[الناى الحزين]

كلمه الى الجيش والجماعات الاسلاميه المتطرفه بكل حب ومن قلبى لكم اقول شكراً

بصدق انا سعيد رغم كل هذه الاحداث
سعيد سعاده ام شهيد راحت الكنيسه تودع ابنها الشهيد بالذغاريد رغم دموع الفراق ووجع وبشاعه الحدث

احبو اعداكم باركو لاعنيكم وصلوا لاجل الذين يسئون اليكم

انا مش قديس ولا بمثل دور التدين والقرب من ربنا
لكن لما فكرت كويس قوى فى الاحداث الاخيره تعجبت جدا وفرحت ومن قلبى بشكر الجيش والبلطجيه والجماعات الاسلاميه المتطرفه وكل من له يد فى هذه الاحداث

اولا اشكرهم انهم زودوا عدد شهدائنا
ورجعوا عصر الاستشهاد من جديد
ورجعوا كتير من الخراف الضاله للحظيره المسيح

تعجبت جدا أد ايه الناس قربت من ربنا
واللى مش بيروح الكنيسه بقى يروح وكل الناس صامت ال3 أيام الصوم وناس كتير كانت بتصلى من قلبها علشان ربنا يدينا سلام

وانا واحد من الناس دى قربت الفتره اللى فاتت من ربنا وعملت كدا

هو لازم يحصل كدا عشان نقرب من ربنا
مش مهم المهم ان ده حصل وقربنا من ربنا

فيه بلد جمبنا بحوالى 35 او 40 كيلوا تقريبا
اسمها اخميم اكيد سمعتوا عنها
زمان ايام عصر الاستشهاد
كان فيه ناس فلاحين سمعوا ان الجنود بيقتلوا كل المسحيين اللى يقبلوهم
فرحوا وراحلهم وقالولهم احنا مسحيين
علشان يستشهدوا
قالولهم الجنود السيوف بتاعتنا (تلمت) من كتر الدبح والقتل
كان رد فعل الفلاحين ايه!!؟
قالوا :خدوا الفأس اللى معانا واقتلونا بيها

يااااااااسلام على الشهدا والمسحيين اللى كانوا فى عصور الاستشهاد
ما عملوش زينا وعاشو فى حزن وخوف وقلق وتعب

بجد دى بركه كبيره جدا لينا لان ربنا سمح لينا اننا نكون عايشين ايام اضطهادات زى ابائنا اللى سبقونا

عشان كدا بجد ومن قلبى شكرا
شكرا للجيش
شكرا للجماعات الاسلاميه المتطرفه
شكرا للبلطجيه
واولا واخيرا شكرا لربنا اللى سمح لنا بالبركه دى
اسف على الاطاله بس كلمتين كانوا محبوسين فى قلبى وطلعتهم

المصدر: †† منتدى ارثوذكس †† - من قسم: كلام فى الممنوع

[kottah_sh]

مبااااااااااارك شعبى مصر


كفايه علينا اوى الكلمه دى يا ميلاد ربنا ميزنا عن باقى الشعوب
وكمان العدرا بتظهر فى مصر كلها بتطمن شعبها وتفرحهم بظهورها

[hosam_gano]

مبروك الاستشهاد لمن نال الشهاده من اى جانب مسلم او مسيحى
لكن لا يجب عليك ان تحس بالاضطهاد فى بلدك التى هى ملكك لقد كانت بدايه فتنه طائفيه لكن العقلاء اوقفوها الاسلام لم يانر بالقتل ولا المسيحيه لابد ان نحزن على كل مصرى استشهد فى الثوره او بعدها ولابد مع الحزن عليهم الفرح لهم لانهم نالوا الشهاده
واوعدك انك مش هتلاقى مصطلح فى مصر اسمه الجماعت الاسلاميه المتطرفه ابدا باذن الله

[ادروسيس]

وانا اضم صوتى الى صوتك وحقيقى بقدم لهم كل شكر

[samornotika]

ادينا يايسوع اننا نستعد و نكون مستحقين للاستشهاد ع اسمك

[GAKY2]

يارب كل حاجة بتتعمل بايدك انتا يارب رجع الايام المباركه دي لانها لينا مباركه

[عاشق البرازيل]

يارب لاتنسى شعبك في مصر .....