[asmicheal]

فى الممنوع بجد

زمااااااااااااااااااااااا ان كان التليفون بمنتصف البيت
ولما شاب يتصل ببنت ترزع سماعة التليفون فى وجهة

مع العبارة الشهيرة
اوعى تتصل هنا تانى يا قليل الادب

ولو بابا جنبها يجى فى لحظة عنترية
يسمع الشاب الدنجوان ما لذ وطاب



كان لا يمكن بنت تجرى وراء شاب
ومصيبة ونهاية العالم وعلامات الساعة ان تتبع شاب


كان يا مكان كارثة ان تغطى صورتها لشاب

فيها قطع رقاب


وكانت البنت لما تسمع كلام حلو تبص بحياء رقيق ووجهها يحمر

واصلا لا تقبل الكلام الحلو الامن خطيبها او زوجها


كان العلاقات راقية نبيلة عميقة
معلنة
والحدود واضحة


اما الان ممكن ترجمونى على اللى جاى

ليس للمنتدى اى مسئولية عما ساطرحة

ولا مقص الفيلسوف هههههههههههههههههههههههه



الولد بقى فى قلب حجرة البنت
وهاتك يا شات ودباديب وورد
وكلام ممكن يدخل تحت طائلة القانون لخدشة للحياء


هههههههههههههههههههههههه

ما تفهمونيش صح



الولد بقى يكلم البنت وعينى عينك على عينك يا تاجر

وباباى قاعد زى الفل

مين يا حبيبتى
دة وائل ولا جرجس

مابقتش تفرق





الولد بقى بيتكسف اما البنت فلا

ممكن البنت تلاحق الولد
بالصور والكلام والرسائل العلنية والمكنية

مش هتكلم على كاميرا الفيديو

علشان ما ازيطش ههههههههههههههههه

يعنى اللقاء بقى فيديو كليب

امشى من هنا يا اسميشيل

هههههههههههههههههههههه




البنت بقت عادى تنزل مع الولد وتدق الكف معاه

ولا لما يكون اختها الصغيورة النونو

وهو زى الشحت وشنبة مالى وشة

والموضة الخايبة الهانم قاعدة معاة فى الكافية

وصوتهم جايب امة لا الة الا المسيح كلها




الخطوبة بقت بين الكل
للكل
نتعرف دى
ممكن تبقى شهور وسنين

معرفش بيتعرفوا على اية بالضبط

واكيد يعنى 99 و 99999999999999999999999999


مش بيتم زواج
لانة لا يثق بالهانم اللى نزلت بتقلها
مع واحد لاتربطة بيها اى روابط


عاوز تتعرف يا كتكوت

تتعرف عن طريق

بابا اب اعترافك يا امورة
او ابوكى الحقيقى

انما تعارف الشوارع والنت

مش جايب همة
وما بينتهيش بجواز

الا فى حالات نادرة نادرة نادرة


ودة من كلام كثيرين معى بالخاص

وهن مملوءات حسرة والم وجرح نفسى ربما يلازمهن للابد



البنت جمالها بحيائها

مهما كانت قوية الشخصية واثقة بربنا وبنفسها




فسؤالى هو

هل


الحياء اصبح موضة قديمة

المصدر: †† منتدى ارثوذكس †† - من قسم: كلام فى الممنوع

[Team Work®]

سيبك من سؤالك انا عاوز اعرف دى يعني ايه

البنت بقت عادى تنزل مع الولد وتدق الكف معاه

اصلها جديده عليا شويه

[marbel3333]

متحكمش على حد كل الناس مش زى بعضيهم الناس المحترمة كتير

[كيرو رافت]

للاسف كل كلامك وبقول للاسف مرة تانيه صح جدااااا
انتى طرحتى مشكله اصبحت موضه هذه الايام
انا بامانه بشوف حاجات استحاله انى اصدق ان الكلام او التصرفات دى بتصدر من بنت المسيح
من كلام خايب مالوش لازمه الى شرب السجاير والموضه الايام دى الشيشه
بكل انواعها
صدقينى جات عليا فترة من الفترات وده طبعا قبل ارتباطى باميره احلامى وحياتى
جائت عليا فترة فقدت فيها الامل فى هذه الاجيال
وغياب الهدف والقيمه وغياب الاخلاق والمبادئ
لكن الامل مازال موجود فى اولاد الله الذين لا يتشبهون باولاد بليعام
ابناء النور الذين يسلكون بعيدا عن الظلااااام
ربنا قادر انه يحرس اولاده وبناته ويكونوا دائما اولاد النور

[aymonded]

اقتباس

المشاركة الأصلية كتبت بواسطة marbel3333

متحكمش على حد كل الناس مش زى بعضيهم الناس المحترمة كتير

سلام لنفسك يا محبوب الله الحلو من نور المنتدى بوجوده الرائع فيه
الموضوع بالطبع ليس حكم على أحد لأنه لم يذكر اسماء أو يلقي اتهامات لكل الناس من جهة التعميم ، ولكنه يظهر مشكلة هذه الأيام الصعبة والذي تفشت في كل الأوساط وأصبح الغالبية العظمى من شباب اليوم لهم مظهر باطل يعيشون في وهم الحب وهم أبعد ما يكون عنه ، لأنهم لا يحملون المسئولية على عاتقهم بالالتزام ومحبة الله وخوفه أمام أعينهم ...
وما تم ذكره حقائق لا نقدر أن ننكرها لأنها تحدث أمام أعيننا كل يوم بل وتزداد وتتفاقم والأهل غارقين في انشغالتهم ولم يقدروا على صنع جو أسري سليم للنمو الصحيح والسوي لأولادهم ...

وحقيقي اشكرك على مشاركتك الحلوة لنا
أقبل مني كل تقدير لشخصك المحبوب
النعمة معك كل حين

[asmicheal]

اقتباس

المشاركة الأصلية كتبت بواسطة team work®

سيبك من سؤالك انا عاوز اعرف دى يعني ايه

البنت بقت عادى تنزل مع الولد وتدق الكف معاه

اصلها جديده عليا شويه

لية يا استاذ هيما
مش بتعدى على تجمعات شبابية
وتشوف بنفسك

ههههههههههههههههههههههههه ه
كفك
تطراخ ولا كانة اختها الصغننة


عاوزة اوضح امر


كلنا نكرة المنبة
لانة يوقظنا من نوم وتقليد ومحاكاة العالم بلا تفكير


لكن نمتن لة لانه يلحقنا لنلحق اشغالنا الاولى بالاهتمام


لى كام موضوع وسياتى غيرهم


موضوعات انا بعتبرها منبه

بتبقى اقرب للرصد والتاملات منها للادانة ومضايقة القارىء


واحاسب نفسى صدقنى على ما اكتبة قبلكم جميعا

هل حدودى واضحة
هل لا يزال الحياء تاج يزين فعلا شخصيتى

وعارفة ان كثيرين ممكن يتضايقوا

من موضوعات منبة زي كدة

بس لو مش بحب الكل

ما كنتش اشغل نفسى بيهم
ولانهم كلهم غاليين

يهمنى مصلحتهم


دة سبب كتابتى لموضوعات مثل
هترقص فى فرحك

حدود المخطوبين
وهذا الموضوع

هل الحياء اصبح موضة قديمة


ورايى قناعتى الخاصة التى انفذها بالفعل ولا ادين من يرفضها
ولا افرضها على احد


مجرد فكروا واختاروا وقرروا

[asmicheal]

اقتباس

المشاركة الأصلية كتبت بواسطة marbel3333

متحكمش على حد كل الناس مش زى بعضيهم الناس المحترمة كتير

اسمح لى ارحب بيك الاول

لانك اول مرة تدخل فى حوار معى
اهلا بحضرتك معانا

ثانيا اشكر جرائتك ورايك الحلو الحر

ثالثا انا اختك مش اخوك وقبطية ارثوذكسية

واقصد تطور الغلاقات الشبابية عموما


بص ا مربل

مين قال ان اللى بيعمل عكس ما بقول مش محترم
بالعكس
لعلمك احترم الانسان الواضح مع نفسة ومع الاخرين

وعارف بالفعل ما يعملة


واكثر ما يخنقنى ويجعلنى انسحب بالفعل من حوار او مكان ذوى الرايين او الوجهين والمرائين بصفة عامة


فاحترم صراحتك ووضوحك

لكن ضفى النهر يحعلا النهر يسير باستقامة ووصول اسرع لهدفة

ما اراة رصد وتنبية من اخت لاخوتها
وليس ادانة او تقليل

الحدود الواضحة تريح وتستريح من يتعامل بها


وسؤالى الواضح حضرتك لم تجبنى علية


هل الحياء اصبح موضة قديمة

[asmicheal]

اقتباس

المشاركة الأصلية كتبت بواسطة كيرو رافت

للاسف كل كلامك وبقول للاسف مرة تانيه صح جدااااا
انتى طرحتى مشكله اصبحت موضه هذه الايام
انا بامانه بشوف حاجات استحاله انى اصدق ان الكلام او التصرفات دى بتصدر من بنت المسيح
من كلام خايب مالوش لازمه الى شرب السجاير والموضه الايام دى الشيشه
بكل انواعها
صدقينى جات عليا فترة من الفترات وده طبعا قبل ارتباطى باميره احلامى وحياتى
جائت عليا فترة فقدت فيها الامل فى هذه الاجيال
وغياب الهدف والقيمه وغياب الاخلاق والمبادئ
لكن الامل مازال موجود فى اولاد الله الذين لا يتشبهون باولاد بليعام
ابناء النور الذين يسلكون بعيدا عن الظلااااام
ربنا قادر انه يحرس اولاده وبناته ويكونوا دائما اولاد النور

لى عودة للرد على رايك الجميل ا رافت
بس بجيب شوية احصائيات


احب اضيفها للموضوع

[asmicheal]

اقتباس

المشاركة الأصلية كتبت بواسطة كيرو رافت

للاسف كل كلامك وبقول للاسف مرة تانيه صح جدااااا
انتى طرحتى مشكله اصبحت موضه هذه الايام
انا بامانه بشوف حاجات استحاله انى اصدق ان الكلام او التصرفات دى بتصدر من بنت المسيح
من كلام خايب مالوش لازمه الى شرب السجاير والموضه الايام دى الشيشه
بكل انواعها
صدقينى جات عليا فترة من الفترات وده طبعا قبل ارتباطى باميره احلامى وحياتى
جائت عليا فترة فقدت فيها الامل فى هذه الاجيال
وغياب الهدف والقيمه وغياب الاخلاق والمبادئ
لكن الامل مازال موجود فى اولاد الله الذين لا يتشبهون باولاد بليعام
ابناء النور الذين يسلكون بعيدا عن الظلااااام
ربنا قادر انه يحرس اولاده وبناته ويكونوا دائما اولاد النور

راى بمنتهى النضج

ويعبر عن راى كثيرين


ويمكن دة سبب


مشكلة العنوسة فى مصر وصلت الى 13 مليون عانس – تقرير الحياة اليوم


2 October

2010



يعنى التجاوزات اللى بتحصل
بلا هدف
الا تخريب ثقة كل طرف بالاخر


الحياء لا يعنى الانغلاق او الكبت
انما ان نضع الله قبل كل تصرفاتنا

يعنى لو الملك المسيح معايا بالعربية هل ساغضب او اسمع او اتكلم كدة


لو معايا بالمكان دة هل سيرضية كذا وكذا


المسيحية لا تكبت انما تعطى الروح القيادة على سلطان الجسد


صدقونى ومن خلال محاورة شباب كثيرين
الشاب فاهم كويس جدا من امامة

فاعتزى بنفسك واحترمى مشاعرك واحفظى نفسك

لمن يستحق
ويدخل البيوت من ابوابها

من باب كنيستك واهلك
مش من شباك التساهل والنت والشوارع


اتكلم عن البنت لانها معلش يعنى اهم من الولد
لطبيعتها الرقيقة الرومانسية

فجرحها وسمعتها وشخصيتها اولى بالحماية والاهتمام


شكرا لك ا رافت

بردك الجميل

فتحت تاملى فيما يحدث


والف مبروك لك بارق رقيقات المنتدى
هنا انسانة رقيقة وممتازة وغنية عن اى مدح

وحقيقى من اقرب الناس لقلبى هنا

ربنا يسعدكم فى اسمة للابد ويمنحكم كل سعادة وسلام ورافت وهنا صغننين

[asmicheal]

اقتباس

المشاركة الأصلية كتبت بواسطة aymonded

سلام لنفسك يا محبوب الله الحلو من نور المنتدى بوجوده الرائع فيه
الموضوع بالطبع ليس حكم على أحد لأنه لم يذكر اسماء أو يلقي اتهامات لكل الناس من جهة التعميم ، ولكنه يظهر مشكلة هذه الأيام الصعبة والذي تفشت في كل الأوساط وأصبح الغالبية العظمى من شباب اليوم لهم مظهر باطل يعيشون في وهم الحب وهم أبعد ما يكون عنه ، لأنهم لا يحملون المسئولية على عاتقهم بالالتزام ومحبة الله وخوفه أمام أعينهم ...
وما تم ذكره حقائق لا نقدر أن ننكرها لأنها تحدث أمام أعيننا كل يوم بل وتزداد وتتفاقم والأهل غارقين في انشغالتهم ولم يقدروا على صنع جو أسري سليم للنمو الصحيح والسوي لأولادهم ...

وحقيقي اشكرك على مشاركتك الحلوة لنا
أقبل مني كل تقدير لشخصك المحبوب
النعمة معك كل حين

فيه اعتذار هنا لازم اقدمة


اتلغى لى موضوع عن الارهاب بناء على طلبى
فى نفس توقيت نزول هذا الموضوع


ومن سوء الحظ ا ايمن بلغنى بحذف الموضوع لعدم لياقتة للخط الروحى هنا
فطبعا بايجابية منقطعة النظير قعدت ادافع عن هذا الموضوع
الحياء اصبح موضة قديمة

وا ايمن يدافع عن حذف موضوع الارهاب
وكلانا اصر على دفاعاته


ولا نعرف اننا نتكلم عن موضوعين مختلفين

ههههههههههههههههههههههههه هههههه
بالصدفة ذكرت اسم الموضوع بعد مناهدة وتزهيق لاستاذ ايمن
حملة بشجاعة حمل الصليب
لياخذ اكليل احتمال اسميشيل


هههههههههههههههههههههههه

المهم الموضوع اتفهم وا ايمن علق تعليقة الرائع المعتاد ليرفعنا لروحانية الروح واتساع البصيرة


لى عودة للتعليق على ما كتبتة ا ايمن

بس الاعتذار واجب