[Team Work@WeeKenD]

كل سنه ونور القيامة حواليكم
كل سنه والفرحه ما تفارق عينيكم
كل سنه والمسيح بحبه مدفيكم
كل سنه ونصره القيامة تثبتكم وتقويكم


اخرستوس انيستى † اليثوس انيستى


المسيح قـــــــــام † بالحقيقة قــــام

قام المسيح .... حقا قام

ها هو عيد القيامة المجيد يطل علينا من جديد .. الكثير منا لديه هموم ومشاكل وأوقات عصيبة يمر بها ولكن لا تنسوا أن الرب يسوع قد قام وانتصر على الموت وهو منذ الأزل يمد لنا ذراعيه ليغسل ذنوبنا ويطهر قلوبنا ويمحو أثامنا ويحمل عنا الكرب والضيق.

وبهذه المناسبه أهنئ كل شخص في هذا المنتدى الراقي من مدراء واداريين ومشرفين وأعضاء وكل مسيحي وكل انسان على وجه الارض .كل عام وأنتم بألف ألف خير .

وكمان أحب اهنيكم بمناسبة عيد شم النسيم
يارب أيامنا كلها تبقا أعياد X أعياد.

ودلوقتى نبتدى حلقة النهارده
بأجمل معايدة
من أجمل أعضاء
حبوا يشاركونا العيد بمعايدة رقيقة منهم لكل اخواتهم فى المنتدى

تعالوا نشوف قالوا ايه

كيرو رأفت

[/QUOTE]
انا فى البدايه بحب اعيد على اعظم team work
متعاون ومجهوده رائع وواضح بحب اعيد عليكم واتمنى ليكم مزيد من التالق والنمو
وبعيد على كل اخواتى اعضاء منتدى ارثو الغالى
وبقول ليهم من كل قلبى كل سنه وانتم طيبين يا اروع واجمل واطيب اخوات ليا فى الدنيا
ويا رب دايما المحبه تكون هى شعارنا
ويا رب دايما تكونوا فى اسعد صحه واروق واهدا بال
بشكر ك يا نانو على اعطائى فرصه زى دى اعيد على كل اخواتى الغاليين جدا جدا جدا

وبعيد على مدامى حبيبتى وبقولها ربنا يخليكى ليا
[/QUOTE]

kottah_sh

[/QUOTE]

ميرسى يا احلى فريق ويك اند

وكل سنه وانتوا طيبين ومن نجاح لنجاح يارب دايما
واحب اهنيكوا اولا
واهنى لاحلى واجمل اخوات فى المنتدى
من اكبر عضو لاصغر عضو

وطبعاااااااااااااااا
تهنئه خاااااااااااااااااااااااا ااااااصه جدااااااااااااااااااااااا اااااا

لميلاد

واحب اقوله كل سنه وانت بخير وسعاده
ويااااااااارب تكون سنه سعيده عليك وتحقق كل اللى نفسك فيه
وربنا يخليك ليا وميحرمنيش منك يا اجمل واطيب ميلاد عرفته بجد


وبأمانه مهما اتكلمت عنه مش هعرف اديله حقه ابداااااا

ميرسى انكوا ادتونى الفرصه الجميله دى علشان اهنى اخواتى فى المنتدى

ربنا معاكوا ويوفقوا يارب دايما
[/QUOTE]

zaza2006

[/QUOTE]

كل سنة وانتم طيبين تهنئة ليكم ولكل اعضاء المنتدى والادارة وطبعا اصحاااااابى[/QUOTE]

elphilasouf

[/QUOTE]


أحب أشكر كل الى بيتعبوا بجد في المنتدي عمتا او في خدمه المنتدي و في ويك اند بشكل خاص بيتعبوا من غير ملل وبمحبه عارفين انهم بيخدوا بركه راغبين في الاجر السماوي


واحب أعيد علي كل اخواتي هنا في المنتدي كل واحد باسمه وكل واحده باسمها
[/QUOTE]

ميرسى لمشاركتكم الجميلة وكل سنة وانتوا طيبين وبخير.

ودلوقتى مع فقرات الويك اند
ونبتدى بالأخبار والأحصائيات

المسيح قام من بين الأموات و وطئ الموت بالموت
و وهب الحياة للذين في القبور

المسيح قام .... حقاً قام

Christos Anesti…Alithos Anesti

المصدر: †† ارثوذكس †† - من قسم: المنتدى العام

[Team Work@WeeKenD]

أخبار أرثو


نتيجة مسابقة القصص النصية

تم اعلان نتيجة مسابقة القصص النصية
وبالرغم من كثرة القصص المشاركة فى المسابقة
الا ان أغلب الأصوات ايللى رشحت كانت من نصيب قصة

اروع مشاعر واجمل احساس

وهى القصة الفائزة فى المسابقة
وهى للعضوة

emmmy
الف مبروك يا ايمى

الف مبروك الفائز فى مسابقة القصص النصية





إحصائيات الموقع Statistiques





المواضيع: 48,035

المشاركات: 647,983

الأعضاء: 102,157


خبر الأسبوع

البابا شنودة يترأس قداس عيد القيامة المجيد بالكاتدرائية المرقسية بالقاهرة



ترأس قداسة البابا شنوده الثالث بابا الإسكندرية وبطريرك الكرازة المرقسية، مساء أمس ،قداس عيد القيامة المجيد في الكاتدرائية المرقسية بالقاهرة بالمشاركة مع أعضاء المجمع المقدس للكنيسة القبطية الأرثوذوكسية، وعدد من رؤساء الطوائف المسيحية الأخرى.
تقدم المشاركين في القداس ممثل عن الرئيس حسنى مبارك، ومندوبون عن رؤساء مجالس الوزراء والشعب والشورى، وعدد من الوزراء وقيادات الحزب الوطني والأحزاب الأخرى والنقابات المهنية والهيئات الإسلامية، وعدد من السفراء والقناصل الأجانب والقيادات الأمنية والإعلامية والشخصيات العامة.




هذا هو اليوم الذي صنعه الرب فلنفرح و لنتهلل به .
††††††††††††††††††

[Team Work@WeeKenD]

ظهورات السيد المسيح بعد القيامة


هناك (11) ظهور:

+ الظهور الأول (مت 28) للمريمتين (مريم المجدلية ومريم الأخرى).

+ الظهور الثانى (يو 20) لمريم وهى تبكى عند القبر عندما ظنته أنه البستانى فظهر لها المسيح مخصوص لكى يقول لها لا تبكى وللآسف نحن نبكى حتى الآن على الموتى، المسيح يحب أن نعيش القيامة بالإيمان قبل أن نعيشها بالعيان، كما قال لأرملة نايين لا تبكى، لأنه كان يعرف أنه سيقيمه.

+ الظهور الثالث (لو 24) لتلميذى عمواس.

+ الظهور الرابع (يو 20) للتلاميذ العشرة فى العلية.

هؤلاء الأربع ظهورات فى نفس يوم القيامة.

+ الظهور الخامس (يو 20) للتلاميذ ومعهم توما الأحد الجديد، أول يوم أحد بعد القيامة.

+ الظهور السادس للتلاميذ جميعاً فى الجليل. السيد المسيح أصر على أن يُقابل التلاميذ فى الجليل، لأن الجليل هو المكان الذى تقابل فيه مع التلاميذ لأول مرة، وكان يريد أن يبدأ مع التلاميذ بداية جديدة وأراد أن يقول لهم هلم ننسى ما مضى الإنكار والخيانة والهروب وهلم نتقابل وكأننا نتقابل لأول مرة شيئ رائع.

+ الظهور السابع (يو 21) كان فى بحر طبرية صيد 153 سمكه. وفى بحر طبرية كان هناك سبع تلاميذ.

+ الظهور الثامن (يو 21) لبطرس وحده فى العتاب "يا سمعان ابن يونا أتحبنى أكثر من هؤلاء؟!"

+ الظهور التاسع (1 كو 15) ليعقوب وحده أول رسول شهيد.

+ الظهور العاشر (1 كو 15) لخمسمائة أخ.

+ الظهور الحادى عشر (مت 28) على جبل الصعود.

= هناك ثلاث معجزات صنعها الرب بعد قيامته، وأكد بها ناسوته:

# بقاؤه على الأرض بجسد القيامة أربعين يوم.

# الإحتفاظ بالجراحات فى جسد القيامة.

# الأكل مع التلاميذ لأن جسد القيامة لا يأكل.

صفات جسد القيامة:

من واقع حديث معلمنا بولس الرسول (1 كو 15) يظهر جسد القيامة أنه:

- أولاً: نورانى – روحانى – لا يفسد.

- ثانياً: خالد لا يقوى عليه الموت مرة أخرى يحيا إلى الأبد.

س) لماذا أحتفظ المسيح بآثار الجراحات فى جسد القيامة؟

ج) لكى يُستعلن كذبيحة أمام الآب السماوى.

من طقوس كنيستنا القبطية

الهدف من وراء عمل تمثيلية القيامة فى الكنائس ليلة عيد القيامة

ما أجمل أن نعيش أفراح القيامة .. ونتذكر لأعظم قصه حب .
وذلك الحب العجيب الذى نرى فيه صاحب العظمة والجلال ، الإله الخالق متنازلاً فى إتضاع كامل بإرادته وحدة أخذاً صورة عبد محتملاً الصلب ، باذلاً ذاته عنا نحن جبلته لكى يمنحنا الفداء معطياً لنا ميراثاً فى ملكوت السموات .

+ الكنيسة تبدأ هذه الأفراح بتمثيل القيامة فتذكرنا بهذا الحب العظيم .. وفيها تصور الرب يسوع كملك عظيم إقتحم الاخطار وحارب الأعداء وانتصر عليهم ، ثم عاد رافعاً رايات النصر .. فترتفع أصوات الفرح فى عاصمة ملكه ليستعد الجميع لإستقبال موكبه العظيم بما يليق من الاكرام .

+ وفى قداس عيد القيامة بعد قراءة الابركسيس .. ويرتل الشمامسة (برلكس) " ياكل الصفوف السمائيين ، ... الخ " ..

ثم تبدأ تمثيلية القيامه التى تحمل معانى روحيه عظيمه كالأتى :-
1- يدخل الكهنه داخل الهيكل ثم تغلق أبوابه حتى ينتهى الحوار بين من فى داخله ومن فى خارجه وفيه اشارة إلى غلق باب الفردوس بعد أن أخطأ أدم وحكم عليه بالموت وطرد منه .. أيضا فيه إشارة إلى أن قيامة المخلص تمت والقبر مغلق ومختوم والظـلام باقى حيث أضيئ بنور القيامة ...

2- بعد غلق الابواب تطفأ الانوار ، إشارة إلى الظلام الذى كان محيماً على البشرية كلها منذ عصيان آدم حتى مجئ السيد المسيح . لتتم النبوة " الشعب الجالس فى الظلمة أبصر نوراً عظيماً "

يبدأ حوار بين شماس يقف خارج الهيكل مع كبير الكهنة بداخل قائلاً :
1- إخرستوس آنستى ( أى المسيح قام ) ثلاث دفعات ، وفى كل دفعه يجاوب كبير الكهنه من الداخل بقوله : أليثوس أنستى ( أى بالحقيقة قام ) .. وفى ذلك إشارة إلى إذاعة بشرى القيامة بواسطة الملاك للنسوة فى فجر الأحد ( مز 16 : 6 ، لو 24 : 7 ) " ..

ويرد الشماس من الخارج قائلاً (بالعربى ) " المسيح قام " ثلاث دفعات فيجاوبه كبير الكهنه فى كل دفعه بالحقيقة قام " ، وفى ذلك تأكيدأ بالإيمان بالقيامة.
.. ثم يقول الشماس : إفتحوا أيها الملوك أبوابكم وإرتفعى أيتها الأبواب الدهرية " ( مز 24 : 7 ) ، مرتين .. ولا يجاوبه كبير الكهنة بشيئ .. وفى المرة الثالثة يقول : " إفتحوا أيها الملوك أبوابكم وإرتفعى أيتها الابواب الدهرية ليدخل ملك المجد " .. ( قد سميت بالابواب الدهرية لأنها ليست مادية ، كما أنها غير قابلة للفساد ولأن منها يتم الدخول إلى الحياة الأبديه الدائمة ) ..

ثم يسأله كبير الكهنه من الداخل بقوله : " من هو ملك المجد " ؟ فيجيبه بقوله : الرب العزيز القوى الجبار القاهر فى الحروب هو ملك المجد " ( مز 24 : 8 – 10 ) .. ثم يقتحم الباب بقوة فيفتح وتضاء الشموع والأنوار .

+ وتفسير هذا الحوار :
هو أن رئيس الكهنه رسم للمسيح ، والهيكل رسم للسماء، والترنيمة النبوية هى التى أنشدها الملائكة عند صعود السيد المسيح .. فإنهم لما نزلوا لخدمة الرب يسوع صرخوا إلى الرؤساء العلويين ان يستعدوا لاستقباله .. فيدخل ملك المجد بالكرامة اللائقة لأنه هو الرب القدير القوى الجبار القاهر فى الحروب ذو الجلال والقدرة رب الجنود ورئيس خلاصنا الذى لايقهر . .. كما تشير الآبواب الدهرية إلى قلوب العالم المستعبدة لإبليس دهوراً طويلة ، وانفتاحها بالقيامة هو ترحيب بالقائم المنتصر وتمجيد له لطرحِه الشيطان خارجاً .. كما تشير غلى أبواب السماء التى أغلقتها الخطيه وفتحها رب المجد بدمه .

+ أما القرع على باب الهيكل مع المناداة بفتحه :
فيشير إلى القرع على قلوب البشر هى فى الأصل مسكن الله وملكوته الذى إغتصبه إبليس وإسترده الرب بالفداء .

1- يفتح باب الهيكل بعد القيامة :
وفيه إشارة إلى أن مخلصنا قد فتح باب الفردوس بصلبه وقيامته ، وأن العداوة التى تسببت لآدم وذريته بسبب غواية ابليس قد زالت وتم الصلح بين الله والإنسان وفيه مناداة لنا للاقتراب من الله لكى ننعم بالاقداس السماوية . ( عب 9 )

2- ثم تضاء الأنوار بعد إعلان القيامة وفتح الأبواب :
الذى فيه إشارة إلى النور الذى انبثق للمؤمنين بقيامة السيد المسيح وإلى القبر الذى لم يعد مظلماً بعد أن أنار المخلص طريق الخلود الذى لم يعد مجهولا ، بل فى نور القيامة أصبح عقيدة لاشك فيها ولا غموض ...
دور أيقونه القيامة : بعد فتح الآبواب يدور الكهنه والشمامسة فى الهيكل ثلاث دفعات ، حاملين الأيقونة والصلبان والمجامر والشموع .. ثم يطوفون البيعة ثلاث مرات وبعدها يصعدون إلى الهيكل ويدورون حوله دورة واحدة ، فيكون مجموع الدورات سبعاً ... ذلك كما طاف يشوع بن نون والكهنه حاملين الآبواق حول أسوار أريحا سبع مرات فسقطت الأسوار ودفعت المدينة ليد نبى إسرائيل ..

1- وهذا يذكرنا أنه يموت المسيح وقيامته تحطمت أبواب الجحيم وتكسرت متاريسه الحديد وأخرج المسبيين هناك (بزلة آدم).

+ يبدأون دورة القيامة بتسبحه القيامة وهى أخرستوس أنستى إكنكرون أى المسيح قام من الأموات .. الخ .

وغرض الكنيسة من دورة الأيقونة بالترتيل هو :
أولا : إعلان فرحها بقيامة الرب بصورة فعلية تحرك قلوب المؤمنين لحمده وتمجيده .

ثانيا تنفيذاً لقوله :" سأراكم أيضاً فتفرح قلوبكم ولا ينزع أحد فرحكم منكم .. أنتم ستحزنون ولكن حزنكم يتحول إلى فرح . ( يو 16 : 22 ، 20 )

ثانياً والكنيسة تجرى هذه الدورة من ليلة عيد القيامة إشارة إلى ظهور الرب لتلاميذه وللنسوة بعد قيامته فى اليوم ذاته ..
ويستمر ذلك من أول الخمسين المقدسة إلى يوم الصعود تذكارأ لتردده على تلاميذه بعد القيامة .

" الذين أراهم أيضاً نفسه حياً ببراهين كثيرة بعدما تألم وهو يظهر لهم أربعين يوماً ويتكلم عن الأمور المختصة بملكوت الله ( اع 1 : 3 ) ..

أما أبطال الدورة من عيد الصعود ، فهو لتعليمنا أن الرب يسوع صعد إلى السماء فى يوم الأربعين من قيامته . ( يو 24 : 51 )

ثالثاً : ويلاحظ أنه لا يقرأ السنكسار طوال الخمسين المقدسة حيث أن أفراح القيامة فوق أى فرح بأعياد القدسين والشهداء ..

نرجو من الله أن يعطينا التمتع بأفراح القيامة دائماً.

شنوديات

عظة عيد القيامة المجيد
لقداسة البابا شنوده
4|4|2010

للتحميل اضغط علي الصورة

[Team Work@WeeKenD]

الأسرة المسيحية

إحذر فيروسات الحياة الزوجية
انواع الفيروسات وتصنيفاتها..
*** *** ***

الفيروس الأول:
((الغيرة وتصنيفه فتااك ))

الأسباب :
1) الرغبة بالإمتلاك .
2) الشك بالشريك الآخر .
3) الإفتقاد الى الصراحة.

طريقـة العـلاج :
1) احترام حرية وخصوصية الشريك الآخر.
2) الصراحة التامة والمناقشة الهادئة الموضوعية .
3) الإبتعاد عن الإختلاط قدر الإمكان.

الفيروس الثاني :
((الكذب وتصنيفه قاااتل ))

الأسباب:
1) الخوف .
2) التقصير .
3) الهروب وعدم المواجهة .

طريقة العلاج :
1) تجاوز الأخطاء البسيطة للشريكين.
2) معرفة الواجبات والمسؤوليات لكلاهما .
3) الإعتراف ببساطة بالأخطاء حين حدوثها.

الفيروس الثالث:
((العنف وتصنيفه خطير جداًاًاً ))

الأسباب :
1) العناد والتحدي والجدال الاستفزازي .
2) ضعف الشريك الآخر وعدم التكافؤ .
3) بعض الفيروسات في هذا الموضوع.

طريقة العلاج :
1) الصبر ، المسايرة ، القناعة ، التسامح ، العطف والحميمية في العلاقة الزوجية .
2) الصدق والصراحة في كافة الاحوال.

الفيروس الرابـع :
((تدخل الأهل وتصنيفه خطير جدأً ً ))

الأسباب :
1) تسرب المشاكل الشخصية خارج المنزل .
2) كثرة الزيارات للأهل واطلاعهم على تفاصيل خاصة وشخصية بدون مبرر.

طريقة العلاج :
المحافظة على سرية وخصوصية العلاقة الزوجية والاعتدال في الزيارات والإهتمام بشؤون المنزل والعائلة أولاً.

الفيروس الخـامس:
((الأنانية وتصنيفه خطيررر ))

الأسباب :
1) حب الذات .
2) عدم الشعور بالمسؤولية .

طريقة العلاج :
1) احترام رغبات وحاجات الطرف الآخر .
2) المشاركة بين الطرفين في السراء و الضراء .

الفيروس السادس :
((البخل وتصنيفه مدمرررررر ))

الأسباب : طبع سيئ وصفة منفُرة.

طريقة العلاج :
الحمد والشكر على عطاء الله والتمتع بالرزق الحلال واليقين بأن الموت قريب دائماً .

الفيروس السابـع :
((الملل وتصنيفه شديد الخطورة ))

الأسبـاب:
1-روتين الحياة .
2 - الإفتقار الى التجديد في الامور اليومية .
3 - الفراغ .

طريقة العلاج :
1) السعي الى التجديد حتى بأبسط الأمور .
2) ملئ الفراغ بأشياء مفيدة وأفكار متجددة

الفيروس الثامن:
((الكسل وتصنيفه خطير يؤدي الي الهروب ))

الأسبـاب :
1- منشأ ذاتي .
2 - الإتكالية .

طريقة العلاج :
1) تنظيم الحياة اليومية .
2) الإعتماد على الذات قدر الإمكان.
3) الإحساس بالمسؤولية

ركن حواء

كيف تمتصين غضب زوجك؟؟؟



لايوجد بيت يخلو من المشاكل، وليس هناك زوج لا يغضب ولا يثور، لكن المرأة الذكية هي التي تعرف كيف تتصرف لتمتص غضب زوجها بهدوء ومحبة، ولا تلح عليه بالسؤال عما به من ضيق إلا إذا صرح هو بذلك.

ولا تفكر بأن الحب بينهما قد فتر أو انتهى، فغضب الزوج ليس دليلاً على نهاية الحب، والمحافظة على استمرارية هذا الحب يتوقف على مقدار التفاهم بين الزوجين والاحترام المتبادل وعلى مقدار حسن تصرف الزوجة وفطنتها وذكائها.. فحاولي اعتماد الأمور التالية:

1- عندما ترين زوجك غاضباً ومتضايقاً حاولي أن تمتصي غضبه، ولا تستقبليه بالشكوى من الأطفال وهموم البيت.

2- عندما تكونين مخطئة بعمل ما، كتأخيرك لتنفيذ بعض الأمور بسبب انشغالك، قومي بمناداة زوجك بأحب الأسماء إليه، وقدمي له اعتذارك وسبب التأخير مع التأثير الشديد، وليس بعدم الاهتمام واللامبالاة، لكي يشعر بأنك فعلاً قد أدركت أن هذا العمل خطأ، واحتملي ما قد يقوله لك من عبارات لأنه بهذه الحالة سيفرغ جزءاً من غضبه.

3- إذا تحدث وهو غاضب فإياك أن تقاطعيه، وأيديه ببعض الكلمات الرقيقة مثل: أعرف أنك مرهق.. لا تتعب نفسك.

4- حاولي تهدئته، واضبطي انفعالك إذا كان الحق معك، وتحدثي معه بأسلوب لبق.

5- لا تستفزيه عندما يغضب، ولا تثيريه بكلمات وعبارات تبين له مدى استهانتك بشخصيته.

6- لا تنامي وهو غاضب منك، فبعد أن تهدأ الأمور، وتتأكدي من هدوء زوجك، حاولي المبادرة للرضا.

7- تذكري أن البيت المملوء بالحب والهدوء والتقدير المتبادل والاحترام والبساطة في كل شيء خير من بيت مليء بما لذ وطاب ومليء بالنكد والخصام.

Fashion House



أجمل ميك أب لأجمل عيون

ودى بقى صور ميك أب هندى







يارب يكونوا عجبوكم

[Team Work@WeeKenD]

كيفية الاستفادة من قشور البيض

قشـور البيــض التي في الغالب نلقي بها في سلة المهملات
يمكننا استغلالها بصنع اشغال يدوية في غاية السهولة والجمال والروعة

تابعو معى

طريقه ثقب البيض واخراج محتواه بشكل نحافظ على شكله البيضاوى
ثقبه من احد الاطراف بحذر واخراج المحتوى وغسل البيضه

ومن ثم نبدأ
هكذا طبعا بعد التلوين

منوعات دينية

معادلات روحية

+ حضور القداس x كل أسبوع = سلام x القلب ÷ طول.

+ الصبر ÷ الشدائد = المشاركة x آلامه.

+ إخلاص x العمل + اتكال ÷ الله = النجاح x الحياة.

+ أنا x الكنيسة + الله x داخلي يعرفني ÷ الطريق الصحيح x الحياة لانتصر ÷ الشيطان.

استراحة رياضية

مع

استاد ويك اند
الرياضى

كل سنه وانتوا طيبين



أقيمت يوم الجمعة 4 مباريات في اطار الاسبوع 22 من الدوري المصري لكرة القدم واسفرت عن النتائج التاليه:
* الجونه - الزمالك 0 - 1
* المحلة - المقاولون 2 - 1
* الانتاج الحربي - الاتحاد 2 - 0
* المصري - بترول أسيوط 2 - 1
وقد تاجلت مباريات الاهلي والاسماعيلي وبنروجيت وحرس الحدود لمشاركتهم في البطولات الافريقية

أقيمت اليوم وامس مباريات الأسبوع 23 للدوري المصري لكرة القدم واسفرت عن النتائج التاليه:
* بترول أسيوط - الجيش 3- 3
* المقاولون - الشرطه 0 - 0
* الاتحاد - المحلة 1 - 0
* المنصورة - المصري 0 - 1
* الزمالك - الأنتاج الحربي 2- 0
* الاسماعيلي - الجونة 1 - 2
* بتروجيت - حرس الحدود 1 - 4
* انبي - الأهلي 1 - 2

أقيمت مباريات الأسبوع 24 للدوري المصري لكرة القدم وأسفرت عن النتائج التاليه:
*بترول أسيوط - المنصورة 3 - 2
*الشرطه - الإتحاد 2 - 0
*المصري - إنبي 0 - 0
*المحلة - الزمالك 0 - 1
* الإنتاج الحربي - الإسماعيلي 1 - 0
*حرس الحدود - المقاولون 1 - 0
* الجيش - الجونه 1 - 2
*الأهلي - بتروجيت 2 - 1
ترتيب جدول الدوري المصري بعد الاسبوع 24

1- الأهلي 52 نقطه
2- الزمالك 46 نقطه
3- بتروجيت 38 نقطه
4- الانتاج الحربي 37 نقطه
5- الاسماعيلي 37 نقطه
6- الشرطه 34 نقطه
7- الجيش 32 نقطه
8- حرس الحدود 32 نقطه
9- الاتحاد 32 نقطه
10- المصري 29 نقطه
11- انبي 29 نقطه
12- الجونه 27 نقطه
13- المحله 27 نقطه
14- المقاولون 25 نقطه
15- بترول اسيوط 16 نقطه
16- المنصورة 14 نقطه

اهداف

انهرده وبمناست العيد
لكل عشاق كرة القدم
جيبلكم لعبه فلاشه
يارب تعجبكم
http://www.f-r-e-e-games.com/operaciones/descarga.php
متنسوش
تقولولى رائيكم
ولو عجبتكم هجبلكم تانى غيرها

[Team Work@WeeKenD]

Agmad7x7

ودلوقتى بقى فقرة اجمد سبعه ومعانا النهاردة سبع تواقيع جامدييييييين جدا جدا تعالو نشوف

اول توقيع وبجد رائع جدا توقيع الناى التعيس قصدى الحزين


بجد حلو اوى مين ايلى عاملهولك


تانى اجمد توقيع هو توقيع العضوة كوتا


جميل جدا طبعا


تالت اجمد توقيع هو توقيع العضوة zaza2006


رااااااااااااااائع

رابع اجمد توقيع هو توقيع العضو miro_rook



حلو اوى بجد


خامس اجمد توقيع هو توقيع العضو مينا الحديدى

عاوز تعرف اجمل اصحاب


عاوز تعرف معنى كلمه محبه

عاوز تحس بكيانك وانك غالى على قلوب ناس كتير
عاوز تلاقى اللى يواسيك فى حزنك
عاوز اللى يفرحلك فى فرحك
عاوز تنسى همومك ومشاكلك اللى بره


عاوز تتعلم وتعرف اللى مكنتش تعرفه
ادخل اورثوزكس

ياعينى عليك يامينا وعلى اشعارك



سادس اجمد توقيع هو توقيع العضو كيرو رأفت


بحثت كثيرأ فى ذاتى
ما هو سر حياتى
وجدتك الهى دواء لدائى
احبك يا رب يا قوتى
كن دائما معى فى وقت شدتى

جامد جدا ياكيرو بجد كلماته روعة


سابع اجمد توقيع الاخير هو توقيع العضو la tristeza y el dolor

ماشيين للسما و حمولنا عليك
و فى وسط الريح تحمينا عينيك
و تداوى جروحنا بجرح ايديك

ماشيين و الرحله طويله علينا
علشان بتمر عليها سنين
نهايتها هنلاقى عينيك فى عنينا
و دى اجمل صوره تشوفها العين


جامد اوى بجد يابندق


وبكدة فقرتى خلصت اشوفكو فى حلقة جديدة باى باى تعالو زورونا

دقيقة لصحتك

حتي لا تتكرر مأساة كل عام
نصائح طبية هامة لتناول الأسماك المملحة في شم النسيم

كيف نحمي أنفسنا من أخطار الفسيخ إذا ما أصررنا علي تناوله؟؟

والأجابة هي إتباع النصائح التاليه:

ــ ضرورة شراء الفسيخ من مصادر موثوقة لضمان النظافة بقدر المستطاع لتجنب مصادر التلوث الغذائي, وأن تكون عملية التمليح قد تمت في براميل خشبية وليس في صفائح مغلقة حتي لا تتوافر البيئة اللاهوائية التي تساعد علي تكاثر ميكروب الكلوستريديم بوتيولينم الخطير الذي يسبب التلوث الغذائي لطعام الإنسان.

ــ يمكن تجميد الفسيخ قبل استخدامه لمدة48 ساعة لقتل ما به من طفيليات إذا كان قد تم تمليحه لفترة غير كافية.

ــ يجب عصر الليمون علي الفسيخ حيث ان هذا الوسط الحامضي لا يناسب وجود البكتريا.

ــ يمكن قلي الفسيخ في الزيت قبل تناوله.

ــ الحرص علي عدم تناول كميات كبيرة منه لمحتواه المرتفع من الملح, خصوصا للمرضي حيث لا يسمح لهم إلا بتناول قطعة صغيرة فقط من الفسيخ تجنبا لأضرار الملح أو البروتين الزائد عن المسموح به ويحظر تناول الفسيخ بالنسبة للمرضي الممنوعين من الملح أو البروتين الحيواني ومرضى القلب والضغط.

ــ وننبه إلي أهمية تناول كميات كبيرة من الخضراوات كالبصل الأخضر والخس والملانة والترمس أيضا لأنها تساعد في التخلص من الملح حيث تقوم بإمتصاص الملح الزائد وطرده في البراز.. مع الحرص علي غسل تلك الخضراوات جيدا مع استخدام الخل لتجنب الإصابة بالدودة الكبدية..

هذا بالإضافة إلي فوائد تلك الخضراوات فمثلا البصل الأخضر الذي يحتوي علي مادة تشبه الأنسولين تفيد مرضي السكر وهو قاتل أيضا للبكتريا وبه مادة مضادة للأكسدة تخلص الجسم من الشقوق الحرة.. أما الخس فيحتوي علي فيتامين هـ المفيد للجميع.. وبالنسبة للترمس فهو مفيد لمرضي السكر الذين لا يعتمدون علي الأنسولين علاوة علي احتوائه علي بروتين نباتي.

وأخيرا ننصح بضرورة الإسراع بالاتصال بالطبيب لأخذ العلاج المناسب أو مضادات التوكسينات إذا لزم الأمر في حالة حدوث أي أعراض للتسمم الغذائي مثل نوبات الإسهال أو الأعراض التنفسية أو العصبية..

وكل عام وانتم بخير

[Team Work@WeeKenD]

أضحك من قلبك




( قصه سعديه الصعيديه وميدو الاستايل )



والنهاردة حلقتين مرة واحدة
عشان خاطر عيونكم بس

الحلقه الرابعة

بعد ما دخلت ندى وشافت ميدو مكسر خالص
ندهت على سعديه

ندى : ادخل يا سمسم

سعديه طبعا داخله وماسكه الورد وهى عامله نفسها غلبانه بقى ومكسوره الجناح

ميدو شفها بقى وحصلت المفاجأأأأأأأأأأه

ميدو : يا ماااااااااااااااااااااااا مى الحقونى حوشوا المتوحشه دى خرجوها بره

صرخ طبعا كأن جاتله حاله صرع

سعديه : ايه يا واد انت مالك شفت عفريت ولا ديناصور دخل عليك دول حتى اختفوا من زمان
ندى: اهدى يا ميدو مش كده دى جايه تعتزرلك
ميدو : لا مش عايز منها اعتزار ولا حاجه خرجوها
سعديه : انا جولتلك مش هاجى عند الواد الرمه دى بخلجته الملخبطه
ده ولد امه ودزمه ومش راجل خالص
ندى : خلاص بقى انتوا الأتنين

هدت ندى الموقف وقعدوا يتكلموا هما التلاته
دخلت بقى جنى

جنى : هاى ميدو ايه ده يا مامى ايه الى جاب دى هنا
سعديه : مالك ياختى اتخضيتى تفى فى عبك ولا اجيبلك طاسة الخضه
ميدو : اهلا يا جنى دى سعديه وندى جم علشان نتصالح سوى وخلاص بقينا اصحاب
سعديه :يلا بجى يا ندى نمشى ما المثل بيجول اذا حضرت الشياطين ذهبت الملائكه واهى الشياطين جات

وهى خارجه زقت جنى وقعتها على الارض
وقالتها غورى بخلجتك الوحشه دى
وبعد كم يوم خرج ميدو من المستشفى وراح الجامعه وطبعا اول اما شاف سعديه وندى راح سلم عليهم واعدوا يتكلموا وجات جنى

جنى : هاى شله فيه رحله مطلعاها الجامعه لشرم مين هيجى معانا

ميدو : كلنا طبعا جايين احجزيلنا معاكى كلنا
ندى : انا موافقه
سعديه : موافجه ايه روحوا لوحدكوا انا مش هروح مستحيل طبعا
ندى : ليه يا سعديه نغير جو كده كم يوم
سعديه : انسدى يا بت انتى واجفلى خشمك ده مش هروح جلتلك

طبعا كلهم مصرين ياخدوا سعديه وندى اتصلت بعمها علشان يقنعها

عمها : ماتروحى يا بنتى تغيرى جو كده مع صحابك

سعديه : فى سرها بتقول ( والله الراجل ده شكله عايز يخلص منى ده شكله ما صدق يا سوادى علشان اريحه ليه انا مزهجاه للدرجه دى خلاص هروح وامرى لله ) خلاص ياعمى موافجه هروح

وبعد معاناه وافقت سعديه تروح الرحله
وفى يوم السفر حضرت بقى سعديه شنطتها
واتجمعوا هى وندى وجنى وميدو وباقى اصحابهم عند الجامعه وركبوا الاتوبيس
وبعدين

>
>
>
>

الحلقه الخامسة

وفى الاتوبيس طبعا البنات قاعدة بقى يرقصوا هما والشباب ويغنوا سعديه مش عجبها الوضع ده خالص عماله تتكلم بقى فى سرها وتقول ( ووى وى وى وى ايه المسخره وجله الادب دى معدش فيه حيا خالص البنات ماالها ببترجص وتتلوى زى التعابين كده ليه وكمان الولاد عمالين يتمايعوا كده ومفيش خشى خالص دول رايحين رحله ولا كباريه يادى السواد الى انا فيه

)

طبعا جنى الرخمه حبت ترخم على سعديه فا اعدت تشد فيها بقى علشان تيجى ترقص

جنى

: يلا بقى يا شباب عايزين سعديه عايزين سعديه

سعديه : هى سعديه الرجاصه الى جابهالك ابوكى ولا ايه يا بت انتى اخرسى احسن اجطعلك لسانك ده المعوووج
يادى الفضيحه ام جلاجل ياجى الجرسه ام حناجل
عايزانى اترجص يا بت زيكوا انت انهبلتى ولا ايه
انت عارفه دول لو عرفوا فى البلد يطخونى بالنار
ويخلصوا من عارى

الولاد طبعا : عايزين سعديه

سعديه : هوه اسمى بجى لبانه فى خشمكوا والله الى هينطج اسمى هتبجى وجعته سوده انهرده بجوطران
ندى : خلاص يا جماعه معلش سيبوا سعديه

سعديه طبعا طول السكه متغاظه اوى من الى حصل

وبتقول فى سرها (جال ارجص جال الهى تجرصهم حيه جولالات الخشى انا كان مالى ومال المياعه دى يا ربى شكلها هتبجى رحله سوده بطين وجوطران يا رب عدى الايام المهببه دى على خير وهى السكه دى كمان مالها طويله ليه انا زهجت دى وجعه سوده ومنيله )

ميدو اما شاف سعديه اعده ومتنرفزه اوى راح اعد جمبها

وبيكلمها

ميدو

: مالك يا سعديه متنرفزه ليه

سعديه : انت يا واد انت ازاى تجعد جمبى كده من غير خشى جوم يلا فز من هنا
ميدو : احنا اصدقاء يا سعديه ومتخافيش انا هقعد باحترامى
سعديه : ماشى اذا كان باحترام ماشى بس يلا لخص وجول الى عايز تجوله وفضها سيره مش تاخودها حلوانه فى سلوانه وتوجعد
ميدو : ههههههه اوك ماشى
انتى مالك بقى زعلانه ليه
سعديه : انت مش شايف جله الحيا دى
ميدو : انتى مالك كده خودى الامور عادى فرى
سعديه : فرى ولا سافو يا واد جوم من هنا
ميدو : انتى ليه معقده
سعديه : انا معجده طيب ماتفوكنى يا خوى مش بجولك الى انا عملته فيك ده جليل

الست جنى بقى اول اما شافت ميدو قاعد مع سعديه اتنرفزت اوى وراحت تقله ميدو انت ايه الى مقعدك هنا

سعديه

: جال يا جاعدين يكفيكوا شر الجايين انا من الاول مش مرتحالك انتى بهدومك المجطعه دى

جنى : انا هدومى مقطعه
سعديه : يا بت غورى اتبطى كده واجدعى بعيد
جنى : انتى بتكلمينى انا
سعديه : امال بكلم امى هوه فيه دزمه جودامى غيرك
غورى يا بت بعيد من هنا احسن اعملك عاهه
ميدو : جنى روحى شوفى زمايلك لو سمحتى عايز اعد مع سعديه
سعديه : لا مش هتجعد يالا انت كمان يا واد يا رمه خد الدزمه دى وامشى غوووووووور

ووصلوا بقى ودخلوا الفندق

الى هيقعدوا فيه
وبعدييييين


هتعرفوا فى الحلقات الجايه بقا يا حلوين

مطبخ ويك اند


جمبري بوشيه (لشم النسيم)






- نصف كيلو جمبري منظف ( متبقي به الذيل والرأس بعد التنظيف )

- جوزة الطيب

- عود كرفس / خل / ماء ساخن


- في اناء على النار نضع ماء للغلي ونضع فيه بصلة وشرائح ليمون

ونضيف عليه زيت وكرفس ( ممكن بدل الليمون خل ) وبشر جوزة الطيب

ونضع الجمبري بعد غليان الماء لمدة 6 دقائق حتى يستوى

ونخرجه للتقديم في طبق تقديم ونضعه عليه اعواد كرفس
وورق كرنب بنفسجى ووأوراق خص



وبألف هنا وشفا

همسة x أذنك



إذا أهانك شخص فاسكت لان السكوت ابلغ آيات الاحتقار.

تسلية العدد


كم وجه في الصورة التالية؟



ما هما الشكلان (من 1 و 2 و 3 و 4 ) اللذان إذا جمعناهما صنعا لنا الشكل الاخير ؟



ماهو الشكل الذي نحصل عليه بدمجنا للشكلين الآتيين؟

وبكده تكون خلصت حلقتنا النهارده
يارب تكون نالت اعجابكم
بنشكركم على حسن متابعتكم
وبشكر فريق العمل كله على مجهوده الكبير فى تحضير الفقرات
ربنا يبارك خدمتهم ويعوضهم

ونحب ننوه على ان البرنامج هيتوقف شهر كامل
أجازة لأعضاء الفريق
وكمان هتكون فرصة للتجديد فى شكل البرنامج
نشوفكم على خير مع بداية شهر مايو بأذن ربنا

كل سنة وانتوا طيبين وبخير
وعيد سعيد عليكم

شارك فى هذة الحلقة
يارا الأموره
أسامه سمسم
kamer14
M!SS N@NO

هتوحشونا كتيييييييير

[كيرو رافت]

بجد بجد اسوأ ما فى الويك اند هذه المرة هو
خبر توقفكم لمده شهر بالكامل
بجد كتيييييييييييييير جدا جدا جدا
لاننا بقينا ننتظر عدد كل اسبوع بفا رغ الصبر
بجد ربنا يوفقكم كمان وكمان ومن نجاح لنجاح
تسلم ايديكم يا اجمل فريق عمل شفته
وكل سنه وانتم طيبين

[marina m]

مجهود رائع جدا بجد وكل فقراتة جميلة جدا
تسلم ايديكوا وربنا يبارك فى خدمتكوا ويعوض تعب محبتكم

[koko_4m]

بامانه ياحنان العدد المرادى مهما هقول حلو وجميل وهايل وتحفه
برضه مش هوفيلك تعبكم وجماااااااال العدد
فعلا عدد مناسب جدا للمناسبه الجميله اللى احنا فيها
وربنا يعوض تعبكم ويفرح قلبكم
وكل سنه وانتو طيبين يا احلى فريق فى اجمل واحب منتدى عندى