[viyola]

انا مين؟
مش هو ده الانسان.. صوت ولسان
مرة يبكي ومرة فرحان
مرة بيجرح واوقات يتهان
...مش هو ده الانسان...
ضعيف وجبان
مش هو ده الانسان....بكي رب المجد في البستان
مش هو ده الانسان... بقبله سلمه للرومان
مش هو ده الانسان... بيشكي من الزمان
مش هو ده الانسان... سقي يسوع الخل لما كان عطشان
مش هو ده الانسان... ضرب الحربة في جنب رب الانسان
...وكمان نال الخلاص بكلمة من الرب في عز الالام
مش هو ده الانسان... نكره وطلع جبان
وكمان شك فيه بعد ماقام
***يارتني ماكنت ده الانسان...كنت هبقي فرحان
كنت هلاقي الامان
يارتني ماكنت ده الانسان...كله صوت ولسان
اللي في لحظة بيتهد الكيان
طيب انا مين؟؟؟؟
وكل ده الانسان!!!!!
انا فرحان ولا زعلان؟؟؟؟

المصدر: †† منتدى ارثوذكس †† - من قسم: القسم الادبي

[كيرو رافت]

الله بجد على الكلمات الرائعه دى يا فيولا
كلمات فى منتهى العمق وتكشف لنا الجانب السيئ من الانسان
ولكن هناك جانب اخر ملئ بالحب والايمان
حت ان الله قال عنه انه خلقه على صورته ومثاله

[viyola]

ميرسي اوي اوي لتشريفك لموضوعي المتواضع ده ويارب ينال اعجابكم واكون عند حسن ظنكوا علشان دي اول مرة ليا اضيف موضوع وكنت خايفة جدااااااا ..وشكرا لتشجيعك ولمرورك.

[دودي بوب]

بجد يا فيولا كلمات جميلة اوي

تسلم ايدك يا قمر

[اناستاسيا]

جميل جدا هذة هى صفاتنا الحقيقة التى نحاول اخفاؤها ونظهر بصورة مختلفة عن الواقع موضوع جميل وفى انتظار المزيد يا فيولا ربنا يبارك حياتك وخدمتك

[viyola]

اشكرك جدا يادودي وانتي كمان يا اناستاسيا بتشريفكم للموضوع وربنا يبارك حياتكم.

[منيمو]

حلوة اوى بجد و كلماتها عميقة ربنا يعوضك يا فيولا

[عماد حسنى]

يارتني ماكنت ده الانسان...كله صوت ولسان
اللي في لحظة بيتهد الكيان

عندك حق فى لحظه كله بيتهد
لكن ؟؟
عند يسوع فى بنيان
رجاءنا كلنا فى يسوع
يعيد بناء ما قد هلك

شكرا جدا جدا يا فيولا
لكتاباتك الاكتر من ممتازه وهادفه وقويه
ربنا معاكى ويفرح قلبك
ومنتظرين المزيد من اعمالك

[viyola]

ميرسي ليكوا اوي يامنيمو وياشاعرنا الكبير ... واكيد طبعا يسوع وحدة اللي عنده البنيان .. واللي عنده بس بيتحفظ الكيان ,, شكرا كتير لمروركم.
والرب يحفظ تعبكم