[Team Work@WeeKenD]

انتظر قليلاً حتي يتم تحميل الصفحة بالكامل .........





أهلا بيكم في في شهر مايو و رابع حلقة في الشهر بعد رابع اسبوع كامل
(( العدد الـــ 13 ))
النهارده الجمعة و مع كل جمعة هيكون معاكم


WeeKend






ويك اند برنامج متخصص من الدرجة الاولي لعرض كل اخبار و احداث المنتدي علي مدار اسبوع و عرض فقرات لفريق عمل البرنامج مجهزة بشكل غاية في الروعة علي هيئة مجلة اسبوعية مع عرض فقرات اعلانية لاهم الاشياء في المنتدي
من الأخر كده يا حلوين ايللى هيغيب عن المنتدي يوم ولا أتنين ولا أسبوع أو أي فترة
لأي أسباب طارئة... بمجرد دخوله في البرنامج هيعرف كل الحصريات و كل الاحداث ايللي حصلت
كتير مننا مش بيقدر يزور جميع الأقسام في المنتدي و فيه أقسام بيبقا فيها موضوعات مهمة جداا
معانا مش محتاج تدور و تتعب نفسك ... احنا جبنالك من الاخر



عاوز اقول لكل الناس ان الحلقة دي اتعملت باعجوبة
دي تالت مرة اكتب الموضوع كله من اول و جديد بجد
انا عملت الموضوع و كان هينزل علي الساعة 11
فجاة لقيت المتصفح قفل و مرة تانية النور قطع بجد قاعدة اعيط جنب الجهاز
شغل مستمر من الساعة 4 الظهر ضاع و لسا اهو هبتدي فيه من جديد
ابوس ايد الناس الي هتقرء الحلقة تقراها بزمة لاننا بجد تعبنا فيها اوي
و بامانة الحلقة دي تعبت فيها انا عن اي حلقة قبل كده
و ربنا يسامح الي في بالي






عيد ميلاد مدير منتديات ارثوذوكس


يوم 25 / 5 يوم عيد ميلاد مدير منتديات ارثوذوكس

هيما
Team work



لقد قام العديد من الاعضاء بعمل موضوع تهنئة لهيما و لاكن همو قام بمسحهم و ازالتهم
فنحن فريق عمل برناج ويك اند بنقوله كل سنة و انت طيب يا اعظم مدير
و نشيد بمجهودك الرائع المبزول من اجل منتديات ارثوذوكس
و نتمني لك دوام الصحة و العافية و الاستمرار الدائم في الخدمة
و مئة عام تعشها في حضن ارثوذوكس و في خدمته




ماروجيرافك يتخطي الـ 1000 موضوع

خادم بمعني الكلمة من اجل اولاد المسيح
تخطي العضو ماروجيرافك الـ 1000 موضوع بنشاط و خدمة متميزة في منتديات ارثوذوكس و بذل الكثير من اجل المنتدي فلقد اصبح عدد موضوعاته الان 1044 موضوع في مختلف الاقسام و مختلف الانشطة
شكر خاص للعضو ماروجيرافك علي المجهود مبذول من اجل خدمة الاخرين
فهو مثال للخادم و المشرف الممتاز
و مزال العطاء مستمر



مجهود يستحق التقدير و الاشادة

مجهود مبزول من اجل الخدمة من المشرف ابانوب
Abano0o0op_BeBo0o0o
مشرف في اقسام الملتميديا
فهو من اجل الخدمة ياتي باجدد الحصريات و حصريات باسم منتدي ارثوذوكس فقد و يقدم المذيد من الخدمات لاجل المنتدي و الاعضاء و فهو اشتهر بحصرياته في قسم الترانيم الروحية و موضوعاته المليئة بالمفاجاة من اجل المنتدي
مشكور ابانوب علي هذا المجهود
و ننتظر المزيد



طلب صلاة من اجل العضو ميتوهـءءء

نصلي جميعا من اجل العضو ميتوهـءءء
فهو عنده كيس دهني داخل مفصل الرجل بجوار الحوض
وهذا الكيس عمل تجويف في عظام الرجل
ولابد من عمليه لأستأصال هذا الكيس
وبعد استأصاله سيحتاج الي حشو عظام داخل هذا التجويف
وسيأخذ الدكتور عظم من عظام الحوض كي يحشي هذا الفراغ
هذه العملية خطيرة كما قال الأطباء وايضا مكلفة جدا جدا

نتمني له الشفاء السريع و نجاح العملية بشكل كامل



طلب صلاة لاغلي مشرفة في قلوبنا

نصلي جميعا من اجل المشرفة
zaza2008
فهي تمر ببعض الظروف التي ستبعدها عنا فترة و لاكن نتمني جميعا عودتها باسرع ما يمكن فهي من اقوي المشرفين في المنتدي و خدمتها ملحوظة في اعين الجميع
(( بجد هتوحشينا اوي يا نهي .. ترجعلنا بالسلامة ))



لا يليق (( توقيعات ))

في ظاهر ليسة بجديدة و لكنها هذه المرة ظهرة بشكل غريب و هي توقيعات العديد من الاعضاء
التوقيعات ظهر بها بعض الاهانات فهي توقيعات رياضية و لكنها مسئية لبعض الاندية و مشجعيها بكل واضح جدا و كان من الواضح اخد اصحاب التوقيعات روح الدعابة في هذه التوقعات و لاكن يوجد من هو من الاعضاء الجديد الذي ليس علي علم بمعني روح الدعابة و اخد التوقيعات من محمل الاهانة
و بالرغم من ذالك لم يغير اصحاب التوقيعات توقعاتهم مما يثير الاستغراب



ظاهرة الــ هون هون هون

هههههه انا مش هقدر اكتب الخبر ده باللغة العربية لاني مش قادر امسك نفسي من الضحك هههههههههه
هاني وجيه
عضو جديد في منتدي ارثوذوكس قدر في اقل وقت ممكن يجذب انتبه الجميع و ينشر فيرس جديد من نوع خاص و هو
التوت توت توت
هون ملي القسم الادبي باشعاره ال فوق خيالية و من ضمنها
مزعل ماما

مزعل ماما مني امبارح عشان لعبي كتير
عاوزاني اكون الاول عشان عليا بتغيير
تقول زاكر ياهون هون اقولها لا لا لا لا
تقولي راجع درسك هون هون اقول ليها لا لا لا لا
تقول هتسقت ياهون هن اقولها لا لا لا لا
وفي الاخر قالتلي مفيش فيك فاديه ياهون هون دماغك ناشفه
جربت وراي وضربني بعصاية المقشة
اتعورت في راسي ودخلت مستتشفي
تقولي هتخف ياهن هون اقولها اه اه اه اه
تقولي هتزكر ياهن هون اقولها اه اه اه اه
وهتراجع دروسك هون هون اقول اه اه اه



دي كتبت ليكم عشان المزاكرة في الامتحان
زاكروا اخواتي ولا تروحي لهنهن في المستشفي



هاني وجيه

هههههههههههه استطاع هون هون هون
ان يعدي الكثير من الاعضاء بظاهرة ال هون هون هون
نرجو من ادارة المنتدي انت تتعامل مع الفيرس
مثل ما تعامل سيادة الرئيس حسني مبارك مع انفلونزا الخنازير .


مبروك الفائز في مسابقة القصص النصية


مبروك العضو ماروجيرافك فائز في مسابقة قسم القصص النصية بعد نجاح اربع اعضاء و عمل قرعة بينهم فهو اخد اكثر نرشيحات في القرعة
شكرا مشرفة القسم zaza2008
و مبروك مارو



مسابقات الايات

العضو totit هو المسئول عن مسابقة الايات فهي فكرتها تدور حول حفظ الايات و الامانة الشخصية
فيقوم الاعضاء بوضع اية و ياتي العضو التالي له باخد اخر حرف في الاية و يقول عليه ايه بدايتها بهذا الحرف
فاز حتي الان 4 اعضاء في هذه المسابقة و الجائزة هي كروت شحن يقدمة توتي
للدخول في المسابقة من هنا
مسابقة ايات



مسابقة افضل مصمم & افضل تصميم

قام العضو ميكي بطرح فكرة مسابقة لافضل مصمم و افضل تصميم و هي مسابقة بشكل مختلف و رائع ما عليك الا عمل تصميم من ابداعك و ارسالة ... للشتراك في المسابقة ادخل هنا

افضل مصمم & افضل تصميم

مستنين رايك و مشاركتك في الخروجة الشهرية ال 15
شايف انها تتاجل للشهر الي بعد الجاي ؟؟
شايف انها صعبة في فترة الامتحانات ؟؟
شايف انها ممكن تتعمل و تيجي ناس غير الطلبة تحضرها ؟؟
انت ايه رايك ؟؟

ادخل قول رايك هنا

الخروجه الشهرية الخامسة عشر

*خبر الاسبوع *
نياحة امنا سارة

أنتقلت الى الأمجاد السماوية الأم / ســارة رئيسة دير الأنبا بضابا للراهبات بمركز نجع حمادى بمحافظة قنا
وتقدم الجنازة نيافة الحبر الجليل الأنبا كيرلس أسقف نجع حمادي ومجموعه كبيرة من االأساقفة والكهنة الذين سوف يتوافدون لتشيع جثمانها
الجدير بالذكر أن الأم/ ســـــارة ذات سيط كبير حيث يلجأ إليها كل أبناء الصعيد من أجل أخذ مشورتها ونوال بركاتها
وقد أستطاعت على مدى مشوار حياتها حل العديد من المشاكل بصلواتها فلم ترد أحد خائبا...

***

(اليكم بعض صور امنا سارة )







(جنازة امنا سارة )







الفقرة اعداد و تقديم
ميرا الامورة



عشان ما تنضربش علي قفاك ..!!

واحنا مشيين فى الشارع معرضين ان واحد يوقفنا ويسألنا عن بطاقتنا
او يطلب تفتيشنا
او نروح القسم ويحصلنا اي حاجه
وعشان نكون عارفين ايه الى علينا وايه الى لينا

عشان متنضربش ع قفاك

هنقدملكوا كل اسبوع فى ويك ان جزء من الكتاب الممنوع نشره
" ازاي متضربش ع قفاك "
لتحميل الكتاب بالكامل ادخل هنا
https://www.orsozox.com/forums/f35/t30156/

والنهارده هنتكلم ع السؤال عن البطاقه
لو حد سالك عن البطاقه تعمل ايه ؟

س/ اعمل ايه لو حد من الشرطه وقفنى فى الشارع وسألنى فين بطاقتك ؟
ج/ لازم تعرف هو مين الاول

ازاي ؟
قوله تحت امرك بس الاول ممكن اعرف مين سيادتك

معقول الضابط ولا امين الشرطه او حتى المخبر هيطلعلى الكارنيه بتاعه ؟! اكيد هيشتمنى او هيضربنى !!
من حقك تعرف مين اللى بيسألك ، مش جايز يكون نصاب او حرامى عايز يثبتك ويقلبك ؟ والظابط لو حس إنك واثق من نفسك وعارف حقوقك
مش هيشتمك أو يهينك او يضربك ، لكن هيعملك كويس وبكل احترام .. ومتطلعش بطاقتك لاي حد الا اذا طلعلك الكارنيه ، واتاكدت انه ضابط
او امين او مندوب شرطه لان القانون اللزم الشرطه انهم يعرفوا الناس بشخصيتهم لكن البنى ادم لازم يفرق بين واحد واقف جنب قسم ولابس ميري ومعاه
بوكس شرطه ، وواحد واقف فى حته مقطوعه وعامل كمين بعربيه اجره او ملاكى وشكله مش ولابد

ممكن يطلعلى اي حاجه هو انا عارف كارنيه الشرطه شكله ايه ؟
اول حاجه لازم تعرفها شكل الكارنيه
وده كارنيه ظابط
وش

من حقى اسأل ع كارنيه الظابط حتى لو كان لابس ميري؟
من حقك تشوف كارنيهه وتتعرف ع شخصيته سواء كان لابس ميري او ملكى لان فيه حراميه ونصابين كتير بيلبسوا لبس شرطه ويعملوا ع الناس
ضياط ويقشطوهم

مين من الشرطه من حقه يطلب بطاقتى؟
الظابط وامين ومندوب الشرطه حتى الغفير من حقهم يشوفوا بطاقتك علشان يتاكدوا من شخصيتك ، والبنى ادم السليم مايخفش ولازم توريهم
بطاقتك لو حد منهم طلب يشوفها لان القانون ادي للشرطه الحق ده

من حقهم يشوفوا البطاقه فى اي وقت ولا فيه مواعيد محدده للسؤال عن البطاقه؟ ولو كانت بنت او سيده من حقهم يسألوها عن البطاقه؟
من حق الشرطه تطلب البطاقه وتسألك عنها راجل كنت او سيده فى اي وقت بالليل او بالنهار علشان تتحقق من شخصيتك

وايه عقوبه التبى يتمسك فى الشارع من غير بطاقه؟
يتعمل له مخالفه عدم حمل بطاقه غرامتها متقلش عن 100 جنيه ومتزدش عن 200 جنيه لكن ميتحبسش

من حق الظابط لو مكنش معايا بطاقه انه يقبض عليا او يفتشنى او يحبسنى ؟
مش من حقه لان عدم حمل البطاقه مجرد مخالفه عقوبتها الغرامه ومش من حقه لا القبض ولا التفتيش ولا الحبس فى حاله عدم حمل البطاقه

هل من حق الشرطه يحبسوا شخص عنده بطاقه لكن نسيها فى البيت ؟
مفيش حبس فى عدم حمل البطاقه لانها مخالفه وعقوبتها غرامه مش الحبس ومفيش حبس فى المخالفات وحاول تتصل بحد من اهلك او من اصحابك يجيبوالك
البطاقه احسن من المخالفه

اعمل ايه لو حد من الشرطه بعد ماشاف بطاقتى سحبها او خدها منى ومرجعهلش ليي تانى ؟
ممنوع اي حد يسحب بطاقتك او يحتفظ بيها معاه لانه لو عمل كده يبقى بيرتكب جريمه فى حقك والقانون يعاقبه وتروح تعمله محضر فى القسم انه اخد بطاقتك بدون سبب
ايه الاوراق التى تثبت الشخصيه ؟
بطاقه الرقم القومى او جواز السفر او رخصه القياده ، وهى دي الحاجات الى طالعه من وزاره الداخليه

،ونكمل الحلقه الجايه
الفقره من تقديم

ELPHILOASOUF

سؤال و جواب

لماذا خلقت حواء وادم نائم؟؟؟؟؟؟؟؟

يُقال إن الرجل حين يتألم يكره، بعكس المرأة التي حين تتألم تزداد عاطفةً و حباً !!...
فلو خٌلقت حواء من آدم وهو مستيقظ لشعر بألم خروجها من ضلعه و كرهها،
لكنها خُلقت منه و هو نائم .. حتى لا يشعر بالألم فلا يكرهها..

بينما المرأة تلد و هي مستيقظة ، و ترى الموت أمامها ،
لكنها تزداد عاطفة .. و تحب مولودها بل تفديه بحياتها

الفقرة اعداد و تقديم
nermos1982

موسوعه عضو

نبدأ اليوم واولى فقرات موسوعه عضو وعضونا اليوم ليس له مثيل عضو لامع لاعب مهم فى صفوف ارثوزوكس لمسته مختلفه ..زوقه راقى
عضونا اليوم ليس ككل الاعضاء فهو العضو الذى يبرق ف النهار قبل الليل احساسه دافىء كلامه نابع من القلب



كلماته بتدخل القلب علطول

ومواضيعه مميزه جدا

انا حبيت يكون اول ضيف معانا ف فقرتنا

وهو

(aymonded)

موسوعه استاذ ايمن وكل مواضيعه


الفقرة اعداد و تقديم
بنبونة سكره

ليه هون هون ليه


الاول احب اقدملكم اقوي فقرات الويك اند الاسبوع ده فقرة العضو هاني وجيه الي طبعا يعرفه كل الناس
هاني بعتلي رسالة و قالي انا عاوز اشترك فقرة انا معاكم في برنامج اند الرائع
قولتله تنور يا هاني ابعتلي الفقرة و انا انزلهالك
عالم ربنا الفقرة دي انا قرتها لحد دلوقتي فوق ال 10 مرات و كل مرة بفطس علي روحي من الضحك

نشوف الفقرة

اسم الفقرة : ليه ياهون هون ليه

ليه ابوتريكه بيلبس 22؟
عشان 21 ضيقه عليه
=-=-=-=-=-==-=-=

طيب ليه مابيلبش 23؟
عشان فلافيو لابسها

=-=-=-=-=-==-=-=

طيب ليه الاطفال بيحبوا ابو تريكه؟
عشان صانع العاب

=-=-=-=-=-==-=-=

طيب ايه اللعيب اللي فاضي على طول؟
وائل جمعه عشان الجمعه اجازه

=-=-=-=-=-==-=-=
ليه بتوع مانشيستر يونايتد بيصحوا م النوم بدري؟
عشان عندهم سكولز

=-=-=-=-=-==-=-=

ليه عمرو دياب وهو بيغي راجعين ما خبطش فى اللى وراه؟
عشان طلعت زين كان بيقوله تعالى تعالى تعالى

=-=-=-=-=-==-=-=
ليه الطماطم حمره ومدوره؟
عشان لو كانت طويله وخضرا كانت هتبقى خيار

=-=-=-=-=-==-=-=

ليه شجرة الدر اسرع من البقره؟
عشان شجرة الدر م الجواري ... اما البقره م المواشي

=-=-=-=-=-==-=-=

مره 1 2 3 دخلوا الحمام طلعوا 3 2 1 ياترى ليه؟
عشان دخول الحمام مش زى خروجه

=-=-=-=-=-==-=-=

لية السمك بيخاف من الجنية.؟؟
علشان الجنية فية 100 قرش

لو زهقتوا منى قولو وكفاية كدة بس لسة فى تانى

نغنى شوية بقى

اللى يدخل على منتديات ارزوزكس شو بنقولو

شاطر شاطر

=-=-=-=-=-==-=-=

واحد قتل ابوة وأمة وخالة وبعدين قطع رجلة ...ليه؟
عشان رجله ما تجيش في القضية

=-=-=-=-=-==-=-=

إيه آخرة كل شيء؟
الهمزة اللي على السطر.

=-=-=-=-=-==-=-=

ايه اللى يعدي البحر وما يتبلش؟
الطياره

=-=-=-=-=-==-=-=

ايه الفرق بين امريكا والفلاشه؟
الفلاشه USB
امريكا USA

=-=-=-=-=-==-=-=

في نمله نايمه على بطنها ليه؟؟
بتحل الواجب

=-=-=-=-=-==-=-=

له جنحان لكن لا يطير له أعين لكن لا يرى له منقار لكن لا يأكل يبقى ايه؟
عصفور ميّـت

=-=-=-=-=-==-=-=
ليه اليابان معندهاش حنان ؟؟
عشان هي في قاره ( آسيا )

=-=-=-=-=-==-=-=
ايه هو الحيوان التعيس؟
القطة

=-=-=-=-=-==-=-=

ليه؟
عشان ديما تخربش ومتكسبش

=-=-=-=-=-==-=-=

ليه القطه بتدخل عن الحلاق؟
عشان الباب مفتوح

=-=-=-=-=-==-=-=

طب ليه الأقرع بيدخل عند الحلاق؟
. عشان ياخد القطه

=-=-=-=-=-==-=-=

هون هون فرحان انه معاكم في البرمج وهتقدم لك كل حلقة فموضوع شكر

انا هسكت خالص و هستني تعلقاتكم علي الفقرة دي مخصوص

اهلا وسهلا بيكم في تاني حلقات خمسة كوميديا مع ملك الكوميديا

هقدم ليكم كل حلقة خمس نكت بالصور

واتمني انها تعجبكم


وغصب عنكم هتعجبكم

زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة قالولها
جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

مرة واحد مسطول راكب عربية ووقف فى الاشارة فعسكرى المرور قاله انت
مش لابس الحزام ليه قاله اصل مش لابس بنطلون

مرة واحد صعيدى بيدهن الحيطة.... قالوله طب حط جرنال تحتك... قال
لهم : لا مش مهم انا كدا طايل

كان مرة ابو العربي عنده امتحان انجليزي فساله الاستاذ ازاي يا ابو العربي تقول لواحد اجنبي تعالي هنا راح رد قاله
دي بسيطه جدا اقولهcome here الاستاذ قاله برافو طيب ازاي تقوله روح هناك ابو العربي بسيطه اروح انا هناك واقوله come here

مرة واحد صعيدى قررت الدولة انها تعدمه لأنه غبى فقال واحد من الحكومة احنا حنعدم كل غبى صعيدى فى مصر والغبى ده حنسأله
سؤال لو جاوبه صح منعدموش لو ألاجابة غلط نعدمه راحت الحكومة مجمعة كل الصعايدة الى فى البلد عشان يشوفوا الى حيحصل فأيه جيه الضابط وسال الصعيدى واحد وواحد بكام راح قال الصعيدى اتنين راح قال كل الصعايدة اديلوا فرصة تانية ... اديلوا فرصة تانية

وهنا تنتهي حلقتنا ولكن متنتهيش بسمتنا

كنتم مع : MiCkEy

أســــتــاد ويـــــك أنـــد الرياضي

تابع واتمتع

مساء الخير او صباح الخير
ياحلى اعضاء

اسبوعنا الرياضى اليوم
مالوش حل

ونبدا مع الاخبار العالمية

دورى ابطال اوربا

كانت متجهة الانظار نحو روما الايطالية المستضيفة لنهائى البطولة بين

وانتهت بفوز فريق بارشلونة ع المانشيستر
بهدفين مقابل لا شى بعد مبارة رائعة من برشلونة ومتوسطة او اقل من المان يونايتد

مبروووك للبارسا

لتحميل هدفين المبارة

اضغط هنا للتحميل

نقدم لكم التغطية الخاصة بأهداف المباراة النهائية
بين
شاختار دونيتسك - أوكرانيا × فيردر بريمن - ألمانيا
من بطولة كأس الإتحاد الأوروبي
للموسم الرياضي 2008 - 2009

توج شاختار دونتسك الأوكراني بطلا لكأس الاتحاد الأوروبي للمرة الأولى في تاريخه بعد تغلبه على فيردر بريمن الألماني بهدفين مقابل هدف بعد وقت إضافي في المباراة النهائية التي اقيمت على ملعب شكري سراج أوغلو في تركيا.

احرز الاهداف
لويز ادريانو
نالدو
جادسون

والان مع التحميل
للهدف الاول لشاختر

اضغط للتحميل

الان مع هدف التعادل
للبريمن

اضغط للتحميل

وأخيرا مع هدف التتويج

اضغط للتحميل

وزاى ما اتفقنا بنقدم حلقة نجم استاد ويك اند
ونجم الاسبوع هو الساحر الار جنتينى
ليونيل ميسى

طبعا نقدم فى فترة نجم استاد ويك اند فديو يحتوى ع اهداف النجم وهذا الفديو يحتوى على 50 هدف

اضغط هنا للتحميل

فاصل ونواصل

الاخبار المحلية

شاهد هذا الاسبوع مبارة فاصلة بين فريقين الاهلى والاسماعيلى

وفاز النادى الاهلى بهدف دون رد ع ااستاد المكس

لمشاهدة الهدف

لتحميل الهدف

اضغط هنا

اضغط هنا لتعرف تفاصيل المبارة

والى يحب يشارك الفرحة يدخل هنا ويقول مببروووووووووك

مبروك للنادى الاهلى
ويبقى كدة اتحدد البطل بعد دورى ولا اجمل ولا اروع حتى اخر ثانية واسبوع

وبعد انتهاء الدورى نعرف الفرق الثلاثة الهابطين وهم
الترسانة
الاولمبيى
والمصرية الاتصالات
هارد لك لهؤلاء الفرق

ونرحب بالصاعدين لدورى الاضواء والشهرة
المنصورة
الانتاج الحربى
الجونة

من يفوز فى انتخابات نادى الزمالك يتحدد يوم الجمعة الموافق 29 مايو من هو رئيس نادى الزمالك

يشهد نادي الزمالك واحدة من أشرس انتخاباته عبر التاريخ يوم الجمعة 29 مايو، وذلك لما شاهدته القلعة البيضاء من تخبط كبير منذ عام 2005 بسبب توالي مجالس الإدارات المعينة عليه.

وتبدأ عملية التصويت بمقر النادي بميت عقبة من الساعة التاسعة صباحاً وحتى الثامنة مساءاً تحت إشراف قضائي كامل، وتكتمل الجمعية العمومية بحضور 20% من عدد الأعضاء أو 1500 عضو (أيهما أقل) ممن لهم حق التصويت.

وتشير التوقعات لحضور 15 إلى 20 ألف عضو للتصويت من بين 47 ألف عضو مقيد في انتخابات الزمالك.

ويتنافس على مقعد الرئاسة تسعة مرشحين أبرزهم الثلاثي كمال درويش ومرتضى منصور وممدوح عباس، فيما يتنافس على العضوية 27 مرشح أبرزهم خالد جبر وإبراهيم يوسف والمندوه الحسيني وحازم إمام واحمد مصطفي واحمد جلال إبراهيم وخالد لطيف وهاني العتال وجورج سعد وعزمي مجاهد ورؤوف جاسر وإسماعيل سليم.

نتابع الاخبار المحلية
كرة اليد

تأهل فريق الأهلي لكرة اليد إلى المباراة النهائية لبطولة كأس مصر بعدما تغلب مساء الأربعاء على الزمالك 30-29 فى مباراة الدور قبل النهائي للبطولة.

وسيلتقي الأهلي في المباراة النهائية للبطولة في السابعة من مساء الخميس مع اتحاد الشرطة والذي تغلب على طلائع الجيش 23-20 في مباراة الدور قبل النهائي الأخرى.

وتعد هزيمة الزمالك هي الأولى للفريق هذا الموسم حيث توج بطلا للدوري بدون هزيمة، كما توج بطلا لدوري أبطال إفريقيا بدون هزيمة أيضا.

توج النادي الأهلي بطلا لكأس مصر لكرة اليد بعد تغلبه علي فريق اتحاد الشرطة بنتيجة 23-19 في المباراة النهائية التي أقيمت بينهما مساء الخميس علي الصالة المغطاة بإستاد القاهرة.

وانتهي الشوط الأول بين الفريقين بنتيجة 9-7 لصالح الأهلي، وتمكن الشرطة من الاقتراب من النتيجة في بداية الشوط الثاني عندما وصلت النتيجة الي 11-10 ولكن الفريق الاحمر تمكن من الابتعاد تدريبجيا بالنتيجة خلال الدقائق الباقية حتي كلل مجهوده بالفوز في نهاية المباراة.
وتمكن فريق الأهلي من إنقاذ موسمه بعدما كان قد خسر لقب الدوري لحساب الزمالك في وقت سابق.

كان معكم

MILANO KAKA
من

استاد ويك اند الرياضى

اجمد سبع توقيعات في سبع ايام

ازيكو يا احلى اعضاء فى احلى منتدى
النهارده معانا احلى توقيعات
اجمد سبعه فى سات 7
يووووووووووه قصدى فى ارثوذكس
بصراحه الاسبوع ده
هخليها اروش سبعه توقيعات
وتعالوا نشوف اول توقيع
(1)

دا توقيع الماكس مايكل
بس بجد جامد جدا ختم الدوله ده
(2)

دا توقيع بنبونه سكره
الله اعلم بقى مين دى اصلا
بس عايزه اقولها ولا هيكبر ياقمر
حتى لو جبتى عدسه مكبره
دا الحجم الثابت
اللى مش بيكش
ولا بيكبر
(3)

ميكى من فضلك اطفيها
علشان بتعب من ريحتها
كح كح كح كح
فااااااااااااااااااشل يامكمك من يومك
(4)

دا توقيع هون هون هانى وجيه
وطبعا غنى غنى غنى عن التعريف تعريف تعريف
واللى مش يعرفه يدخل الادبى
قلمه قلمه قلمه مصيت المنتدى
تدى تدى تدى
اللى جابلك يخليلك ياهون هون
(5)

هانى هيكتب
وهيستمر فى الكتابة
اكتب يا هانى وربنا معاك
اكتب يا هانى واحنا وراك
ههههههههههههههههه
ودا توقيع الناى الفريح
ابن عم خاله جوز اخت الحزين
ههههههههههههههههههه
دا من كتر اعجابه بضاع ضاع ضاع ضاع
وماما تزعل
للكاتب المعروف هون هون هانى وجيه
(6)

ودا بقى توقيع البت ورده حزينه
بقى دى منظر واحده حزينه
جيباها تسلى القعده
ميرسى يافوفا
بس يالا ياحرام دى مستنيه النقطه بقالها كتير اوى
(7)
تعريف محاسبة التكاليف

• هي عبارة عن مجموعة المفاهيم و المبادئ التي تستخدم في قياس التكاليف الفعليه للفترة او لوحدة المنتج

انا مش فاهم حاجه اهئ اهئ اهئ
حد يفمهني .. ده لو حد عرف يغهم

طبعا واضح جدا مين ده
احب اقولك ولا عمرك هتفهم يابولا
ولو حد فهم مش هيعرف يفهمك
اصل محدش فاهم حاجه فى اى حاجه
وكده تبقى خلصت فقرتنا
اتمنى تكون فقره الاسبوع ده
خفيفه
ويالا مستنين منكوا اجمد واحلى توقيعات
كانت معكم الاستاذه المبجله
المهندسه الدكتوره
كوتا
كفايه كلام عليا بنكسف
ومش بحب المجد الباطل

(** عيد ميلاد ابو الفصاد**)




يلا كلنا نهني اختنا العسوله الكميله
(bright)
ونقولها كل سنه وانتي طيبه يااجمل دينا في الدنيا وعقبال 1000 سنه ياجميل
الي عايز يهني دينا يدخل هنا
هنوا معايا ملاك المنتدي بعيد ميلادها
ونقولها


وعيد ميلاد استاذ عزيز علي قلوبنا كلنا
عيد ميلاد استاذ
(ظريف)
كل سنه وحضرتك طيب وعقبال 1000 سنه
الي عايز يهني استاذنا يدخل هنا
عيد ميلاد استاذ ظريف
وكلنا نقول له

وهيا دي كانت اعياد ميلاد اخواتنا للاسبوع ده
يلا نبدا احتفالنا
اولا التورته

والحاجه الساقعه

اما الهدايا
اول هديه لعمو ظريف

وتاني هديه لدينا السكر

واخر حاجه نحب نقولهالهم

الفقره

اعداد

و

تقديم

ملكه

الاحزان

((تهاني ابله تهاني))

اولا احلي خبر في الدنيا ممكن تسمعوه
ارثوذكسي الصغنون
استفاني
شرفنا
كلنا ندخل نهني مامت استفاني
سوسنه باشا
احلي مفجأه بقالنا اورثوذكسي صغنن (استفاني باشا)
وهديتك يااستفاني باشا

ويلا نرحب باخواتنا الي كانو غايبين عننا
ونقولهم حمدلله علي السلامه نورتونا
نهنيهم من هنا
رحبو معايا بعوده اكبر اعضاء ارثذوكس
ونقولهم

بس خلاص ابله تهاني قدمت كل التهاني الي عندها
استنونا في تهاني تانيه

الفقره

اعداد

وتقديم

ملكه

الاحزان

المنتديات المسيحيةالعامة

1-فيديو...........نياحة امنا سارة رئيسة دير الانبا بضابا
2-وحع القلوب
3-الجميل والاجمل ف منتدانا ‏
4-لحظة غباء
5-مرشد لمحاسبة النفس قبل الاعتراف
6-لاتقل يارب عندي هم كبير بل قل يا هم عندي رب كبير
7-ماذا تفعل لو لو.................
8-فعل ورد فعل 5 ‏
9-اتيكيت الهدايا
10-لماذا نستخدم البخور فى القداس
11-طقس عيد الصعود الالهى
12-إيماننا الحقيقي بالمسيح الواحد

حياة القديسات والقديسين

1-الشهيد بيفام الأوسيمى
2-القديس الشهيد سيباستيان
3-بلبل البريه ابونا اندراوس القلمونى
4-تمجيد الشهيد القديس بشنونة المقاري
5-ماذا تعرف عن القديسه كونيتا؟

الكتاب المقدس

1-7 حاجات

قداسة البابا المعظم شنودة الثالث

1-وعظة باسم دموع البابا بالموسيقى ومؤثره جدا

2-الرجاء (تأمل رائع ومعزي)
3-كل تأملات قداسه البابا فى ملف واحد
4-محاضرة " البابا شنودة " بالعباسية ، عن " لايغلبنك الشر بل ... "،27-5-09 ،واسئلة الشعب

مكتبة القصص والتاملات
الروحية

1-لا تكن اعمى
2-يارب اعطنى انسان احبه
3-باب من ذهب (باب الرحمه)
4-ياابنى ليه مهموم
5-حوار مع طفل جميل؟؟اتعتقدون من هو اتفضلو ؟؟
6-مقابله مع الله
7-قرر المحتال وزوجته
8-الحـب = 18 سنــة = اول سنة جواز ( قصة حقيقية )
9-كتاب الصداقة القمص تادرس يعقوب


المناقشات الروحية

1-اشياء نرفضعا ج2 داخل البيعة
2-الصليب نقطه تلاقى
3-هل من الممكن تحديد موعد مجيء الرب
4-هل يفارق الروح القدس الإنسان 5-ساعة الخطية ويعود إليه في التوبة (1)
6-إجابة سؤال هل الروح القدس يفارقنا حينما نُخطئ (2)

أدب وعلم وثقافة

1-كلمة خاصة لأعضاء ارثوذكس مع تصميم هدية
2-من غير وداع
3-صحح معلوماتك
4-ماذا يحصل للصقور بعد 40 سنه ........!!!! بالصور
5-الفحوصات الأساسية لصحتك .. منها اليومية والأسبوعية والفصلية والسنوية6- كيف ينفجر البركان بالصور


ملايكة موقع ارثوذوكس ( قسم الأطفال )

1-تيمون وبومبا حول العالم مدبلج مصري (محمد هنيدي) 128 ميجا + لعبتين فلاش علي الفيلم


الملتيميديا المسيحية

1-فيلم تسجيلي عن † بطمس _ جزيرة المحبة † ودير † يوحنا الحبيب † قديس المحبة ؛

2-† أضحك وتعلم مع نيافة الانبا رفائيل † هل الجسد الذي علي المذبح جسد حقيقي ؟؟

3-ترنيمة اكتر من رووعة للشماس اسامة سبيع "كتر الجراح "

4-ترنيمة - ابونا مينا - (لينكات خاصه)

5-ترنيمة بحلم اروح بعيد مشكلة الادمان
ترنيمة فيديو ........ يوليوس (مع كل سطر حكايه )

6-قداس لأبونا فانوس من دير الأنبا بولا ...

7-القداس الالهى ابونا اشعيا _ اسيوط

8-وعظة انت بجد مسيحى بالموسيقى ابونا يوأنس كمال


صور وخلفيات مسيحية

1-خلفيات متميزه
2-صور الام سارة
3-الكنيسة الاثيوبية الارثوذكسية
4-مين عايز عروسه يلا يا شباب ارثوذكس ادخلوا بسرعه؟؟؟؟
5-انا عازمة اعضاء اورثوذوكس على..........
6-صلاة البابا كيرلس للامتحانات
7-هيصوا يا مخطوبين وتعالوا اختاروا من 40 غرفة نوم

الحاسب الألى

1-الكتاب المقدس الإلكترونى برنامج أكثر من رائع
2-برنامج جد مميز لاضافة الكثير على سطح المكتب Vista Rainbar 2009 جامد (مجرب)
3-برنامج Internet Download Manager 5.17 build 2 في 29/4/2009 كامل + Portable
4-حصري اسطوانة Windows XP Se7en Lite 2009 Build 2 ويندوز اكس بى خفيف وثيم ويندوز 7 وتحد
Crashday (PC) Rip



التصميم والجرافكس

1-منتدى تعليم ال 3D ال CINEMA 4D2
cinema 4d r11 جاهزة3 للتحميل مع شرح بالفديو كيف تنصيب + تفعيل البرنامج

4-تعرف على cinema 4d
اية لكل يوم الاصدار الجديد بموصفات جميلة ومهمة لكل صاحب منتدى مسيحى
5-كيفية اعداد خاصية التراجع ( Ctrl+Z ) بحيث لا تنتهي عند التراجع في التصميم

قسم تطوير المواقع والمنتديات

1-تيجو نعمل شات ليف او الاضافة بشكل جميل باسهل طريقة

2-اية لكل يوم الاصدار الجديد بموصفات جميلة ومهمة لكل صاحب منتدى مسيحى

3-موقعك بخمس لغات

قسم المحمول ( الجوال )

1-مجموعه العاب نوكيا جديده

2-مجموعه العاب سامسونج e200.وا
e250



المنتدى الترفيهى

1-تحزير هام جدا
2-ضاع ضاع ضاع ضاع
3-اضحكو بقي
4-ارزوزكس حبيبي
5-شوفوا ولاء الزوجات لازواجهم بجد ستات جدعه هههههههههههه

منتدى المرأة

1-خرافات طبية
2-عصبية الطفل – أسبابها وعلاجها الصحيح
3-تنظيف الأظافر بالصور المتحركة
4-ملابس البحر يجعل النساء أقل ذكاء
5-احلى كوشة لاحلى عروسة
6-تفننى فى تزيين جدران منزلك روعه
7-اجمل عروسة ماكياج تسريحات اخر جماااااال

المنتدى الأجتماعى

1-شخصية تستحق التقدير ( 2 )
2-اقبل شروط المنتدى ولكن لا اقبل الاهانة !!!
3-اسبوع تنشيط للمنتدى
4-المسيحي الذي يرجع يسمى مسلم سابق
5-وظايف خالية
6-دقات قلب 1 ( الحب من دين اخر )
7-بدايتك فى المنتدى شكلها ايه

منتدى الأبائيات

1-اقوال لابونا بيشوي كامل..
عن الصلاه..
2-اقوال لالقديس أباهور البهجورى..
3-اقوال ليوحنا الدرجي..
4-اقوال الاباء عن( الضيقه)..

5-أطلبوا الرب متمثلين بآبائكم في 5-الإيمان - الرسالة السابعة للقديس أموناس..
6-هزيمة بيلاطس (11) تابع الرسالة السابعة لبيلاطس البنطي إلى سينكا

منتدى الخدمة الكنسية

XXXXXXXXXXXXXXXXXX

قسم اللغة الانجليزية

1-قصه رائعه باللغه الانجليزيه ومترجمه للعربيه
2-قصيده جميله لشكسبير مع الترجمه للعربى
3-من أقوال البابا شتودة ‏

مالتيميديا انجليزية

XXXXXXXXXXXXXXX

اللغة اليونانية

XXXXXXXXXXXXXXX

اللغة العبرية

XXXXXXXXXXXXXXXX

الفقرة اعداد
كوتا
ملكة الاحزان
الماكس مايكل
Mena-IO
ملاك سكر

nona queen



مسابقة نجـوم ويــك أنــد





بنشكر كل الناس الي بعتت ترشيحات
و بنشكر برده الناس الايجابية اوي الي مش بعتت ترشيحات رغم الرسايل الي اتبعتت لكل الناس


عدد الترشيحات الي جات (( 67 ترشيح ))

نتيجة المسابقة و نجوم شهر مايو هما


افضل قسم ::
القصص النصية

افضل مشرف ::
ماروجيرافك

افضل عضو ::
الناي الحزين

افضل موضوع ::
الفساد

افضل فقرة في ويك اند ::
فقرة اهم الموضوعات



هما دول نجوم شهر مايو مع نجوم ويك اند
الف الف الف مبروك لكل النجوم
مبروك نهي قسم القصص النسية
مبروك مارو جيرافيك
مبروك الناي
مبروك كوتا افضل موضوع
مبروك فريق عمل اهم الموضوعات

انتظرونا في نهاية كل شهر مع مسابقة
نجوم ويك اند




و للاسف تكون كده انتهت حلقتنا انهارده بعد ما انا طلع روحي و هقوم انتحر دلوقتي

الحلقة دي اشتغلت فيها 14 ساعة متوصلة
هيجي حد يفتح بوقه و يقولي انت هجاص هقوله ما انت مش عارف حاجه و اكتم حنكك ده خالص
اشتغلت الاول من الساعة 4 الظهر يوم الجمعة لحد الساعة 10 تقريبا و انا في الاخر المتصفح قفل لوحده
و وقتها قولت عليا النعمة ما في ويك اند نازل خمس دقايق و مهنش عليا و رجعت للشغل من تاني
جت الساعة 3 الفجر من يوم السبت بقا و انا شغال و في امان الله لقيت النور قطع
والهي والهي والهي قاعدة اعيط في الظلمة جنب الجهاز و الي غظني اوي ان النور مكملش دقيقة و جه
رجعت اعمل تاني من الاول



انا عاوز كل واحد يدخل يرد يكتبه رده علي 10 مشاركات هتقولي ازاي معرفش بقا انشاء الله تكتب كل كلمة في مشاركة لوحديها
المهم الحلقة دي تعمل 1000 رد في خلال 24 ساعة لاما هولع في المنتدي

علي فكرة صحيح نسيت اقولكم
كل ويك اند و انتم طيبين
احنا اجازة لحد ما نتهبب نخلص امتحانات يعني اسبوعين كده
مفيش ويك اند لان الناس كلها عندها امتحانات و في ناس بتشيل شغل كتير دلوقتي و ده حرام
و انا مش عندي استعداد اجيب عيال تاني بس هه بقا



ابتدينا بفكرة و من فقرة دخلت فقرات و ظهرات ابداعات

مش هنفضل كده و مش هنكون كده لا احنا هنطور من نفسنا علشان نقدر نقدملك أجمل حاجة

احنا فريق عمل البرنامج

WeeKenD


هيكبر بيكم و هنبدع فيه و هنطلع و نفرش كل الي في المنتدي علي مدار اسبوع
اعزرونا لو كانت حلقتنا لم تليق بفكرتنا بسبب ضيق الوقت. كل واحد فينا تعب و ساب حاجه مهمة علشان يقدر يقدملكم أجمل حاجة
و أوعدكم أن كل حلقة هيكون فيها جديد من فقرات و شكل جميل و انتم برده معانا
عندك فكرة أو عندك فقرة قولنا و قدمها بنفسك من خلال البرنامج
عاوز تعلن عن حاجه انت عاملها في المنتدي
عايز تضمن أن اعلانك ده يشوفه عدد كبير من اعضاء المنتدي
ابعتلنا في رسالة خاصة و قول الي انت عايزة
مشاركة فقرة أو أعلان أو فكرة أو خبر أو أي حاجه نفسك تقولها للبرنامج

أرسل من هنا



شارك في هذه الحلقة

تجميع الاخبار :

كوتا
بنبونه سكرهbolalover


تصميمات الفواصل و بوسترات الحلقة :

Mina3338
mr_desigen
M@RIN@

تقديم فقرات :

ميرا الامورة
MICKEY
ملكة الاحزان
هاني وجيه
بنبونه سكره
ملاك سكر
IO-Mena
مايكل الماكس
كوتا

ELPHILOASOUF

nona queen





كان معكم
بولا عاطف

المصدر: †† ارثوذكس †† - من قسم: البرامج والخروجات الخاصة بالاعضاء

[MICKEY]

كل سنة وانت طيب ياهيما
وغيرو توقعاتكم بقي ياعالم ياتيت
وميرسي ياميرا علي موضوعك الجميل وربنا ينيح نفسها
والف مبروك لمارو علي الخبر الجميل بتاع الاكثر من 1000 موضوع
وربنا يقويك ياابانوب
وربنا يشفيك ياميتو هــءءء

اما بالنسبة لخبر ازاي متتضربش علي قفاك
فأنا واثق تمام الثقة ان اول اتنين هيضربوا علي قفاهم
هم الفيلسوف ومانو
ههههههههههههههههه

وفقرة موسوعه عضو دي تحفه اوي اوي اوي يابنبونه بجد .. يوووووه قصدي ياميكي

فقرة هون هون جامده جدا جدا وخصوصا الجملة دي انا م قادر افهم هو يقصد ايه

هون هون فرحان انه معاكم في البرمج وهتقدم لك كل حلقة فموضوع شكر

وشكرا ياميلانو علي فقرتك
شكرا نرموس علي فقرتك
شكرا كوتا علي المجد الباطل اللي قولتيه عن نفسك
كل سنة وانتي طيبة يابريت انتي وظريف
وميرسي ياماري علي اعداد الموضوع
والف مبروك للفائزين مارو جرافيك والاني الحزين ومريم كوتا ونهي والقصص النصية
وشكرا يابولا علي المجهود الهايل الملحوظ

[بنت الفادى الحبيب]

ميرسى لكل فريق ويك اند ربنا يعوضكم

[kiko]

لقد قام العديد من الاعضاء بعمل موضوع تهنئة لهيما و لاكن همو قام بمسحهم و ازالتهم

تيييييييييييييييييييييييي ييييت طول عمرك هههههههههه
بس كل سنة وانت طيب بردو

[ماروجيرافك]

اولا كل سنه وانت طيب يا هيما

معلش مكنتش موجود عشان احتفل بيك

بالنسيه للاف موضوع اشكرك بولا حبيبي لتهنئتك الجميله

مسابقه القصص اليوميه
بجد برافو علي نهي حقيقي مجهود جميله ومسابقه كلها فايده

مسابقه الايات احب احي حبيبي مجدي لتفكيره في المسابقه الرائعه دي
بجد يا جماعه من اكتر المسابقات الي استفد منها كتير

واحب اشكر كل من رشحني لافضل مشرف بجد انا من غير محبتكم عمري ما هقدر ادي حاجه

واحب اقول لبولا الغالي برافو عليك حلقه جميله فعلا
وسامحني لاني قصرت معاك فب الحلقه دي لظرورفي

ربنا معاكم ويدبر كل امور حياتكم

[aymonded]

طبعاً اشكركم على تعبكم جداً ، واحب اقول لهيما كل سنة وانت طيب يا جميل ولو أنه متأخرة جداااااااااا ؛ ولكن هاتتعوض بإذن يسوع ومش هاتفلت من بين إيدينا ,,,,

واشكركم على الموسوعة ولو أن اللنكات كلها بايظة وقد اضطررت أحذفها حذف مؤقت للتصحيح وسأفتحها مرة أخرى بعد أن يتم تصحيح اللنكات ، اقبلوا مني كل حب وتقدير ؛ النعمة معكم

[miro_rook]

ميرسي ليكم علي الحلقه الجميله ديه
والف والف والف مبروك يا هيماااااااااااااااااااااا ااااااااااااااااا

[mina3338]

اول هام الحلقة جميله قووي تحفة
وشكرا لتعبك ياللي عملتها حاكم انا مش عارف الواد بولا هو اللي كتبها وبيغلطت وبتكلم بصيغه المؤنث ولا حد تاني

-----

كل سنة وانت طيب يا احلي واغلي هيما
وعقبال مليوووون سنة تكون فيهم بهمه ونشاط وحيويه وشبابا علي طوول

-----

ماروجرافك مبرووك في حاجات كتير قووي
انت فعلا نشيط وعضو ممتاز ومشرف متتاز
ربنا معاك يا جميل

----

ابانوب قسم الميديا بجد تحفة بيك
وانت فعلا بتجيب حاجات جميله جدا وبتعجبني شخصيا

----

ربنا يشفي ميتوهئءء ويكون معاه
ويكون معاكي يا نهي
بجد هانفتقدك يا نهي ربا معاكي

----

هاني هون هون هون
ان افطست من الضحك من اي حاجه جت فيها سيرتك
سواء اللي كتبته
او لييه يا هون هون ليه
بجد الفقرة جميله
بس بردو مقولتليش
ليه يا هون هون ليه بتعمل فينا كده
ههههه

-----

مسابقة الايات اللي عاملها توتيت بجد بجد
الواحد المفروض يقضل يشكر فيه من هنا لبكرة ومش هايكفي
ربنا معاك ومع المسابقة الجميله جدا دي

-----

ميكي مكاميكي
كالعاده واد مفتكس وبيجيب حاجات جديده طازة طحن
وفكرة اقضل تصميميم وافضل مصمصم
فكرة جامده جدا وهاتكشف عن نا كتير ومواهب كتير في التصميمات
وانا بجد اول ما اخلص امتحانات هالزلقك في المسابقهه
هههههههههه

-----

عشان متضربش علي قفاك يا مانو انت وفيلو
امشو بسرعه من هنا
ههه
بجد يا جوز عيال ملهمش حل
الفقرة دي عجبتني مووت بجد واستمرو

----

طبعا كوتا والمجد الباطل واضح جدا جدا انها مش بتحبه
شكرا كتير علي الدرس العملي ده يا كوتا

----

اشكر بقة شكر خاص جدا جدا جدا جدا جدا جدا جدا جدا
كوتا - ملكة الاحزان - الماكس مايكل - ملاك سكر
nona queen - Mena-IO
علي احلي فقرة في البرنامج كله
واكتر فقرة انا شخصيا بفتح ويك اند مخصوص عشان اشوفها بجد
تسلم ايدكو وربنا معاكو

------

في الاخر بجد
احب احي كل فريق عمل ويك اند
اللي انا ليا الشرف اني اكون واحد منهم
وربنا يكون معاكو بجد في حياتكم وامتحانتكم
وهاتوحشني يا برنامج ويك اند الاسبوعين دوول
بس فعلا الواحد مزنوق زنقة سودا في الامتحانات

[nona queen]

اولا بحب اهنى هيما بعيد ميلاده واقوله كل سنه وانت طيب وعقبال مليون سنه
ثانيا الف سلامه للعضو ميتوهىءءء وربنا يكمل شفاه
ثالثا الف مبروك مارو على مواضيعك ال1000 وربنا يبارك فيك وفى خدمتك
رابعا احب اهنى هون هون على نجاحه الكبير الكبير واقوله كفايه كفايه هانموت هانموت من الضحك الضحك هههههههههههه
خامسا انا بحيى مجدى على مجهوده الكبير فى مسابقه ايات لانها فعلا لفتت انتباه عدد كبير من العضاء
وانا شاكه ان الجوايز هى السبب الاغراء جامد اوى يا جماعه دا كارت بحاله هههههههههههههه ربنا يوفقك يا مجدى وبالتوفيق
واخيرا وليس اخرا احب اهنى الboss الكبير اوى بولا باشا على المجهود الرائع بتاع الحلقه وفعلا يا جماعه الراجل ده بيتعب جدا وياريت ياخويا تصلح الكمبيوتر بتاعك ولا تشوفلك بيت تانى ميكونش فيه نور بيقطع عزل احسن ههههههههههههههه ربنا يبارك فى خدمتك

و انا مش عندي استعداد اجيب عيال تاني بس هه بقا

الجمله دى بقى يا بولا بالذات اقول فيها شكرا ولا تعليق
والف مبروك للفائزين فى الترشيحات وبالتوفيق المستمر

[بونبونه سكر]

اول حاجه طبعا احب اقول لبولا ربنا يقويك وبجد انت عبقرى وانا عارفه اد ايه انت تعبت ومكنتش طايق نفسك اساسا بس اهى الحلقه طلعت من تحت ايدك زى العسل
واحب اهنىء هيما وبرايت واقول مبروك لمارو بجد انت تستاهل ومبروك كوتا على الموضوع ومبروك للناى الحزين ومعلش بقى انا نسيت اصوتلكو
اما بالنسبه لكوتا فمش تخافى انا مش ميكى خالص انتو دماغكو ناشفه قوى
اما بالنسبه لفقره هون هون فانا اساسا كل ماسمع اسمه افطس على روحى من الضحك واى موضوع هو داخل فيه بيبقى تحفه بجد
احفظنا يارب من الهون هون اااااااااااااااااااامين
وهيشوحشنا اوى اوى الاسبوعين دول البرنامج ربنا يجمعنا على خير