[جناح المسيح]

قلبى بيبكى

قلبى بيبكى وعينى بتبكى وكل ما فيا بيبكى عليك

كنت ملاكى عايش جواكى كنت بخاف م الهمسه عليك

كنت ليالى انت الغالى وكل ما فيا بينده ليك

بعد دموعى وبعد اهاتى عمرى ما هسال تانى عليك

قلبى وبالى وعمرى وحالى بقوا دلوقتى خلاص ضايعين

بعد الغالى مابقاش غالى ومن طريقه خلاص راجعين

حتى عتابى ليه وحسابى مابقاوش عنده خلاص فارقين

بس يا قلبى جراح ما تخبى وقولى دموعك جايه منين

بطل حزنك بطل ياسك بطل شوقك كل حنين

مهما دموعك برضه هتكتر مهما هتبكى دموع لسنين

انا ولا قلبى هنرجع تانى لقلبه لحبه باقينا بايعين

شوفت طريقه خادنى وجابنى شوفت وصلنا وروحنا لفين

قلبى بيبكى وعينى بتبكى وكل ما فيا بيبكى عليك

كنت ملاكى عايش جواكى كنت بخاف م الهمسه عليك

كنت ليالى انت الغالى وكل ما فيا بينده ليك

بعد دموعى وبعد اهاتى عمرى ما هسال تانى عليك

من تاليفى

اذكرونى فى صلاتكم

انطونيوس جرجس

17/3/2009

المصدر: †† ارثوذكس †† - من قسم: القسم الادبي

[نبيل نصيف جرجس]

كلماتك زى السكر بجد يا انطونيوس
اسمك جميل وروحك جميلة وكتاباتك روعة وكلها من قلبك
بجد بتمنى من الهى يزيدك نعمة ويفرح قلبك يا رب

[samerco75]

جميل خالص
شكرا ليك

[nermos1982]

كلماتك جميلة بجد يا انطونيوس. ربنا يفرح قلبك يارب ويكون معاك

[جناح المسيح]

المشاركة الأصلية كتبت بواسطة نبيل نصيف جرجس كلماتك زى السكر بجد يا انطونيوس اسمك جميل وروحك جميلة وكتاباتك روعة وكلها من قلبك بجد بتمنى من الهى يزيدك نعمة ويفرح قلبك يا رب

متشكر خالص مالص يا نبيل
على كلامك الجميل وتشجيعك ليا
ومرورك حقيقى اسعدنى

اذكرنى فى صلاتك
انطونيوس جرجس

[جناح المسيح]

المشاركة الأصلية كتبت بواسطة samerco75 جميل خالص شكرا ليك

متشكر خالص مالص يا سميركو
على كلامك الجميل وتشجيعك ليا
ومرورك حقيقى اسعدنى

اذكرنى فى صلاتك
انطونيوس جرجس

[وردة حزينة]

كلماتك تحففففففففففففففففففففه بجد وعاجبتنى اوى ياانطونيوس
ميرسى ليك

[جناح المسيح]

المشاركة الأصلية كتبت بواسطة nermos1982 كلماتك جميلة بجد يا انطونيوس. ربنا يفرح قلبك يارب ويكون معاك

متشكر خالص مالص يا نيرمين
على كلامك الجميل وتشجيعك ليا
ومرورك حقيقى اسعدنى

اذكرينى فى صلاتك
انطونيوس جرجس