[اسامة ابن المسيح]

دعـــــــــــــــــــــوة

لكل شاب وفتاة مقبلين على فكرة الارتباط

لكل خطيبين فى بداية مشوار حياتهم

لكل عروسين فى بداية حياتهم الزوجية

لكل زوجين يمكن ان نصلح ما ضاع من عمرهم بدون نجاح

الموضوع بتاعنا هو سر نجاح الحياة الزوجية ومعرفة سر السعادة الزوجية اللي اكيد كل واحد فينا بيدور عليها وخايف انة لايجدها فى حاضرة او في مستقبلة علشان كدة انا دعيتكم اليوم علشان اشاركم واتحاور معكم كي نصل بأذن المسيح الى ما نفتقدة كثيرا فى هذة الايام . انا عارف ان كتير منكم قد يخالفنى الرأى وكتير ايضا منكم يوافقنى لكن صدقونى انا اكلمكم من خلال تجربة شخصية ناجحة لانى وجدت يوما من نصحنى وافادنى وارجو من كل مدعو منكم ان يقرأ هذا الموضوع ويستفيد منة لانة ليس كلام وعظ ولكنة تجربة فعلية .

الذى جمعة اللة لا يفرقة انسان

ابدء كلامى بهذة الاية علشان لازم كل واحد فينا لا يستهين بهذا الارتباط المقدس من اول ما يفكر اصلا فى فكرة الارتباط والزواج يعنى لازم يعرف كويس ان الحياة الزوجية فى المسيحية حياة دائمة الى الممات اثنين اصبحوا جسد واحد ولازم يكون دة مفهومنا يا جماعة لانة لو اقتنع كل اثنين مرتبطين بهذا الرباط المقدس انهم اصبحوا واحد فعلا سوف تمحى من بينهم كل مشاكل وكل كرامة وكل فلوس وكل خوف وكل قلق وكل حزن وكل توتر وكل الم وكل وكل وكل عارفين لية لانهم واحد. يحسوا ببعض كل واحد فيهم بيقدم التاني عن نفسة لانة كلة حب للاخر .

بعد الفهم والاقتناع التام عقليا وفكريا بما تناولتة في الفقرة عالية تكون الخطوة الاولى هى اختيار الشخص المناسب لى والذي استطيع معاة ان احقق مفهومي المسيحى عن الزواج طبعا كتير مننا يختار بنفسة ويقول هى دى او تقول هو دة بدون تقديم مشيئة ربنا وبيكون هنا الاختيار لة نظرة شخصية ومادية ومصلحية بحتة ودة الزواج اللى غالبا بيظهر فية بعد كدة مشاكل كتيرة لانة اختيار بشرى علشان كدة لازم اول حاجة اقدم مشيئة ربنا واطلب منة بايمان وثقة انة يتدخل ويختار لي الشخص المناسب اللى اقدر معاة ان اعيش سعيد وناجح واحقق من خلالة زواج مسيحى حقيقى يراة الجميع ويمجدون اسم ربنا.

الحديث طويل ودى البداية ارجو منكم المشاركة ومعرفة ارائكم واذا كنتم عايزين تعرفوا الخطوات المؤدية الى سر الحياة الزوجية السعيدة والناجحة دة سوف يظهر من مشاركتكم فى الموضوع وانا سوف اقدم لكم بمشيئة رب المجد يسوع كل ما هو مفيد في هذا الموضوع .

ربنا يباركم

المصدر: †† منتدى ارثوذكس †† - من قسم: الموضوعات الشبابية

[Shosei]

يمكن سر الحياة السعيدة يكونو الاتنين وبابا يسوع تالتهم محدش يدخل بينهم حتى لو زعلانين مع بعض مشاكلهم متطلعش براهم
هى تحس انى هو نصها التانى وهو كمان مبيبصوش على عيوب بعض ويركزو عليها اوى انا عارفة انى فى عيب ممكن اتعامل معاه بلطف عشان يغيرو مجرحوش فيه انا حبيته واخترته بعيوبة قبل مميزاته يبقى استحمل واعرف اتعامل معاها انسى كرامتى معاه وهو كمان ما احولش اعاند معاه لانى العناد خراب كل بيت كل مشكلة ادخل بابا يسوع واروح اعاتبه والومة بس بمحبه مش خناق اقدر ظروفه مش كل وقت اجى اشكيلة لانى هو الراجل بطبيعته مش بيحكى كتير ممكن يكون مضايق ومش عاوز يضيقنى او مشكلة معاه واجى انا اشكيله يضايق اكتر هو عاوز مراته تبقى اكتر حد بيريحه مبقاش حمل عليه بلعكس حد بيحب يجرى عليه وانا كمان اهتم بيه وارعيه واحاول اكون امراه فاضلة
بس كدا طولت عليكو

[lovy]

ميرسى على الموضوع الجامد جدا

ومستنين المزيد

[lovy]

بصراحة عندك حق يا ميرنا

[اسامة ابن المسيح]

ميرسي يا ميرنا على مرورك ومشاركتك

[اسامة ابن المسيح]

ميرسي lovy
علي مرورك

[يسوع ربى]

موضعك جميل جدا
ربنا يباركك

[وجه الغروب]

موضوعك حلو اوى
الرب يبارك حياتك

[nemnema2010]

ميرسى ليك اسامه على الموضوع الجميل دا ربنا يعوضك

[اسامة ابن المسيح]

ميرسي ليكى حبيبة يسوع

وكمان ميرسي ل وجة الغروب. علي فكرة تعبير اسمك وفكرتة جميلة قوي

وكمان ميرسي ليك nemnema2010

لمشاركتكم ومروركم