[zaza2006]

غريبةالناس كل الناس

وراء كل وش بتلس من تانى وش

ويقولة وش خشب وش حديد والف وش وش

وش فية رتوش واحسايس مبيزهروش

وحاجات لو تعيش او تموت مبيفرقوش

معك ومعايا شى والحقيقة شى عجيب

ازى القلب الى يحب يتولد الكرة فية

وازى رغم الوداعة نخفى بركان غضب

ولما نفرح نطير فى السماء لفوق السحاب

وفى لحظة الحزن يكسرنا ونستخبا وراء الف باب وباب

والغريب والعجيب نرجع وننسا الى كان ولا كانة كان

نرسم بسمة وضحكتنا تعلا تكسر ببان

ونزين وشوشنا ونرجع نلبس وش الانسان

غريبة الناس كل الناس

وراء كل وش فى الف وش وللحقيقة متعرفش

مساء الفل على احلى اعضاء

النهاردة ميعاد اللقاء العاشر لبرنامجنا مبسوطين جدا ان البرنامج عجبكم واتمنى نفضل عند حسن ظنكم النهاردة ميعادنا مع عوض جميل طيب وجدع

العضو


hany1982

اهلا بيك ياهانى نورت البرنامج فالبداية نحب نتعرف عليك اكتر

الوجه الاخر : اسمك بالكامل؟

هاني: هاني نصر سليمان

الوجه الاخر : سنك؟

هاني: 28 سنة

الوجه الاخر : مؤهلك ايه ياهانى؟

هاني:بكالريوس تربية نوعية (كمبيوتر)

الوجه الاخر : وياتري ايه هى هوايتك؟

هاني: سماع وحفظ الألحان و الترانيم والكمبيوتر

الوجه الاخر : ايه هى صفات شخصية هانى؟

هاني: حنون طيب مغامر نشيط طموح جداااااااا هادي

الوجه الاخر : بتحب المغامرة لانهى حد؟ ولا بدون حدود؟

هاني:لاطبعاً فيه حدووووووووووود مش قوى كده هههههههه واكيد علاقتى بربنا هيا بتحدد مدى المغامره

الوجه الاخر : وياترى ايه هى صفات شريكة حياتك؟

هاني: طيبة جدا حنينه بتحب الكنيسة والخدمة جميلة ورقيقة

الوجه الاخر : هل انت شايف انك ليك اكتر من وجهه لو ليك ايه هى صفات الوجه الاخر؟

هاني: ايوه فعلاً بحس ان ليا وجهين من ناحية بحب ربنا والخدمه والتأمل والهدوء ومن ناحية الشغل ببقى طموح جداااااا ونشيط وبغامر واوقات ببقى عصبى مع اى حد يقف فى طريقى

الوجه الاخر : ياترى ازاى نمتص عصبيتك؟

هاني: بالجواب الهادى والابتسامه

الوجه الاخر : طبعا احنا عارفين ان هانى لسه خاطب جديد ياترى خطوبتك كانت عن حب ولا ارتباط صالونات؟

هاني: صالونات

الوجه الاخر : هانى طالما انت مرتبط صالونات ياترى هل هو فعلا ارتباط ناجح ولا لا؟؟

هاني: بنسبة كبيره بشهادة ناس كتير جربوا وسمعوا تجارب

الوجه الاخر : ياترى ايه اكتر حاجة شديتك ليها؟

هاني: حبها للخدمه ولربنا وللكنيسة والترانيم والموسيقى

الوجه الاخر : طيب فى كلمة تحب تقولهالها؟

هاني: ربنا يخليكى ليا

الوجه الاخر : هانى عارفين انك خادم ياترى ايه هدفك من خدمتك؟؟

هاني: عاوز ادوق للناس محبة ربنا بالذات الشباب البعيد ومفكر انه ممكن يلاقى راحه بره حضن المسيح

الوجه الاخر : ايه الشىء اللى ممكن يبعدك عن خدمتك؟

هاني: السفر

الوجه الاخر : لو كان بايديك انك تخترع شىء كنت هتخترع ايه؟

هاني: هخترع حاجه تبطىء الوقت والزمن عشان بحس ان الوقت دايماً بيتسرق منى

الوجه الاخر : مين اقرب شخص ليك فالمنتدى؟؟

هاني: ناس كتير بس مش عاوز اذكر أسماء وانسى حد

الوجه الاخر : ليه بنحس ان هانى بعيد عن الناس؟؟

هاني: انا نفسى بحب ابقى مع ربنا فى هدوء وتأمل وبعدين ارجع تانى للناس اندمج معاهم بس من غير منسى إلهى

الوجه الاخر : ايه اكتر حاجة انت مش راضى عنها ونفسك تتغير؟

هاني:اى حاجه تقتل المحبه جوانا

الوجه الاخر : وتفتكر ايه هى الحاجة اللى ممكن تقتل المحبة جوانا؟

هاني: الانانيه والجرى ورا العالميات

الوجه الاخر : اكتر شىء هانى بيعرف يعمله فحياته ببراعة؟

هاني:ادخل قلوب الناس

الوجه الاخر : وياترى ايه سر دخولك قلب الناس بسهولة؟؟

هاني:عشان بقدملهم الحب الاول

الوجه الاخر : ايه رايك فالحب ؟

هاني: اجمل حاجه خلقها فينا ربنا

الوجه الاخر : هل مريت بتجربة حب قبل خطوبتك؟

هاني: تقريبا كده

الوجه الاخر : ياترى ايه سبب فشل علاقة الحب اللى كانت قبل خطوبتك؟

هاني:عدم تكامل كل الجوانب المهيأه لأرتباط مسيحى سليم

الوجه الاخر : هل هانى انسان متسامح؟

هاني: غالبا

الوجه الاخر : ليه قولت انت غالبا متسامح معنى كده انك عندك حدود للتسامح؟

هاني: اكيد طبعاً فيه حدووووود

الوجه الاخر : تحب تقول ايه ل منتدانا؟

هاني: اغلى مكان ليا على النت ويارب دايماً يبقى مفتوح لكل حد عاوز يعرف المسيح

الوجه الاخر : وتقول ايه ل برنامجنا؟

هاني: برنامج جميل بيعرفنا بالناس كلها وربنا يبارك فى كل اللى بيخدموا فيه ويعوضك يا نهى انتى ومجدى على تعبكم ومجهودكم الرائع

الوجه الاخر : ميرسى ياهانى حلقة جميلة مع ضيف جميل نتمنى لك حياة سعيدة شكرا ليك

ولو اى عضو حابب يوجه سؤال ل هانى يتفضل وهو هيجاوب عليكم

الحلقة دى قربنا شوية من شخصية هانى انتظرونا الحلقة

القادمة مع عضو جديد نعرف عنه اكتر واكتر
اتمنى تكون الحلقة عجبتكم


لو اى عضو حابب يكون ضيف معانا فالبرنامج يبعتلنا رسالة

انتظروا برنامج الوجه الاخر في ثوبه الجديد

قريبااااااااااااااا جدا

مع تحيات

zaza2006
magdy totti

المصدر: †† منتدى ارثوذكس †† - من قسم: الموضوعات الشبابية

[اسامة ثروت]

بجد انت ياهانى شخصية جميلة جدا مع الرغم انى مش اعرفك عن قرب بس سيت بصدق كل كلمة بتقولها
اما مذيعتنا الميلة فبقولها كالعادةاختيار مميز للعضو وروعة فى التقديم يستحق الشكر علية كل القائمين على البرنامج الرئع دة

[bassem8800370]

شخيه جمبله جدااا ياهانى
بس انا شايفك انك مش متعصب اووووووووووووووى ولا ده فى لشغل بس؟

[twaty]

بامانة حوار حلووو اووووى هانى من الشخصيات الحلوة فى المنتدى
ميرسى يا نهى على الحوار وربنا يبارك خدمتك يارب
ومنتظرين الحلقة القادمة انشاء اللة

[aymonded]

سلام لأجمل أخ حلو يسرنا جداً التعرف بشخصيته المميزة
لأن كل شخص ينضم لينا ونتعرف به نجده مميز دائماً، وتميزك نابع من داخلك وشخصيتك الحلوة وبساطة تعبيراتك عن نفسك، لذلك اشكر الله بانضمامك الحلو لينا ولأنك نورتنا بوجودك الذي نتمنى أنه يستمر دائماً معاً ليكون لنا شركة بعضنا مع بعض في سر التقوى ملتفين حول رب المجد الذي يجمعنا بالحب كجسد واحد في كنيسته الحية ...

أخي المحبوب استمتعت جداً بلقائك الحلو في البرنامج الذي عرفنا بشخصك الجميل، شاكراً كل من تعب فيه واعده إعداد حلو ليبقى على هذه الصورة لنتعرف على إخوة احباء نسعد جداً بمعرفتهم ...

وأطلب من الله أن يسعدك بغنى مجد حضوره الدائم ويوفقك في تتميم زواجك ويجعل بيتك الذي تأسسه أن يكون منارة محبة لأجل مجد ربنا يسوع الذي وهبنا حياة أبدية لا تزول بسر ذبيحة نفسه ...

أقبل مني كل احترام وتقدير لشخصك المحبوب
النعمة معك كل حين

[سندريلا2009]

كالعادة حلقة جمييلة من برنامج كله نشاط وحيوية
وبصراحة انا بتعرفعلى الاعضاء اكتر واكتر من البرنامج
ربنا يبارك فى خدمتكم

[MRAMER]

بجد حلقة رائعة جدا جدا
وهاني شخصية رائعة اوي اوي
بجد متفاهم اوي و محب لربنا جدا جدا
ربنا يكون معاك ويحميك
ومرسي يا نهي انتي ومجدي علي الحلقة الجميلة دي
ربنا يعوض تعب محبتكم

[عماد حسنى]

شكرا جدا جدا لفريق العمل ( نهى ومجدى )
انهم قربونا من عضو رائع واخ جميل زى هانى
حقيقى حلقه جميله جدا
وهانى انسان بجد ربنا يحافظ عليه ويحققله مشتهى قلبه
الف شكر لهانى وفريق العمل

[كراكيب]

• البرنامج ف تقدم ملحوظ
• ويارب دايما من نجاح لنجاح
• وهاني شخصية جميلة مرحة صريحة لابعد الحدود
• ربنا يبارككم ظاظا ومجدي

[بنت الراهب الصامت]

هاااااااااانى شخصية بجد جميله اوى
واللى حسيته كمان من اول ما عرفته فى المنتدى
انه بيحب الخدمه وبيخدم حلو اوى فيها
ربنا يباركك ويقويك
ميرسى ليكى يانهى على الحوار الجميل دة
ربنا يباركك