[نظره رجل]

لاخر عمرى

- اهو كل يوم والبعد عمال بيقرب ... اهو كل يوم الحياه عماله تجرب
كنت ناســــى ان بكره هايجـى ... واللى باقيلى هاعيشه انا متغرب
- عارف يا قلبى مش بأيديك الاختيار ... غصب عنك هاتكمل المشوار
هاتمشيه لوحدك جواك الجراح والنار .. .هاتغرق فى بير ملهوش اى أرار
- هاتشتاق لحضنه وتتملى بدموع ... هاتنده تضمه هايحضنك الحرمان موجوع
مابقاش فاضلك حد بعده خلاص ... هاتروح لمين وهو كل الناس
- فرحى اللى كان كل يوم وياه ... هايبقى مرار مليان بالتعب والأه
هايمشى وياخد كل حاجه معاه ... هايسبلى العذاب ليلاتى على ذكراه
- أجيبه منين ولما بحتاجله بناديه ... انا مهما هاصرخ عمرى تانى ما هلاقيه
انا لسه ياما هابكى واتقطع عليه ... جاى بكره وهايبقى بكره لوحدى فيه
- هاروح لمين يا حبيبى رد عليا ... هاروح فين وانت كنت مكانى اللى ليا
هاتسبنى لوحدى هاتروح كده من ايديا ... هاتسبنى اموت وانت عارف اللى فيا
- كنت بتحسنى وتسمع منى سكوتى ... قبل مااندهلك الاقيك انت صوتى
كنت احكى تكمل ورايا كلامى ... اقولك دا احساسى تقولى ماانت احساسى وكيانى
- كنت بسيب كل الدنيا واجريلك ... وافضل طول اليوم احكيلك
عدت علينا كل الاوقات ... كانت الساعه بتفوت لحظات
- كنت بتاخدنى وانا قاعد جمبك ... اضمك فحضنى وتاخدينى على صدرك
احس بحنانك واطمن فحضنك ... وانت بتلمنى وكأنى انا ابنك
- كنت بأديك بتمسحلى دموعى ... وانا فعنيك بنسى وجوعى
كنا عايشين بس بحبنا ... انا انت وانت انا
- كنا حتى فى خناقنا فرحنين ... نروح لبعض واحنا ميتين
من غير كلام يدوب همستين ... ننسى الخصام ومين زعل مين
- ماكناش بنقدر على يوم بعاد ... تعدى بالكتير شويه ساعات
نموت وتبقى الدنيا مستحيل ... مانرتحش غير لما نتصالح بالليل
- ذكرياتنا فى كل مكان ... حاجه ومحفوره فينا
ذكريات للفرح وذكريات للاحزان ... حاضرنا واللى جاى وماضينا
- اعمل ايه والبعد عمال يقرب ... اعمل ايه والحياه بقسوه بتجرب
اعمل ايه وبكره جاى خلاص ... وهاعيش باقى العمر متغرب
- حبيبى وحياتى عندك لو بتحبنى ... وانت بعيد زى زمان تحسنى
هاتندهلى هتلاقينى برد عليك ... زى كل مره هالمس ايديك
- مش هاسيبك لحظه وحده ... انا بموت من ليله واحده
وحياتك عندى هافضل أحبك ... لاخر عمرى هتلاقينى جمبك

---------------------------------

لاخر عمرى هافضل احبك
لاخر عمرى هافضل احبك
لاخر عمرى هافضل احبك

المصدر: †† منتدى ارثوذكس †† - من قسم: القسم الادبي

[بنت المخلص]

اهو كل يوم والبعد عمال بيقرب ... اهو كل يوم الحياه عماله تجرب
كنت ناســــى ان بكره هايجـى ... واللى باقيلى هاعيشه انا متغرب
- عارف يا قلبى مش بأيديك الاختيار ... غصب عنك هاتكمل المشوار
هاتمشيه لوحدك جواك الجراح والنار .. .هاتغرق فى بير ملهوش اى أرار


كلمات جميلة واحساس اجمل
شكراا ليك

[nerooo]

كلام حلو جداا واحساس رائع
تسلم ايـــــدك

[نظره رجل]

المشاركة الأصلية كتبت بواسطة بنت المخلص اهو كل يوم والبعد عمال بيقرب ... اهو كل يوم الحياه عماله تجرب كنت ناســــى ان بكره هايجـى ... واللى باقيلى هاعيشه انا متغرب - عارف يا قلبى مش بأيديك الاختيار ... غصب عنك هاتكمل المشوار هاتمشيه لوحدك جواك الجراح والنار .. .هاتغرق فى بير ملهوش اى أرار كلمات جميلة واحساس اجمل شكراا ليك

اشكرك يا بنت المخلص لزيارتك وتعليقك بالموضوع
اشكر محبتك الرب يكافئك خير ويعوض تعب محبتك

[نظره رجل]

المشاركة الأصلية كتبت بواسطة nerooo كلام حلو جداا واحساس رائع تسلم ايـــــدك

ربنا يعوض محبتك ويكافئك خير
نرمو
اشكرك على تعليقك ومرورك بالموضوع

[اسامه سمسم]

الله الله الله
بجد احساس فى منتهى الروعه والرقه والجمال
تسلم ايدك بجد
وفى انتظار المزيد

[نظره رجل]

المشاركة الأصلية كتبت بواسطة اسامه سمسم الله الله الله بجد احساس فى منتهى الروعه والرقه والجمال تسلم ايدك بجد وفى انتظار المزيد

اشكرك اخ اسامه على مدخلتك وتعليقك على كلماتى
الرب يعوض تعبك ويكافئك خير
شكرا لمحبتك كتير

[nermos1982]

كلمات بجد راااااااااااااااااااااااا ااااااائعة. جميلة اوى اوى
ربنا يفرح قلبك ويكون معاك دايما

[نظره رجل]

المشاركة الأصلية كتبت بواسطة nermos1982 كلمات بجد راااااااااااااااااااااااا ااااااائعة. جميلة اوى اوى ربنا يفرح قلبك ويكون معاك دايما

اشكرك اخت نرمين
اشكر محبتك وتعليقك بالموضوع
ربنا يسوع يباركك ويشملك بمعونته وحنانه

[marian magde]

اولا موضوع جميل ولكن هل سوف نجعل حياتنا متوقفة على من تركك وهجر حبك وباعك الى متى ؟ تستطيع ان تجعل حياتك جحيم لمجرد ذكرى لانوا تركك فحكم على نفسوا ان يصبح فقط فى حياتك ذكرى ولكن اريد ان الفت النظر الى ان هذا الاكلام يلجأ الية البعض وليس طبعا الكل ولكن فقط لكى تسامحوا على خيانة والالم ويسمعك الكثير من عدم قدرتوا على الحياة بدونك ولكن انت مع تكرار سماع هذا فى كل مرة سبب لك الجراح وذلك فقط لانك سامحتوا يسبب لك الجرح من جديد فبالطبع ياتى دورك لكى تجعلوا يذوق من الامك ..ولكن هناك مقولة تقول لا تجعل شخص فى حياتك هو كل شيئ لانوا عندما يتركك سوف لاتملك شئومرسى على الموضوع