[الأمبراطور]

مش مهم تكون عيون

لونها اخضر

مش مهم يكون جمالك

زى بدر الكون منور

الاهم انك يا غاليه

فيكى شىء تانى شاغلنى

غير عبيرك

غير حنان عمرى ما شوفته ف حد غيرك

شىء واخدنى غصب عنى

يحتوينى

يزرع الاحلام ف دربى

يمسح الدمعات ف عينى

يحتوى خوف جوه نبضى

يفرش الفرحه ف سنينى

صدقينى

بصى جوه حروف كلامك

هتلاقينى

متخافيش لو حد لامك

بصى اكتر

هتلاقكى جوه منى

كل معنى بيه بعبّر

كل آهه من حنينى

اسمعينى

هتلاقينى ف قلب صوتك

جوه احزانك...... سكوتك

ويّا فرحك

ويا غضبك

حتى خوفك

هتلاقيكى وهتلاقينى

يبقى حقى لما بلسانك اغنى

أو اقولك.....

إنك انتى حته منى

المصدر: †† منتدى ارثوذكس †† - من قسم: القسم الادبي

[كيرو رافت]

الله عليك يا فنان
حلوة قوى قوى قوى بجد مشاعر صادقه واحساس رائع

[twaty]

الله على الكلمات جميلة اوى اوى ^_^
تسلم ايدك

[الأمبراطور]

لكم كل شكر وتقديرى ومحبتى
الرب يبارك حياتكم