[MRAMER]

مساء الخير ع احلي اعضاء ف اروع منتدي اثوذكس

انهارده ميعادنا مع اعلان الفائز ف الحلقه الاولي من برنامج "سؤال يبكي القلب"

اولا نحب نشكر جميع اللي شاركونا وقدموا اجابات ف منتهي الروعه بجد
ونشكركم ع تشجيعكم لينا

فعلا احنا تعبنا قوي عشان نعرف نحدد الفائز لان فعلا الاجابات كانت كلها ف منتهي الروعه بجد وقويه جداا





ولكن





بعد تفكير طويل الحمدلله توصلنا للفائز

الفائز ف الحلقه الاولي هو

جناح المسيح

وكانت اجابته هي:

الاول هضحك وطبعا هيبقى فى دمعه بتلمع فى عينايا
فهى هتسالنى ايه مالك ( او ) ايه ده بقى
فانا هقولها اصلك فكرتينى بواحد صاحبى كان رايح يقول لواحده بيحبها انه بيحبها
فلاقاها بتساله عن واحد صاحبه اووى هل هو بيحبها ولا لاه ومكنش عارف يرد
وبقى ملبوخ اووى لان دى حبيبته وده صديق عمره
فلو افترضنا انها هترد وتقول يعنى ايه
هرد عليها واقولها للاسف انا الانسان اللى عاش طول الوقت يحبك
وانتى طلعتى بتحبى صديقه العزيز وللاسف انه صديقى الحبيب
انا بهنيكى على اختيارك وهو انسان كويس ربنا يوفقكوا
عارف انى لو كنت سكت وقولتلك مبروك من الاول كان افضل
انا اسف سامحينى لانى قدرتش مقولكيش انى بحبك
بس تاكدى انى من النهارده هعتبرك اختى
لان اكيد زوجة صديقى تبقى اختى اللى هفضل اخاف عليها واحترمها
او
نفترض انها ترد وتقول بدل ( يعنى ايه ) تقول ( وعمل ايه صاحبك ده )
هقولها ولا حاجه قالها فى الاخر مبروك
واقولها مبرووووووووووووووووووك وهو انسان كويس وربنا يتمم بخير
واسيبها وامشى وتفهم زى ما تفهم وامحى حبها من قلبى

واسف انى طولت
تون تون

الف مبروووووووووك ليك يا انطونيوس
وربنا يعوض تعب محبتك

والجائزه المقدمه ليك من اسرة البرنامج هي كارت شحن بـ 10

فقولنا ع نوع خطك عشان نبعتلك الجائزه ف رساله خاصه
والف الف مبروك ليك



وأنتظرونا مع الحلقه الثانيه من برنامج سؤال يبكي القلب

أذكرونا ف صلواتكم
kiro0oalex
MRAMER

المصدر: †† منتدى ارثوذكس †† - من قسم: البرامج والخروجات الخاصة بالاعضاء

[aymonded]

حقيقي أشكركم كتير على تعبكم الحلو وتوفيقكم في اختيار هذا الموضوع ، ولكونه واقعي صار له صدى كبير عند الكثيرين ، فحقيقي اشكركم باسم الكل على اختياركم الذي دائماً ما يكون موفق في اختيار الموضوع واختيار الفائز ، وكل التقدير لأخونا المحبوب كيرلس الذي تكلم من إحساسه الداخلي وربنا ما يسمح لأحد أن يمر بهذه التجربة الصعبة فعلاً ...

كونوا معافين باسم الرب وفي شدة قوته وملء النعمة والفرح السماوي الذي لا يزول ، مع كل التقدير والمحبة لكم ولأجمل أخ حلو : كيرلس ... ولنُصلي بعضنا من أجل بعض آمين

[emmmy]

الف الف مبروك يا جناح المسيح
هو المسيح كان ليه جناح ‎;-)‎‏
طيب ممكن تسلفني 2 جينه ههههههههه

[جناح المسيح]

ميرسى جدااااا يا جماعه انا منبهر حقيقى
لانى مكنتش متوقع انى افوز ميرسى خالص مالص وانا نوع خطى موبينيل
وللاستاذه ايمى عايزك تشوفى تفسير اسم جناح المسيح وحضرتك هتفهمى

وميرسى جداااااااااااااا ليكى وعقبالك ههههههههههههه

[zaza2006]

مبرووووووووووووووووك يا انطونيوس
وميرسى مرمر وكيرو لتعبكم ربنا يعوضكم
وفى انتظار الحلقة الجاية

[دميانة لطفى]

الف مليووووووووووووووووووووون مبروك يا جناح المسيح تفوق مستمر دايما

[كرستين صفوت]

كل كارت وانت طيب
هههههههههه

[كيرو رافت]

شاعر وفنان بجد يا تونى
مبروووووووووووووووووك يا تونى وتستحق الجائزة بجد
الفكرة رائعه يا مرمر انتى وكيروووو ربنا يكون معاكم ويفرح قلوبكم يا رب

[اناستاسيا]

الف مبروك وفى انتظار السؤال القادم بي يكون خفيف شوية

[kiro0oalex]

الف الف مليون مبروك اخونا الغالى
وانشاء الله تشترك معانا تانى .. يمكن تقدر تفوز تانى ..
بس ده بقى لو الاعضاء سبوك انت ترد لوحدك ....
تم ارسال رقم الشحن .. خدشنالك الكارت وانت اشحن بقى ههههههههه
مع تحيات اسره البرنامج