حد في جمالك دا يا أمي يا بخت أحشائك اللي حووت الغير محوي إيه يا حبيبتي كان إحساسك و ملك الملوك ورب الأرباب بيتحرك جوا أحشائك أكيد إحساس ما يتوصف أبدا يا أمي وبالرغم من كدا مشوفناكيش في يوم أتغريتي ولا إتكبرتي إزاي تتكبري دا أنتي العدرا أم النور اللي معروفة بحنانك وحبك وتواضعك الكبير يا بختك يا غالية بصفاتك الجميلة دي صليلي أمام عرش النعمة علشان يسامحني علي خطاياي المرئية والغير مرئية وأنتي يا أمي علميني إزاي أتصف بيكي أنا عارفة مهما عملت مش ممكن أكون زيك أكون زيك إزاي وأنتي الطاهرة الحمامة الحسنة وأنا الإنسان الخاطئ المملوء بالذنوب التي لا عدد ولا حصي لها مهما حصل أنا بنتك وأنتي أمي أذكريني أمام عرش النعمة يأ أم المخلص