[emmmy]

لا تعطينى سمكة ولكن علمنى كيف اصطاد السمك

انا بمووووت فى المقولة دى بعشقها اوى بجد
فعلا رائعة جدا - انا لو طلبت من حد حاجة بيعملهالى سواء فى ارثوذكس
او على الفيس بوك اى حاجة بطلبها بلاقيها لانى بختار اصحاب القلوب الجميلة اللى مش بترفض طلب لحد مش بطلب من اى حد وخلاص بطلب وكلى ثقة وايمان فى الاستجابة من الشخص اللى اخترتة

بس صادفت شخصية معينة طلبت منها تعملى حاجة عملتهالى وهى بتدهالى قالتلى انا هعلمك تعمليها لوحدك يا ايمى عشان لما تحتاجيها تانى تعمليها وبالطريقة اللى تعجبك
ساعتها حسيت باحساس جميل من الشخصية دى احساس رائع كنت فى غاية السعادة مش لانها علمتنى لكن من طريقة تفكيرها اللى اول مرة اشوفها فى حد من ايجابيتها اد اية احترمتها اد اية حبيتها اد اية مسكت فيها وفى صداقتها اد مديونة لها بالكتير اد اية كبرت فى نظرى اوى

صدقونى بتفرق كتير كتير اوى لو حد طلب منك حاجة اعملهالة بس لو تقدر تعلمة يعملها وينفع تعلمة يعملها يبقى عطاءك اجمل وارقى واثمن واعمق واكبر واحسن واغلى بكتير بكتير من انك تعملهالة ويترك اثار ميمحهاش الزمن ابدا

المصدر: †† منتدى ارثوذكس †† - من قسم: صندوق مناقشات الاعضاء

[emmmy]

اية رايكم فى الكلااااام دة
مش عندى حق فية ؟

[ريم الخوري]

جميلة اوي ايمي شخصيا اتفق وهي حل لكتير مشكلات بالمجتمع بس اوقات في كتار بيستسهلوا الامور لدرجة الاتكالية لذلك قد توافق البعض وقد تخالف ولكن انا مع ان الانسان يتكل على ذاتة بعد ربنا طبعا وبدل ما ياخد يعمل ويبقي منتج في مجالات كتير يقدر الانسان يفكر ويجد سبيل وحلول لتكون صنارة تصيد رزق او تصيد علم اوحتى على الصعيد الروحي واقصد الحياة مع الرب يعني بدل ما نفضل نقول اعمل وهيك وميش هيك لالالالالالالالالالا نفكر ...ونعمل...نعيش ... والامور لما تبقي باتكال على ربنا تاكدي ربنا بيبارك ويوفق شكر كتير الرب يقويكي

[elphilasouf]

انا عندي وجهه نظر مختلفه

ازاي بقي
دلوقتي إيمي طلبت مني حاجه
انا عملتهالها
وبعدين طلبت مني تاني هعملهالها .. مفيش مشكله وهتحمل و تكبري عندي فضيله الاحتمال

ولنفرض أنها كانت طلبت مني أول مره وعلمتها لو احتاجت تاني تعملها ازاي
هتيجي تاني مره مش هتقولي أعملي وسويلي ... فانا كده مش هتعلم فضيله الأحتمال
ههههههههههههههههههههههههه ههههههههه

أنتي عارفه أصلا الصينين ليه عملين المثل ده
عشان خلقهم ضيق وبيتخنقوا بسرعه
وبيكره الشحاتين
فبدل ما كل شويه شحات يقولهم عاوز سمكه جبولوا سناره وأرتاحوا :d


يابنتي تلاقي اللي علمك ده حب يرتاح منك أصلا .... :d
ولا أنا غلطان ؟!

[منيمو]

ايمى انا شخصيا موافقاكى و قابلت ناسكدة ع المنتدى هنا و فرحت اوى انهم علمونى حاجات كان نفسى اتعلمها كلامك جميل اوى ياريت كانت كل الناس بتساعد بعضها بجد ربنا يعوضك و شكرا لموضوعك الهايل يا ايمى

[اشرف وليم]

شكرا لتعب محبتك
الرب يبارك حياتك
رائع

[hany1982]

انا مع فيلو بصراحه لما يجيلى حد يطلب حاجه ممكن اقولك اول مره ولو عادها بعلمهالوه واريح دماغى دا لو يستاهل يعنى ولو ميستاهلش مقلوش حاجه اصلاً واكيد المواقف بتبين كل واحد واللى يضايقك بقى انك تفضل تشرح لواحد اكتر من اربع مرات انه يعرف لوحده ميعرفش ببقى بشد فى شعرى

[emmmy]

المشاركة الأصلية كتبت بواسطة ريم الخوري جميلة اوي ايمي شخصيا اتفق وهي حل لكتير مشكلات بالمجتمع بس اوقات في كتار بيستسهلوا الامور لدرجة الاتكالية لذلك قد توافق البعض وقد تخالف ولكن انا مع ان الانسان يتكل على ذاتة بعد ربنا طبعا وبدل ما ياخد يعمل ويبقي منتج في مجالات كتير يقدر الانسان يفكر ويجد سبيل وحلول لتكون صنارة تصيد رزق او تصيد علم اوحتى على الصعيد الروحي واقصد الحياة مع الرب يعني بدل ما نفضل نقول اعمل وهيك وميش هيك لالالالالالالالالالا نفكر ...ونعمل...نعيش ... والامور لما تبقي باتكال على ربنا تاكدي ربنا بيبارك ويوفق شكر كتير الرب يقويكي

رايك جميل يا ريم اشكرك علية يا قمر
الانسان اللى بيعتمد على نفسة دة بيكون مرتاح اكثر فعلا
شكرا ليكى انتى على ردك الجميل واضافتك الجميلة ربنا يعوضك

[emmmy]

المشاركة الأصلية كتبت بواسطة elphilasouf انا عندي وجهه نظر مختلفه ازاي بقي دلوقتي إيمي طلبت مني حاجه انا عملتهالها وبعدين طلبت مني تاني هعملهالها .. مفيش مشكله وهتحمل و تكبري عندي فضيله الاحتمال ولنفرض أنها كانت طلبت مني أول مره وعلمتها لو احتاجت تاني تعملها ازاي هتيجي تاني مره مش هتقولي أعملي وسويلي ... فانا كده مش هتعلم فضيله الأحتمال ههههههههههههههههههههههههه ههههههههه أنتي عارفه أصلا الصينين ليه عملين المثل ده عشان خلقهم ضيق وبيتخنقوا بسرعه وبيكره الشحاتين فبدل ما كل شويه شحات يقولهم عاوز سمكه جبولوا سناره وأرتاحوا :d يابنتي تلاقي اللي علمك ده حب يرتاح منك أصلا .... :d ولا أنا غلطان ؟!

ههههههههههههههههههههههه
لأ ازاى !!! غلطان ؟؟ دة كلام بردوا يا راجل ؟؟؟؟؟؟
ربنا يديك فضيلة التحمل والصبر يا جورج تحس انك دايما مختلف
بس لعلمك بقى لو جيت للاخر وشديت فى شعرك زى هانى كدة
هتضيع كل مجهودك وتعبك وتحملك ساعتها يعوض عليك ربنا فيهم بقى
على فكرة معنى انك تعلم حد حاجة معينة عشان تعفية من انة يطلبها تانى انت كدة بتوفر علية الاحراج والخجل دة غير ان عملك هيكون بصمة لا يمكن لحد انة يمحيها ابدا او ان السنين تنسيها ابدا بتفضل علامة حب افضل من مجرد العطاء السطحى ودة انا شوفتة وحسيتة اكثر من اللى اطلب منة حاجة ويعملهالى واقولة شكرا
واللى طلب منى يعلمنى حاجة دة انا منستوش ابدا بعدين انا اقدر احس باللى قدامى اذا كان عاوز يعلمنى عن حب ولا عاوز يريح دماغة منى زى ما بتقول
عموما وجهة نظرك تتحط فى الاعتبار -- اهئ نظرية بردوا نحسبها وامرنا للة هههههههههه

[emmmy]

المشاركة الأصلية كتبت بواسطة منيمو ايمى انا شخصيا موافقاكى و قابلت ناسكدة ع المنتدى هنا و فرحت اوى انهم علمونى حاجات كان نفسى اتعلمها كلامك جميل اوى ياريت كانت كل الناس بتساعد بعضها بجد ربنا يعوضك و شكرا لموضوعك الهايل يا ايمى

ميرسى يا روما على ردك الجميل دة
ربنا يخليكى يا قمر اشكرك