[elshbah]

السلام لكم حبايب منتدى ارثوذكس

ونقول مساء الخير مش هطول عليكو هدخل فى الموضوع على طول

(ان كنت حساس وبتعرف معانى الاحساس اتفضل جاوب)

فى البدايه اتمنى الصراحه الكامله منكم

اتمنى ان لا ارى الا الصدق الذى فى داخلكم

لاننى ساكون هنا معكم بكل صدق

فكونو معى بقلوبكم وودعو الغرور والكبرياء قليلا

ولنكن اليوم فى صدق مع انفسنا

نخش على الموضوع وهبدا الموضوع بكلمات شعريه

من كلماتى التى عشتها لحظه بلحظها


احنا انجرحنا كتير

من حب اخترناه من غير دليل

والاحساس اللى حسيناه

كان صادق من جواه

أحساس بيكون جوانا

للى نحبو ويهوانا

احساس منحسهوش

غير بعد فراق حب

كان عايش تملى فى دنيانا

نكره حياتنا ونعيش حياتنا

وده غصب عنا ومش بريضانا

وايه اللى كان لينا تانى

بعد الجرح مانسانى

معنى الحب من تانى

خلاص انتهى جوايا الامان

مفيش ثقه مفيش حنان


مفيش قلب تانى يتحب

ولا يتصان

لان كتير مننا باعو حياتهم هنا

عشان يعيش حبهم

كانو بيحبو من قلبهم

كان تملى حلمهم

يبعد الفراق عنهم

وميكنش يوم وسطهم

بس الفراق برئ كمان منهم

لان اللى حب حب واحد مش ممكن يوم يتحب

حب واحد حب شئ مش منهم

فيه اللى حب فيه اللى خان

فيه اللى ضاع منهم

بنسئال تملى ربنا

ليه الخيانه تكون لنا

واللى خان وراح وحب غيرنا

الحب ده مكنش حقو ده حقنا

لاننا حبينا والله بقلبنا

بخوفنا ودقه قلبنا

بروحنا وحياتنا وده كان بس حلمنا

مكناش بنحلم بشئ كبير

كان قلب بس يكون كبير

يحب فينا يكون صاحى الضمير

احنا انجرحنا واندبحنا

والذنب ده ذنب مين

ذنب اللى حبيناه ولا قلب حب وانخدع

ذنب احساس كان بيهواه ولا قلب من حجر

لو نعرف الحب كده من البدايه

كنا قفلنا قلوبنا ليووم النهايه

لان الحب ظالم اووووى

مينصفش اللى يحب اوووووووووووووى

انا نفسى اعرف منكم من كل الشباب والبنات هنا

بس من قلوبهم من جواهم


1

ليه اللى نحبو من جوانا ميحبناش ليه ينسانا ويبيع هوانا

2

ليه كتير مننا يحبو اللى خان حبنا يحبو اللى يكسر قلبنا

يحبو اللى يزلهم اللى تملى يقلل منهم

3

وليه الشاب او البنت لما تفراق حب كده كان وراح ولما حد منهم يشوف

اللى كان حبيبو مع غيرو

يغير عليه لدرجه مش ممكن تتصور ويفعل المستحيل من اجل ارجاع من كان له حبيب

هل ده حب بجد ولا انانيه ولا حب النفس والذات

4

ليه تملى نكدب على روحنا هنا ونجمل فى نفسنا من ورا الشاشه

وفيه اللى بيكون ابليس ويكون صالح هنا

وفيه اللى بيبقى صالح ويكون ابليس هنا كتابه وهيا اللى بتعبر عن الشخص ومنكنش

صادقين مع كتير مننا

بس اللى بيكون صادق قليل خالص مننا


مستنى الرد منكم

نادر الشبح

المصدر: †† منتدى ارثوذكس †† - من قسم: الموضوعات الشبابية

[elshbah]

انا شايف ان فى زوار للموضوع معنى كدا ان مفيش بقا حد صريح هه ؟؟؟؟؟؟؟

[بنت يسوع المخلص]

بس كده ولا تزعل يانادر
ليه اللى نحبو من جوانا ميحبناش ليه ينسانا ويبيع هوانا
يمكن بيكون اختيار غلط او ممكن يكون الانسان اللى بعد عنده اسباب تخليه يبعد
ليه كتير مننا يحبو اللى خان حبنا يحبو اللى يكسر قلبنا
يحبو اللى يزلهم اللى تملى يقلل منهم
طبيعى نتيجة حبك ليه بس مش معاك انك تحب اللى خانك ولا حتى اللى يقلل منك لان معروف عن الحب ان اللى اتنين بيخافوا على بعض ويعاملوا بعض كويس
ومايقللوش من كرامة بعض
وليه الشاب او البنت لما تفراق حب كده كان وراح ولما حد منهم يشوف اللى كان حبيبو مع غيرو
يغير عليه لدرجه مش ممكن تتصور ويفعل المستحيل من اجل ارجاع من كان له حبيب
هل ده حب بجد ولا انانيه ولا حب النفس والذات
انا شايفة انه مش حب يمكن انانية من اللى بعد لان لو كان بيحبه بجد مكنش بعد عنه وبعدين ممكن ربنا يكون شايف للانسان اللى انجرح حد تانى يكون افضل من الاول
اخر سؤال مش عارفة بس صدقنى لو الناس فعلا صادقة مع نفسهم ومع اللى حواليهم
كنا قدرنا نثق فى اللى حوالينا
سورى يانادر انا مجربتش معنى الخيانة بس قلتلك اللى حساه
وميرسى على الشعر الجامد ده بس كلامه صعب اوى وربنا معاك ويفرحك دايما يارب

[elshbah]

المشاركة الأصلية كتبت بواسطة بنت يسوع المخلص بس كده ولا تزعل يانادر ليه اللى نحبو من جوانا ميحبناش ليه ينسانا ويبيع هوانا يمكن بيكون اختيار غلط او ممكن يكون الانسان اللى بعد عنده اسباب تخليه يبعد ليه كتير مننا يحبو اللى خان حبنا يحبو اللى يكسر قلبنا يحبو اللى يزلهم اللى تملى يقلل منهم طبيعى نتيجة حبك ليه بس مش معاك انك تحب اللى خانك ولا حتى اللى يقلل منك لان معروف عن الحب ان اللى اتنين بيخافوا على بعض ويعاملوا بعض كويس ومايقللوش من كرامة بعض وليه الشاب او البنت لما تفراق حب كده كان وراح ولما حد منهم يشوف اللى كان حبيبو مع غيرو يغير عليه لدرجه مش ممكن تتصور ويفعل المستحيل من اجل ارجاع من كان له حبيب هل ده حب بجد ولا انانيه ولا حب النفس والذات انا شايفة انه مش حب يمكن انانية من اللى بعد لان لو كان بيحبه بجد مكنش بعد عنه وبعدين ممكن ربنا يكون شايف للانسان اللى انجرح حد تانى يكون افضل من الاول اخر سؤال مش عارفة بس صدقنى لو الناس فعلا صادقة مع نفسهم ومع اللى حواليهم كنا قدرنا نثق فى اللى حوالينا سورى يانادر انا مجربتش معنى الخيانة بس قلتلك اللى حساه وميرسى على الشعر الجامد ده بس كلامه صعب اوى وربنا معاك ويفرحك دايما يارب

تعيش ايديكى يا قمر للاهتمامك الجميل وصراحتك الحلوة هوا انا مستفدش كتير بس حاسيت بصراحة فى كلامك وانو طالع من قلبك ربنا يباركك ويعوضك يارب نورتى الموضوع

[MRAMER]

بجد موضوعك جميل وصعب اوي اوي
بس انا هقول حاجة صغيره

لازم قبل ما ادي قلبي وحبي وروحي وكل ما املك للشخص اللي انا بحبه لازم اتأكد انه يستاهل حبي واني قلبي هيبقي امانه معاه وانه مش هيهينه ف يوم من الايام مهما حصل مننا احنا الاتنين
مشكلتنا اننا بنتسرع ف مصارحتنا بحبنا للاخر لا لازم نتريس ونتاكد كويس اوي علشان منوصلش لمرحله الخيانه والجرح الصعب اللي ف الغالب مش بيتداوي
وربنا يرحمنا من الجرح دا بجد لأنه صعب اوي

[elshbah]

المشاركة الأصلية كتبت بواسطة mramer بجد موضوعك جميل وصعب اوي اوي بس انا هقول حاجة صغيره لازم قبل ما ادي قلبي وحبي وروحي وكل ما املك للشخص اللي انا بحبه لازم اتأكد انه يستاهل حبي واني قلبي هيبقي امانه معاه وانه مش هيهينه ف يوم من الايام مهما حصل مننا احنا الاتنين مشكلتنا اننا بنتسرع ف مصارحتنا بحبنا للاخر لا لازم نتريس ونتاكد كويس اوي علشان منوصلش لمرحله الخيانه والجرح الصعب اللي ف الغالب مش بيتداوي وربنا يرحمنا من الجرح دا بجد لأنه صعب اوي

ميرسى اوى يا مرمر لمرورك الجميل بس الموضوع مش صعب ولا حاجة هوا محتاج حبة تركيز بس وشكرا اوى لردك الجميل وصراحتك الاجمل

ها مين تانى