[nermos1982]

سكات سكات سكات

كل سنة هدية والرد سكات

خلاص كفاية كاتمين ليه الاهات

حد ينطق ياخد حق اخويا اللى مات

كفايانا بقى جبن وخوف وكتم للاحزان

حد يحس بالنار اللى بتسرى جوانا

كفايانا بقى كلام فارغ وشعارات كدابة

مين فينا بعد اللى شافه يقدر يسكت

مين فينا بعد النار اللى جواه يقدر يقفل بقه ولا يصرخ

ياناس حرام حسوا بينا وبقلبنا اللى بينزف

الكل واقف ساكت حتى امنك يامصر بيضرب

المظلوم فيكى بقى هو الظالم

يتضرب ويتهان على انه الجانى وهو المظلوم اللى حقه ضايع

كفايانى بقى كده كلام مبقاش منه فايدة

اخدوا مننا ع السكات وبقوا هما الاقوى

بس وحياة دم شهدائك يا اسكندرية هانفضل احنا الاقوى

هاناخد بحقكم والكل هايرجع نادم

ده ربنا مش بيسيب حق ولاده يضيع ده فى حضنه ليهم ضامم

صبرنا يارب وقوينا على الاستشهاد

صبرنا وادينا القوة نغلب الاحزان

صبرنا يارب بنصرخ ليك من قلوب محروقة

اخويا واختى وابويا دمهم سال واجساد محروقة

صبرنا يارب

المصدر: †† منتدى ارثوذكس †† - من قسم: القسم الادبي

[emmmy]

على اد ما القصيدة فى الاول شكوى
وتمرد والم ومرار وحزن
على ما اد ما هى فى النهاية صراخ نحو السماء
ونداء لتدخل العدل الالهى
كلماتك رائعة يا نرمو بس متزعليش تقو بنعمة المسيح
احنا مش ضعفاء يا نرمو وعمرنا ما كنا ضعفاء وانتى بنفسك قلتى الكلام دة اهو
بس وحياة دم شهدائك يا اسكندرية هانفضل احنا الاقوى

احنا الاقوى صدقينى والدليل على كدة ان كنيستنا رغم كل الاضطهاد دة من الكل وعلى مر الزمان لسة باقية وهتفضل باقية
ربنا يعزيكم ويصبركم كونى قوية واطلبى العزاء والصبر والايمان من يسوع ربنااا معاااكم قلوبنا معاااكم صديقنى

[kiro0oalex]

حقيقى عنوان كفايانا سكات وكلام ومشاعر تعبر عن اللى جوانا واللى حاسين بيه وشايفينه
بس احنا ثقتنا بربنا كبيره
لان وعده صادق فى ان ابواب الجحيم لم تقوى عليكى
وكمان
من يمسكم فقد مس حدقه عينى
اكيد ربنا هيدخل واحنا واثقين فيه وفى عداله السماء

[maro-mrmr]

حلوة اوى
واحنا واثقين من الهنا انه سامع صراخنا

[twaty]

صبرنا يارب

ربى انت وعدت وقلت من يمسكم يمس حدقت عينى انت يارب قادر انك تدافع عن شعبك

[menalouka]

حقيقي يا نرمين
راااااااااااااائع كلمات كلها إحساس ومعبرة على اللى بيحصل
ربنا يدينا الصبر وقوة الإحتمال

[med reny]

كفايانا سكات
لحد امتا هنفضل سكتين وعن حقنا مسمحين
ده مش ضعف وفهموها ده اللي علمهولي كتابي
علمني اذاي اسامح وذاي احب حتي اعدائي
انتي بلدنا وحقنا فيكي مش هيضيع
انتي مش ام ولا حصلتي حتي مرات ابويا
ليه بتقسي كدا علينا
عمرك شفتي واحد فينا ماسك ليكي سلاح
شفتي في مره واحد فينا خانك ولا حتي هانك
طيب ليه ديمن رفعه علينا سلاحك ليه بتخنينا وتهنينا
مش بقولك انتي محصلتيش حتي مرات ابويا
ربنا يبارك تعب محبتك وربنا يحمينا من عدوا كل خير

[الأمبراطور]

موضوع ذات صله بموقع ارثوذكس: كفايانا سكات - †† ارثوذكس †† https://www.orsozox.com/forums/showth...#ixzz2AWCvMU14

ده ربنا مش بيسيب حق ولاده يضيع ده فى حضنه ليهم ضامم

صبرنا يارب وقوينا على الاستشهاد

صبرنا وادينا القوة نغلب الاحزان

صبرنا يارب بنصرخ ليك من قلوب محروقة

اخويا واختى وابويا دمهم سال واجساد محروقة

صبرنا يارب

ربنا يسمع لصلاتنا وتضرغاتنا ويرحمنا