[عماد حسنى]

مشيت وتعبت .. وعلى بابك خبطت
دخلت وبكيت
قدامك حكيت
سامحنى ياربى ...
سامحنى ده ذنبى .. فى حقك أخطيت !!
وغمضت عينى .. ودموعى فى عينى ،وساعتها حسيت .
حسيت بحملى .. بحمل قلبى راح وهديت .
ونسيت العذاب
ونسيت الغياب
ونسيت ياربى سنين البعاد ..
وقعدت جمبك
وفضلت اقولك
واحشنى ياربى وواحشنى حضنك
وانت بسلامك بحنان حنانك
مدتلى ايدك تاخدنى لاحضانك
وفضلت أبكى .. تطبطب وأنا أحكى
لحد ما بصيت .. حواليا ونديت
الكل سامعنى الكل شايفنى .. أنا بس لوحدى اللى ماحسيت
ماشى وفكرى تايه وعقلى .. فى غفله منىّ خدنى وجابنى
يااااااا على أحساسى .. ياااااااا على التجنى
بقى حتى قربى . منك ياربى
لحظات تصور . بيكون تمنى !!!

مابقتش عارف أوصف أحساس
وانا ماشى وسط ملايين الناس
أحساسى أنتهيت ... من الأخر بقيت
صوره وخلاص
صوره محصوره بين حراس
الضعف اللى مالينى من على يمينى
وعلى شمالى موتُ الأحساس ..

مابقتش عارف أوصف أحساس .. طعم هزيمه وماضى ببلاش
وحاضر مليان بمرار الكاس .. حتى المستقبل شكلهُ مايسواش
مابقتش عارف أوصف أحساس .. كل الأيام ماشيه وخلاص
بكره زى أمبارح وكله بيتعاش .. ولو البحر اكتفى الانسان مابيستكفاش
تفكيرى وعقلى مبقاش ينفع .. ولا حل أرضى قادر يرفع
كل اللى باقيلى واقع يخدع .. وعالم مؤلم عمال يوجع
تعبت اصالح فالدنيا .. اللى فى يوم مازعلتهاش
وجاى اتلكيك لربى .. واقوله زعلان وخلاص

مابقتش عارف اوصف احساس
مات الانسان وفيه الانفاس
وانا انسان من زمانى ميت
لكن بيك قام وعاش !!!

زعلان منى ولا ازعل منك
كان لازم أصالحك وحاولت
كان لازم ارجعلك وتعبت
لا عرفت ابعد ولا قدرت
ولا دقت راحة فى البعد ..

نفسى اقرب وببعد عنك .. بيقولوا اله ويخافوا منك
وحنانك بيقول ان انت اب .. ودمك بيأكد ان انا ابنك
انا عارف نفسى وعارف أنك .. أكبر من ذنبى حنيه قلبك
أخدت جروحى ورحت لعندك .. ورجعت ذليل مش قادر أقولك
أنى ياربى زعلان منك ..
أنا عارف عصيانى مانا اللى جرحتك .. وكان غرقى فى شرى رد لجمايلك
أدبنى أجرحنى وسنينى حاسبنى .. أى عقاب كلهُ اللا تسبنى
انت شايف ضعفى وانا شايف حبك .. ولازم الأتنين تقابلهم عندك
أصل لوحدى حاولت أندهلك .. سكتنى سكاتى لما ماشوفتش يدك
برايا و جوايا كلى بيصرخلك .. مين انا مين عشان أزعل منك
عشمى فمين ومين يلجألك .. غير المحتاج يتسند على صدرك
مابقتش عارف أوصف أحساس .. لكنى عارف أنك تقدر
تحييى واحد مبقاش يقدر .. حتى انه يقف قدامك
اصلى تعبت من التفكير .. ولا مليون حل ولا تفسير
مافضلشى عندى غير ايمانى .. وانك تقدر تعيد بنيانى
الكلمه من فمك تغفر .. الأمر كله بسلطانك
والأمر يخرج من عندك .. ومفيش كلام بعد كلامك
مفيش كلااااااااااااااام بعد كلامك
وهاستنى ياربى تانى سلامك
تحوط عليا بامانك
حضنك يجى يحمينى
وايدك الحانيه تبنينى
وتستر عليا وتعفى
ولكل اثامى تمحى
هاتفضل عينى مرفوعه اليك
هاهرب من نفسى واجرى عليك
لاخر العمر الأمل فيك

...................

المصدر: †† ارثوذكس †† - من قسم: القسم الادبي

[aymonded]

ما أجمل أن نناجي الرب ونطلبه
وما أروع أن تتمسك النفس بالله وتنتظره
أنتظر الرب وليتشدد ويتشجع قلبك وانتظر الرب
فرح الله قلبك ووهبك غنى فيض نعمته بكل غناه المتسع
ليصير لك ناصر وقوة قيامة وفرح أبدي لا يزول
أحاسيسك أحاسيس من يطلب الله بقوة
فلتنتظر الرب وتتشدد بقوته
ولنصلي بعضنا من أجل بعض
كن معافي باسم الثالوث

[asmicheal]

المشاركة الأصلية كتبت بواسطة عماد حسنى مشيت وتعبت .. وعلى بابك خبطت دخلت وبكيت قدامك حكيت سامحنى ياربى ... سامحنى ده ذنبى .. فى حقك أخطيت !! وغمضت عينى .. ودموعى فى عينى ،وساعتها حسيت . حسيت بحملى .. بحمل قلبى راح وهديت . ونسيت العذاب ونسيت الغياب ونسيت ياربى سنين البعاد .. وقعدت جمبك وفضلت اقولك واحشنى ياربى وواحشنى حضنك وانت بسلامك بحنان حنانك مدتلى ايدك تاخدنى لاحضانك وفضلت أبكى .. تطبطب وأنا أحكى لحد ما بصيت .. حواليا ونديت الكل سامعنى الكل شايفنى .. أنا بس لوحدى اللى ماحسيت ماشى وفكرى تايه وعقلى .. فى غفله منىّ خدنى وجابنى يااااااا على أحساسى .. ياااااااا على التجنى بقى حتى قربى . منك ياربى لحظات تصور . بيكون تمنى !!! مابقتش عارف أوصف أحساس وانا ماشى وسط ملايين الناس أحساسى أنتهيت ... من الأخر بقيت صوره وخلاص صوره محصوره بين حراس الضعف اللى مالينى من على يمينى وعلى شمالى موتُ الأحساس .. مابقتش عارف أوصف أحساس .. طعم هزيمه وماضى ببلاش وحاضر مليان بمرار الكاس .. حتى المستقبل شكلهُ مايسواش مابقتش عارف أوصف أحساس .. كل الأيام ماشيه وخلاص بكره زى أمبارح وكله بيتعاش .. ولو البحر اكتفى الانسان مابيستكفاش تفكيرى وعقلى مبقاش ينفع .. ولا حل أرضى قادر يرفع كل اللى باقيلى واقع يخدع .. وعالم مؤلم عمال يوجع تعبت اصالح فالدنيا .. اللى فى يوم مازعلتهاش وجاى اتلكيك لربى .. واقوله زعلان وخلاص مابقتش عارف اوصف احساس مات الانسان وفيه الانفاس وانا انسان من زمانى ميت لكن بيك قام وعاش !!! زعلان منى ولا ازعل منك كان لازم أصالحك وحاولت كان لازم ارجعلك وتعبت لا عرفت ابعد ولا قدرت ولا دقت راحة فى البعد .. نفسى اقرب وببعد عنك .. بيقولوا اله ويخافوا منك وحنانك بيقول ان انت اب .. ودمك بيأكد ان انا ابنك انا عارف نفسى وعارف أنك .. أكبر من ذنبى حنيه قلبك أخدت جروحى ورحت لعندك .. ورجعت ذليل مش قادر أقولك أنى ياربى زعلان منك .. أنا عارف عصيانى مانا اللى جرحتك .. وكان غرقى فى شرى رد لجمايلك أدبنى أجرحنى وسنينى حاسبنى .. أى عقاب كلهُ اللا تسبنى انت شايف ضعفى وانا شايف حبك .. ولازم الأتنين تقابلهم عندك أصل لوحدى حاولت أندهلك .. سكتنى سكاتى لما ماشوفتش يدك برايا و جوايا كلى بيصرخلك .. مين انا مين عشان أزعل منك عشمى فمين ومين يلجألك .. غير المحتاج يتسند على صدرك مابقتش عارف أوصف أحساس .. لكنى عارف أنك تقدر تحييى واحد مبقاش يقدر .. حتى انه يقف قدامك اصلى تعبت من التفكير .. ولا مليون حل ولا تفسير مافضلشى عندى غير ايمانى .. وانك تقدر تعيد بنيانى الكلمه من فمك تغفر .. الأمر كله بسلطانك والأمر يخرج من عندك .. ومفيش كلام بعد كلامك مفيش كلااااااااااااااام بعد كلامك وهاستنى ياربى تانى سلامك تحوط عليا بامانك حضنك يجى يحمينى وايدك الحانيه تبنينى وتستر عليا وتعفى ولكل اثامى تمحى هاتفضل عينى مرفوعه اليك هاهرب من نفسى واجرى عليك لاخر العمر الأمل فيك ...................

بمنتهى العمق والروعة والجمال

من زمان ما نزلتش دموعى على قصيدة مليانة صدق

زى قصيدتك مناجاة حقيقية
ربنا معاك ويفرح قلبك ارق فنان ا عماد حسنى

[كيرو رافت]

نفسى اقرب وببعد عنك .. بيقولوا اله ويخافوا منك
وحنانك بيقول ان انت اب .. ودمك بيأكد ان انا ابنك
انا عارف نفسى وعارف أنك .. أكبر من ذنبى حنيه قلبك
أخدت جروحى ورحت لعندك .. ورجعت ذليل مش قادر أقولك
أنى ياربى زعلان منك ..

ايه يا عماااااااااااااد ده
معقوله هان عليك كل اللى فى المنتدى
علشان تحرمنا من وجودك وحروفك اللى بجد كشفتنى
لانها بتتكلم عن حال كل واحد فينا
موش عارف اقول لك ايه
لكن انت الوحيد اللى بتقدر تنتزع اعجابى وزهولى
بجد يا عماد الكلمات فعلا فى غايه الروعه
ومليانه صدق
كلمات من العمق وموجهه الى الاله الحنون
العالم بضعفاتنا ونقائصنا
ربنا يديك نعمه دايما
وبجد نورت المنتدى بوجودك الرائع
وكلماتك الاكثر من رائعه
لانها من العمق

[twaty]

مابقتش عارف أوصف أحساس .. طعم هزيمه وماضى ببلاش
وحاضر مليان بمرار الكاس .. حتى المستقبل شكلهُ مايسواش
مابقتش عارف أوصف أحساس .. كل الأيام ماشيه وخلاص
بكره زى أمبارح وكله بيتعاش .. ولو البحر اكتفى الانسان مابيستكفاش
تفكيرى وعقلى مبقاش ينفع .. ولا حل أرضى قادر يرفع
كل اللى باقيلى واقع يخدع .. وعالم مؤلم عمال يوجع
تعبت اصالح فالدنيا .. اللى فى يوم مازعلتهاش
وجاى اتلكيك لربى .. واقوله زعلان وخلاص
مش عارفة بجد اقول اية الكلام كتير مؤثر
وفى منتهى الجمال والروعة
ميرسى ياعماد ليك تسلم ايدك وتعيش وتكتب
وربنا يبارك حياتك ويفرح قلبك يارب

[nermos1982]

كلماتك جميلة بجد يا عماد. نورت المنتدى من تانى
ربنا يفرح قلبك ويكون معاك دايما

[marmargogo]

هاتفضل عينى مرفوعه اليك
هاهرب من نفسى واجرى عليك
لاخر العمر الأمل فيك
رائع جدا ياعماد كلمات فى منتهى العمق ومؤثرة جدا بجد انت اروع فنان الرب يبارك حياتك ويعطيك نعمة وفرح

[عماد حسنى]

المشاركة الأصلية كتبت بواسطة aymonded ما أجمل أن نناجي الرب ونطلبه وما أروع أن تتمسك النفس بالله وتنتظره أنتظر الرب وليتشدد ويتشجع قلبك وانتظر الرب فرح الله قلبك ووهبك غنى فيض نعمته بكل غناه المتسع ليصير لك ناصر وقوة قيامة وفرح أبدي لا يزول أحاسيسك أحاسيس من يطلب الله بقوة فلتنتظر الرب وتتشدد بقوته ولنصلي بعضنا من أجل بعض كن معافي باسم الثالوث

شكرا جدا جدا استاذ ايمن
على حضورك وصلواتك وتشريفك موضوعى
ربنا معاك ومعانا ومع كل شعبه
الف الف شكر لمحبتك الكبيره

[عماد حسنى]

المشاركة الأصلية كتبت بواسطة asmicheal بمنتهى العمق والروعة والجمال من زمان ما نزلتش دموعى على قصيدة مليانة صدق زى قصيدتك مناجاة حقيقية ربنا معاك ويفرح قلبك ارق فنان ا عماد حسنى

شكرا جدا جدا اسميشيل
على حضورك وزوقك الكبير
الف شكر لتشريفك موضوعى
ربنا معاكى ويفرح قلبك وحياتك

[عماد حسنى]

المشاركة الأصلية كتبت بواسطة كيرو رافت نفسى اقرب وببعد عنك .. بيقولوا اله ويخافوا منك وحنانك بيقول ان انت اب .. ودمك بيأكد ان انا ابنك انا عارف نفسى وعارف أنك .. أكبر من ذنبى حنيه قلبك أخدت جروحى ورحت لعندك .. ورجعت ذليل مش قادر أقولك أنى ياربى زعلان منك .. ايه يا عماااااااااااااد ده معقوله هان عليك كل اللى فى المنتدى علشان تحرمنا من وجودك وحروفك اللى بجد كشفتنى لانها بتتكلم عن حال كل واحد فينا موش عارف اقول لك ايه لكن انت الوحيد اللى بتقدر تنتزع اعجابى وزهولى بجد يا عماد الكلمات فعلا فى غايه الروعه ومليانه صدق كلمات من العمق وموجهه الى الاله الحنون العالم بضعفاتنا ونقائصنا ربنا يديك نعمه دايما وبجد نورت المنتدى بوجودك الرائع وكلماتك الاكثر من رائعه لانها من العمق

اكيد المنتدى مش بيهون عليا
لكن انت عارف الاسباب وظروفى
انت اكتر واحد عارف ..
ومتشكر بجد على ردك ومشاركتك اللى دايماً بتكون اكبر منى
لان محبتك اكبر من اى موضوع او كلمات
شكرا جدا جدا يا رافت على حضورك المميز فى موضوعات