[انغام الملك داود]

انا قبل ماكلمك يارب وقبل ماحكي معاك يايسوع معرفتش امسك نفسي وانسكبت مني الدموع

انا حقيقي خاطي لكن بصرخ من الخطية

متحولش تخبي حبك عني يايسوع انا عرفاك عايز تعلمني وتادبني بس يارب انا عرفاك عيشاك بنام وبتسهر عليا بصحا وبتصبح عليا واذا خفت بطبطب عليا ومخبي حبك فيا ليه؟

مبتردش عليا ليه؟

لقيت يسوع بيبكي ومسح دموعي هو وبيبكي ومن حنيته قعد يرتلي علشان يهديني

انا استغربت

قلي بس كفاية يابنتي وجعتيني

بدموعك ياطفلتي حكمتيني

وها انت ابرع جملا من بني البشر

يخاطي ارجع كلم يسوع يمكن النهرده بيبعتلك رسالة بيقولك كلمني ولو مرة وحدة جربني شوفني انا هاعمل معاك ايه دانت الملك يابني




واخيرا ارجع الينا نرجع اليك وليس ارجع اليك فترجع الينا لان في طبعتك عطفك علي ولادك وبكاك لاجلهم

المصدر: †† منتدى ارثوذكس †† - من قسم: القسم الادبي

[اشرف وليم]

[انغام الملك داود]

مرسي خاااااااااااااااااااااااا ااااااااااااااااااااااااا الص لتشجيع حضرتك الي مستحقهوش

[انغام الملك داود]

ليه عتاب يعني كل الي بيقرا مواضيعي مش بيحب يديني اي تعليق يتري مواضيعي وحشة للدرجة دي مفيش غير واحد بس اداني رايه انا كنت محتاجة تشجيعكم عشان كنت هالقي التامل ده في الكنيسة بس طلما مش حلو انا قررت اني مشهقوله

[emmmy]

لا يا حبيبتى متقوليش كدة الموضوع جميل صدقينى
واحلى حاجة فية انة فية تلقائية وبساطة وصدق مشاعر
فية احساس دالة وعشم وبنوة بين النفس البشرية وبين ربنا
تسلم ايدك يااا قمر كملى واكتبى كل اااللى جواكى واوعى تيأسى
ابدا عبرى عن كل اللى جواكى بقلمك وكل ما هكتبى كل ما هتبدعى
وهتكتشفى وهتعرفى وهتتعلمى وهتلاقى جديد من احساس وتعبيرات
وعلشان اكون صادقة معاكى اكثر هو الموضوع ينفع تأمل اكثر منة شعر
وقلة الرد على الموضوعات مش مقياس طبعا خالص لنجاحها او عدم نجاحها خلى عندك ثقة فى نفسك يا بت دا انتى عسل بأمانة ربنا ينمى مواهبك يا قمر ويحافظ عليكى مرسى كتير لكلماتك الجميلة

[ميلاد صدقى]

انا قبل ماكلمك يارب وقبل ماحكي معاك يايسوع معرفتش امسك نفسي وانسكبت مني الدموع

كلمات وصلاة ومناجاة اكثر من رائعة ياانغام الملك
حقيقى البداية شددنى اوى وسرحت فيها كتير
وقلت .ياترى كام واحد فينا بيكلم يسوع
وكم واحد فينا بيحس بخطاياة وبتنزل الدموع
جميل جدا احساسك التلقائى اختى
رب المجد يسوع يباركك ويسندك ويقويكى كل الايام

[كيرو رافت]

الله بجد عليكى يا انغام الملك بجد كلماتك رائعه
معناها رائع وبسيطه وكلها صدق وتعزيه
كلمات بجد خارجه من القلب للقلب
تسلم ايدك ويا رب دايما تمتعينا بوجودك وكلماتك الرائعه

[انغام الملك داود]

شكرا خالص لمرور حضرتك وتشجيعك ربنايبارك حياتك

[انغام الملك داود]

المشاركة الأصلية كتبت بواسطة emmmy لا يا حبيبتى متقوليش كدة الموضوع جميل صدقينى واحلى حاجة فية انة فية تلقائية وبساطة وصدق مشاعر فية احساس دالة وعشم وبنوة بين النفس البشرية وبين ربنا تسلم ايدك يااا قمر كملى واكتبى كل اااللى جواكى واوعى تيأسى ابدا عبرى عن كل اللى جواكى بقلمك وكل ما هكتبى كل ما هتبدعى وهتكتشفى وهتعرفى وهتتعلمى وهتلاقى جديد من احساس وتعبيرات وعلشان اكون صادقة معاكى اكثر هو الموضوع ينفع تأمل اكثر منة شعر وقلة الرد على الموضوعات مش مقياس طبعا خالص لنجاحها او عدم نجاحها خلى عندك ثقة فى نفسك يا بت دا انتى عسل بأمانة ربنا ينمى مواهبك يا قمر ويحافظ عليكى مرسى كتير لكلماتك الجميلة

مرسي لمرور حضرتك يسوع معاكي ويحوط عليكي ويحفظك