[جناح المسيح]

خليك قد الحياه

سيب الماضى للماضى*وبلاش كلام على الفاضى
ووقت يضيع تقول عادى*لا ركز بص قدامك
سيب الذكرى دى امبارح*وبص لبكره قوم طارح
حمولك ع اللى يوم سامح *وقدم نفسه علشانك

خليك قد الحياه وهاودها *لو تئزيك ولا تقلدها
روح واجرى على اللى خلقها*قوله تعبت مش قادر
جراح لو تتملى جواك*احزان لو تبقى دى ملازماك
وحنان مش لاقى فى اللى معاك*قوله احمينى كن شاكر

فى الضعف ربك ده بيقويك*بيكمل كل ضعف ماليك
بيكون وياك معاك حواليك*عارف كل احوالك
فى الخوف افتكر ان فاديك*شايلك جوه عينه حاميك
ليه تقلق وتبكى عينيك*وهو تملى قدامك

خليك فاكر كلامه سلاحك*هو اللى يداوى جراحك
ومحول تملى نواحك *لـــفرح سلام م الداخل
ركز عينك انت عليه*احكامه ما تقولش فيها دى ليه
هو ابوك وعارف ايه*اللى ينفعك م الاخر

فى الحزن مهما تكون مكبوت*ولا من الحياه بتموت
بكره معاه ده كله يفوت*بكره الدنيا تحلالك

من تأليفى
اذكرونى فى صلاتكم
انطونيوس جرجس
TON TON
2000 we 11

المصدر: †† ارثوذكس †† - من قسم: القسم الادبي

[MRAMER]

خليك قد الحياه وهاودها *لو تئزيك ولا تقلدها
روح واجرى على اللى خلقها*قوله تعبت مش قادر
جراح لو تتملى جواك*احزان لو تبقى دى ملازماك
وحنان مش لاقى فى اللى معاك*قوله احمينى كن شاكر

فى الضعف ربك ده بيقويك*بيكمل كل ضعف ماليك
بيكون وياك معاك حواليك*عارف كل احوالك
فى الخوف افتكر ان فاديك*شايلك جوه عينه حاميك
ليه تقلق وتبكى عينيك*وهو تملى قدامك

تسلم ايدك بجد يا انطونيوس
كلامك دا جالي ف وقته تماااااااااام
كلام ف منتهي الروعه والجمال
ربنا يعوض تعب محبتك

[كرستين ص]

موضوع جميل جدا وكلمات رائعه ميرسى ليك

[جناح المسيح]

المشاركة الأصلية كتبت بواسطة mramer

المشاركة الأصلية كتبت بواسطة mramer خليك قد الحياه وهاودها *لو تئزيك ولا تقلدها روح واجرى على اللى خلقها*قوله تعبت مش قادر جراح لو تتملى جواك*احزان لو تبقى دى ملازماك وحنان مش لاقى فى اللى معاك*قوله احمينى كن شاكر فى الضعف ربك ده بيقويك*بيكمل كل ضعف ماليك بيكون وياك معاك حواليك*عارف كل احوالك فى الخوف افتكر ان فاديك*شايلك جوه عينه حاميك ليه تقلق وتبكى عينيك*وهو تملى قدامك تسلم ايدك بجد يا انطونيوس كلامك دا جالي ف وقته تماااااااااام كلام ف منتهي الروعه والجمال ربنا يعوض تعب محبتك

ميرسى جدااا جدااا يا مرمر
على تشجيعك المستمر ليا
وعلى محبتك الغاليه دى
اذكرينى فى صلاتك
انطونيوس جرجس

[aser]

فى الحزن مهما تكون مكبوت*ولا من الحياه بتموت

بكره معاه ده كله يفوت*بكره الدنيا تحلالك

شكراااا على الكلمات الرائعة