[emmmy]

انا عايزة اسالكم سؤال يا اخواتى انا كتير بتعرض لموقف وببقى مش عارفة اعمل اية
بصوا انا لما بكون على الفيس بوك كتير من الاصدقاء بيطلب منى الاميل علشان نتعرف ونتكلم لان الفيس بوك بيهنج كتير وانا مش بحب ادى الاميل لحد معرفوش لانة دة ممكن يعرضنى انا لمشاكل انا فى غنى عنها وخصوصا ان مفيش امان دلوقتى
السؤال بقى عايزة كل اخت تقولى لما بيطلب منها الطلب دة بتقبل ولا بتخاف وتعتذر ولو بتعتذر بتقول اية ؟
مع العلم تكون حريصة على انها تكون ذوق ورقيقة ولطيفة
وعايزة اعرف من كل اخ حقيقى يهمة مصلحة اختة فى المسيح اية اللى المفروض يتقال فى الموقف دة والاحسن البنت تقبل منك دعوتك بسهولة ولا تعتذر لك ولو اعتذرت تقولك اية ؟
يا ريت يكون فية امانة فى رد الاولاد والشباب
انا مستنية ردودكم ارجوكم

المصدر: †† منتدى ارثوذكس †† - من قسم: كلام فى الممنوع

[IO-Mena]

من راى
البنت تتكلم بصراحه ومن حقها الكامل انها ترفض وبلباقه وتقول مثلا رد ظريف

معلش انا لسه معرفكش علشان ابعته ليك يعنى ممكن بعدين
او شويه شويه مش دلوقتى

ممكن يكون ع البنت صعب انها تعتذر او هتكسف

فممكن تقول

خلينا نكمل كلامنا هنا احسن
انا بحب اشيت ع الفايس بوك بيبقى دمه ظريف
احسب الشات هنا

وان بقى غتت وسال تانى او طلب تانى
قوليلى انا مش بدى اميلى لاى حد اول مرة لسه اكلمه او حتى بعد كام مرة من الكلام ومتزعلش منى

ولازم متفكرش فى رد فعل الولد عليها لانى لو فكرت هتتكسف اكتر ومش هاتبعت كده

وفيه حل جميل

اعملى اميل تانى غير اميلك االخاص ويكون لحاجه زى كده

بس باردوا مش يوصل لدرجه الخصوصيه فى الشات

وان حتى مش فاتحتيه الا للموافقه وهو سالك ليه مش بتدخلى
قوليله يدوبك الوقت او اى حجه لكن مش تكون كدبه

ربنا معاكى وسؤال فعلاً مهم وجميل
وانا عن نفسى مش هطلب من بنت الا لو لو ارتحتلها وان رفضت مش هاقولها تانى هى حره زى منا حر
لو انا بقى معجب بيها اصبر شويه ههههه

[elphilasouf]

جميل الموضوع
مش عارف بصراحه بس انا عادي عشان ولد بوافق مش بكون مقلق اوي
طيب نفرض لو عندي اخت
مفيش مشكله يعنى تتعرف ع اي حد بس من غير عواطف خالص طبعا
ولو حسيتى باي خطر
اعملى اجنور ع طول :d
وحلو حكايه ميل تانى ده
وانا مع رد اي او مينا بصراحه بالتمام
ربنا يحافط عليكى

[samo1984]

اختى العزيز ايمى
سلام ومحبة لكى
انا هقولك على حاجة بسيطة من كتبتك لنفس الوضوع
دة ممكن يعرضنى انا لمشاكل انا فى غنى عنها وخصوصا ان مفيش امان دلوقتى
الموضوع مش صعب
وفى حل بسيط ممكن
تخشى بأسم ولد

[Nana_English]

حكاية ذوق ورقيقة ولطيفة والخخخ..
دى بقى علشان انا كده فعلآ ولا انا عاوزه ابقى كده قدام الشخص ده؟؟؟
ولو رفضت واحد هيبقى مبدأ عام ولا تبع الظروف؟؟
رأيى انها حاجة ترجع لشخصيتك وتفكيرك
وانا عن نفسى ها افكر انا هديله ميل ليه؟؟
وهتكلم معاه فى ايه؟؟
يعنى شباب الكنيسة والجامعة والاقارب والاخوات خلصوا
علشان اكلم واحد معرفوش واستنى اما احس بخطر
وبعدين اعمل اجنور او تجاهل

كلمة اخيرة
انا عمر ما شات الفيس بوك هنج معايا
وبكلم زمايلى بتوع الجامعة على الفيس
وعمرهم ماقالوا ان الفيس بوك بيهنج

[Nana_English]

المشاركة الأصلية كتبت بواسطة samo1984 اختى العزيز ايمى سلام ومحبة لكى انا هقولك على حاجة بسيطة من كتبتك لنفس الوضوع دة ممكن يعرضنى انا لمشاكل انا فى غنى عنها وخصوصا ان مفيش امان دلوقتى الموضوع مش صعب وفى حل بسيط ممكن تخشى بأسم ولد

ليه يا سامو هما مش من اولياء الله الصالحين
ماينفعش نقول للولاد لا..!!
فنقوم نهرب منهم ونخش باسم ولد؟؟
لا مع احترامى ليكى ده الحل الأسهل مش الأصوب
من حقى اقول لأ

[samo1984]

حقك ومحدش يقدر يعرضك
واكيد انتى بتتكلمى صح
بس لازم يكون فىاختلاف فى الاراء
ولا اية رائيك
يا غالية

[Nana_English]

اكيد طبعآ
رأييى انه مش بس فيه اختلاف اراء
ده احنا كمان لازم نحترم اراء غيرنا ونقدرها
وممكن نتعلم منها كتير

[تــوتــي]

شووفـي انـا شخصيـاً مستحــيل مستحيـل اقبــل
انا اعتبر نفسي مثل الألماس [مو أي احد يمتلكني بسهولة ]..

.//

والنقطة الثانية..
بالنسبة لديني الاسلام هذا حرام..

.//

يعني اذا كلمتيه كلام عادي عن العاب كذا وفي المسنجر بس
عاادي

.//


و انا مو متقبلة الفكرة نهائيا مسنجر ومحادثات خاصة ليش ..؟!

لأنو يمكن تتحول الصداقة الى علاقة..

عمومــاً
ما اقدم نفسي على طبق من ذهب لكل من هب ودب
واتمنــى حتى انتـي ما تسووين هالشي..

[roma_malak]

انتى تعملى ايميل تانى ممكن تبقى تدخلى عليه وتتكلمى عادى بس موش تدى ليه اهميه زياده
ولازم يكون لكلامك حدود وتكونى حريصه يعنى موش تحطى picture ليكى او تسرحى فى الكلام
لانه بسهوله جدا ممكن يسجل كلامكم مع بعض وده بجد انا اصحابى الولاد قالولى كده وانا اتاكدت انه ممكن يسجل المحادثه بينكم
حتى اذا كانت just writting وربنا يكون معاكى ويحافظ علينا كلنا